一肥貓古祖味蛋糕 (Closed)

今天去買2重不同口味各一盒的蛋糕，要求店員分開1式2份，店員態度不瞅不睬，只 給予一把膠刀叫我們喺門口自己分。 如果店員忙拒絕還有理由，但是門口根本都沒有人排隊，總之佢就睬你都傻。如此服務態度以後不需光顧，況且全港九新界大把同類型蛋糕店

今日入咗元朗，見到呢間之前在網上好多人話好食嘅古早蛋糕，都有啲人排隊諗住買一個返屋企試吓！$75好大舊，都好似好底食！但係............我自己唔係食過好多間古早蛋糕，亦唔係食家，好小在Openrice 話野唔好食，我食咗一啖真係吐返出黎，味道係生雞蛋味，沒有芝士味，入面好似係唔熟！ 講真出面真係好多好好食，不過可能元朗唔多呢類蛋糕賣，所以街坊門都覺得好好食！

今日一早到元朗，就是想試下呢度既古早蛋糕，佢要兩點度先開始出爐，一早多人排隊。我要左個芝士味，一食果然不錯，鬆軟，蛋味濃。不過重點都是要新鮮出爐熱食先可以得到最好享受，大家來到元朗可以一試

淨係元朗都有最少4間台式古早味蛋糕分別係「軟綿綿」「一肥貓」「淡水老街」「古早記」本身都好鐘意食蛋糕 於是一次過試曬4間做個比較一肥貓應該係元朗 什至香港最開初帶入台灣古早味蛋糕既一間 佢地係親自過台灣學師返尼開放式廚房 有時都會望到入面整蛋糕既過程出爐香味飄飄唔誇張 唔怪得成日排長龍蛋糕係店面玻璃後即場切 入盒 切好一爐兩盤先開賣20個蛋糕 一般好快賣曬而家愈出愈多味 伯爵茶 朱古力 咖啡 全部都超香！蛋糕質地十分十分鬆軟 甜度相對較低咁岩買個日有限量黑芝麻口味個人口味來說 萬分滿意！但唯一一樣野可以更好就是服務態度 店員都比較「有性格」

今日專登去元朗「肥貓古早蛋糕」買個古早蛋糕試下。有選擇困難症嘅我，樣樣味道都好想試唔！但見到有款寫著限定「百爵茶」味，限定兩個字就令我毫無考慮之下就決定買這款試吓啦，驚之後唔再出就無機會再試！新鮮出爐嘅蛋糕真係好香嫁！回到家馬上打開試試，雖然蛋糕仍然是暖暖的，但為何半點香味都沒有飄出來呀失望！切開嘅感覺真的好鬆軟，食落只有微微茶香，但極微囉，唔夠甜味，好淡，$75真係令人大失所望呀！難道第一次真係應該先買原味試吓先嗎

住左元朗兩年幾，睇住佢開張，成日都有人排長龍，就冇試過，一黎覺得貴又大舊兩個人食唔晒，有日家姐話想食，就帶左佢去買，啱啱有肉鬆味出爐，黎面又冇人排隊，問佢有冇原味，肥姐姐：門口寫左幾點出爐出咩味，自己睇，而家呢個切緊等10分鐘自開始賣，要就門口排一陣好啦，咁試下啦反正冇人排，到佢開始賣，我哋排第二我： 要兩個呀肥姐姐：2個肉鬆味？我： 咁你有冇其他味？肥姐姐： 門口寫左幾點咩味⋯⋯⋯blablabla 我：咁你問咩者你都冇其他味（心唸：玩我呀，問咩者你得一款味我話要兩個你問返我係咪兩個都係同一個味？！）又唔係特別好食

<香港•元朗>👩🏼‍🦱媽咪係咪覺得我仲有增肥空間？抑或擔心我唔開心？放工番屋企見到枱上面有盒野（傷心！唔係愛媽仕包包!!!) 係「一肥貓古祖蛋糕」👀 👩🏼‍🦱：「你食啦！食左開心啲！」 肥貓古祖蛋糕-抹茶麻薯味蛋糕禁下幾Q彈，軟綿綿😮入口滿滿蛋香，甜度同油度比其他古早蛋糕都少👍🏻👍🏻👍🏻好可惜抹茶味唔夠濃，麻薯粒粒有啲乾😗如果抹茶味重啲 會食得開心啲！🤣🤣🤣 #古早味蛋糕 #肥貓古祖味 #元朗 #元朗美食

