Yat Hing Noodles

今日早餐叫了沙嗲牛肉麵，火腿蛋多士，連埋凍飲40$，碗麵黎到得3片牛肉，和樓面講唔係掛幾十蚊早餐得3片牛肉？個樓面搵四眼疑似老板娘講，佢直情無視我，喂喂理解香港做飲食鋪租貴人工貴，但唔係咁做生意呀？餵狗都唔只3塊牛肉片掛？垃圾到沙嗲牛肉無沙嗲味，牛肉得3片仲要好似食香口膠，之後黎既多士又燶既，到埋單老板娘走去食早餐，黑起塊面唔想收錢咁，食個早餐到一肚氣，我第一次寫食評可以諗到幾受氣，難怪d人北上消費…Read More

入鋪頭叫外賣蠔仔粥及蘿蔔牛腩飯，第一位店員聽到我話叫外賣就話要搵第二個店員，佢唔識落外賣單就咁行左去而我就企左喺收銀機前等，之後另一個店員行埋黎再幫我落單。叫左蠔仔粥及蘿蔔牛腩飯後，企左喺鋪頭出面等左10分鐘左右店員叫我外賣既號碼。我拎左外賣返到屋企打開至發現一盒係蘿蔔牛腩飯，而另一碗並不是我叫的蠔仔粥，而是蘿蔔牛腩飯附送的一碗紫菜湯。我即刻打電話比店舖同店員講剛才外賣比漏左蠔仔粥，店員只係講左句送番比你就cut左我線。我係外賣自取請問佢點樣送番比我呢？仲要cut我線，對唔住都冇句。無奈地又再落返去鋪頭，同店員講啱啱外賣比漏左蠔仔粥，佢就只係叫返廚房煮，另一店員聽到就問佢咩事，我聽到佢地話我既蠔仔粥比左另外既客。我企左喺鋪頭等廚房整過蠔仔粥比我，唔夠一分鐘個店員又問我叫左咩食，我都已經無野好講，啱啱佢地至講完比錯左我叫既蠔仔粥比人地，轉頭又問我叫左咩。呢個時候坐喺鋪頭有一家三口落左單十幾分鐘都未有野食，店員問佢地叫左咩食，佢一家三口話落左咩單店員唔知既咩？咁佢地都有講多次食咩，點知店員話冇哂佢地叫既魚片，但落左單十幾分鐘都冇講比客知叫人改過另一樣餸。之后佢地重新又再落單，終於出左其中兩個粉面，店員又再問一家三口仲有一個係叫左咩？咁既係之前落既單係廢既，落二次單都冇跟？終放，我拎到我既蠔仔粥返屋企，一打開盒蘿蔔牛腩飯，凍哂不特止，仲見到一隻蚊既屍體喺白飯上面。呢間鋪頭，店員冇禮貌，又漏單，野食又唔乾淨，唔會再幫襯。…Read More

《一興粉麵 - 深水埗》要食好食既港式粉麵？深水埗真係有好多好選擇，前排朋友帶領下黎左位於欽州街既一興試佢地好多人叫既牛脆骨米，價錢抵食又大份，仲都好多牛既特別部位可以選擇，我地三個人叫左三樣野都係百零蚊炸，下次黎可以試埋佢既牛筋，好似都好吸引下💁🏻‍♀️牛腩墨丸米粉朋友話佢既墨丸入面都墨魚肉，食落都口感同埋好香口，牛腩連住筋膜位置，滷水既味道入曬去牛腩度，咬落軟淋有油香💁🏻‍♀️牛脆骨米粉第一次見到港式粉麵店有賣牛脆骨，咁啱我又係好喜歡食軟骨既東西，牛脆骨食落嗦嗦聲，有啲似長條型既雞軟骨咁樣，十分掛汁，同米粉既口感都幾合拍，大大碗都係$42，出面好少食得到架💁🏻‍♀️炸醬麵炸醬麵同平時食到既味道有點不同，好似比較濃味同咸香，佢既肉醬係用免治肉做，所以特別掛汁，每啖麵都食得到肉碎，仲有啲生菜可以拌勻一齊食，配幼麵就最適合不過…Read More

新開一間粉面鋪 咁啱經過入去試吓✅蘿蔔崩沙腩丐蘿蔔煮到夠腍，吸晒肉汁，入口即化。崩沙腩嘅肥瘦比例適中，肥肉部分入口即溶，瘦肉就鮮嫩不柴，味道濃郁得嚟唔會過鹹。✅牛腩墨魚丸米粉牛腩煮得夠入味，滲出濃郁嘅牛肉香味，配上米粉，湯底清甜唔油膩。墨魚丸彈牙，帶有海鮮嘅鮮味，咬落去彈彈地，幾過癮。米粉煮得啱啱好，唔會太爛，吸晒湯汁，每一啖都係精華🤭仲叫咗個外賣攞走🤣✅蔥油雞翼太陽旦撈公仔麵撈麵嘅麵條彈牙，唔會煮得太軟，仲帶有少少嚼勁。蔥油香氣四溢，令到成碗麵都增添咗一份獨特嘅味道。雞翼煮得好入味，皮滑肉嫩，咬落去啖啖肉汁。太陽蛋煎到剛剛好，蛋黃流心，混埋麵一齊食一流😋…Read More

深水埗一向也有很多平靚正的美食，這次和朋友在西九龍中心逛完街之後，決定在附近的這家一興粉麵吃碗港式粉麵！餐廳內光線充足，空間寬敞，座位令人坐得自在！餐廳主打牛什、雲吞等等！平常一向很少吃牛什，但這次和朋友都看到餐廳是馳名的牛什專家，不約而同地想吃吃看這裡的牛什～✨牛什河每款牛什都各具特色！牛肚口感Q彈！牛腸表面光滑，內裡柔軟有彈性！牛肝口感滑嫩細膩！牛肺質地柔軟！河粉光滑柔軟，能夠很好地吸收湯汁！整體的味道有驚喜～✨ 牛什米而朋友那一碗麵底就選了米粉的，而米粉的掛湯能力更高，可以充分吸收湯底的精華，完全地感受到湯底的清甜～原來餐廳也有提供一些比較罕有的部位，下次一定要再來吃吃這裡的牛脆骨～一興粉麵而家已經總共有兩間分店啦！！📍 深水埗分店║ 深水埗欽州街58號米蘭軒地舖 📍 長沙灣分店║ 長沙灣青山道376號和興大廈地舖…Read More