抗疫期間去咗行山， 行山的人仲多過市區行完山小子就喺元朗周圍行搵吓食， 見到依間古早味蛋糕仲有15分鐘就出爐所以就去排下隊， 着唔多夠鐘， 職員會行過黎提醒準備散紙， 之後等一等條隊就行去店的向方，逐個一鋪裏面買， 當時已經包裝好一盒盒， 小子就買左一盒想食既芝士味。隔離個紙盒， 小子帶住口罩都聞到蛋香味，蛋糕仲熱辣辣小子搣咗少少事要食當然好好味， 盒上邊有寫到明12個鐘頭內要擺入雪櫃。 回到家再食， 雖然凍咗但係都仍然食到香蛋味嘅蛋糕同埋有芝士味芝士味古早蛋糕$65

下午1時46分路过，見裏面肥女人已在切芝士味蛋糕，問幾點賣，她説兩點，你去轉彎排隊，我一去空無一人，又走回鋪面，她正在包裝入盒，她說現在只賣原味，你不要问我什么原因，要2:00才開始賣，我等到兩點，叫她比一盒，她说去转弯排隊。我说一個人都冇，排什麼？原味都已經剩一堆，有人買又扮上菜，全部留番自己吃吧。先未知你好不好吃，做生意如此態度，為什麼要受你的氣，點我來來去去幾次，很受氣！掉頭走了！

今日四時多入元朗舖買的是綠茶味蛋糕($75)但回家打開看竟然是原味($55)價錢相差20元之多!非常失望😓味道還一般...只有一般的有蛋香，亦不是傳說中的超軟熟! 原本諗住見他們剛剛出爐的芝士味,一心想買芝士味,但店舖裏的女士極力推介綠茶味，還說要涷食， 只怪自己沒打開看清楚太相信人家了😨

蛋糕質感幾軟熟，唔會太濕，牛油和芝士味到位而且突出👍如果內層可以鋪多啲肉鬆，味道會更加好。..🥡之前試過原味芝士蛋糕，但覺得芝士味太重😣容易食到滯。但今次肉鬆蛋糕的各方面比例剛好，食落比芝士味更好食。

一直食開芝士味， 一家大細都好鍾意， 但有時會買唔到。 老闆娘勁好人， 提醒我2點鬆個轉， 一定會買到芝士味， 頭先仲幫我摺齊個蛋糕盒， 令我可以將其他外賣放埋一齊， 唔會咁論盡。

想去太子買蛋糕，但太多人了🙈好耐之前都去過元朗買古早味蛋糕🤣🤣去過幾時都好多人👭👭👭好彩有一次等一陣就有😝😝芝士蛋糕 $65 熱辣辣出爐時都幾正💛💛食到好香既雞蛋味同芝士味有兩層既芝士夾心🧀小小咸咸地 令味道冇咁單調蛋糕亦好軟熟 絕對唔會乾爭爭👍🏻同埋個蛋糕都幾大個放左2日慢慢食都keep住鬆軟🤤如果要排好耐隊就免了🙈🙈🙈.📸#一肥貓古祖味蛋糕地址：元朗又新街 27-29號建威大廈地下 7 號舖

之前見咁多人排以為都會有返咁上下質素，終於等到熱潮冷卻無人排隊，即管一試！買左芝士味無講到咁神級吧！唔滑又唔軟、鞋口的，一般級數.....最慘係店員態度超惡劣........絕無下次

服務態度有待改善，冇禮貌，叫自己看出爐時間😑手指窗前點著的出爐時間！不願作答！明明已經有蛋糕，但也要你排隊等，以表示人氣蛋糕？蛋糕一般，不值排隊等候去買！下次可以不試！