Video
5-min walk from Exit A2, Cheung Sha Wan MTR Station
continue reading
Telephone
63603827
Payment Methods
Above information is for reference only. Please check details with the restaurant.
《一笑食堂》雞湯拉麵 🍜📍深水埗順寧道98號美寧中心A座地下13號舖先講一件無聊事，話說有次去池袋食五感，我出發時响 Google Map 就 search “池袋 五感”，就不加思索撳左頭一個 result，跟住出發。去到之後發覺並唔係我預約嗰間五感，但店名一模一樣，我就唔知邊個抄邊個，亦唔知當中來龍去脈，我只係飛快地衝去”真正”的五感，好彩兩店距離都算近，步行15分鐘，跑就5分鐘，唔跑真係唔得，因為預約左 😫，結果趕到身水身汗。點解會講呢件事呢？睇到底自有分曉 😂《一笑食堂》一直都有聽其他麵友提過，而食評幾乎都係正面，店長富哥似乎好健談會主動同客人傾計，想試好耐，今日終於安排到時間探店。今日我點左雞湯拉麵 🍜，論驚喜度，可能係今年內最高嘅一次。首先因為我中午去，所以有做午巿價，碗麵只係 55 蚊。碗麵一上，富哥主動提點食到咁上下可以加拉麵胡椒轉味。我習慣每一碗麵一上就先聞一聞先，香味就並不強烈嘅，點知一飲個湯，雞味濃烈，真心可以用响口腔爆發來形容！雞味唔單單係濃，仲有鮮雞先有嘅鮮味，呢吓冇可能用雞粉可以扮得到。雖然menu冇寫明，不過呢款明顯係雞白湯，亦見到富哥有用blender打過。講真我唔太鍾意雞白湯太過白色(個人喜好)，而呢款湯就係自然偏黃色，十分濃郁而鹹甜度剛好，我覺得近乎係完美黃金比例。麵條方面，細直麵，同一般博多風拉麵會用嘅細直麵大同小異啦，軟硬度適中，好食嘅。豬叉燒又係另一驚喜位，豬五花，肉同脂肪之間有一層筋膜，因為係第一次幫襯唔知係咁啱係咁定長期係咁，我就非常鍾意，就類似食牛腩嘅人都多數會鍾意食崩沙腩，就係貪佢有塊筋膜，口感好好，而且肉味甘香可口，又係近乎完美。溏心蛋就正常發揮啦，調味偏淡口不過勝在夾個湯，有流心不過我就鍾意再生少少會啱口味d。讚左咁多係咪冇野唔好呢？有一樣嘅，我就覺得放高菜有少許唔夾個湯，因為高菜味道有d霸道，撈埋落個湯度有d蓋過左湯嘅鮮味，如果用返木耳可能會好d。因為係午巿，加35蚊可加個小食同飲品，我就加左雞沙律。我未做足功課，以為沙律係沙律菜，原來個沙律係薯仔撈蛋，不過都係好食嘅。整體，55蚊可以享受呢款麵，論性價比呢款麵係真超高，下次一定要帶埋屋企人朋友去探探佢。話說回來，回應返開頭，因為我第一次去，唔知間店真實位置，都要搵一搵。响附近，有一間叫”千笑居食屋”嘅店，似係新開張，傻傻的我仲以為自己記錯左店名，响門口望左一陣先知此間不同彼間，好彩冇中鬼左入去。
continue reading
一笑食堂在長沙灣那裡有兩間店舖，兩間都是位於美寧中心，在外圍看到的是大店，屬於居酒屋，提供刺身/壽司/卷物/鐵板燒/輕食/串燒/炸物。而在內裡横巷有另一間小店，提供的是拉麵/丼飯/輕食。小店早前沒有提供拉麵，現在則提供兩款拉麵，包括博多雞湯拉麵及櫻花蝦味噌拉麵。拉麵價錢實惠，另外亦有特色麵食例如海膽拌麵，價錢稍貴一點。我先後吃過櫻花蝦味噌拉麵及海膽拌麵。櫻花蝦味噌拉麵味道不濃不淡，易於入口亦感覺自然，水準可以接受。海膽拌麵則甚為野味，海膽可以用筷子整顆吃，亦可以和麵條拌均一齊吃，而拌汁則以蟹黃及滑蛋製成，味感豐富，更勝一籌，雖然以上兩款拉麵美味，可惜麵條屬於細幼麵，份量小，對於男仕並不飽肚，需要另加替玉或小食。主食加$35可以轉為套餐，有一碟小食及一罐飲品，小食有芥末八爪魚/唐揚炸雞/慢煮雞肉沙律，飲品加錢可轉酒精飲品。一笑食堂有生蠔供應，亦有些期間限定食品例如慢煮牛肉他他，值得一試。
continue reading
性價比高拉麵店 位於唔起眼的舊式商場內 有間店舖唔太的日式拉麵店博多雞白湯拉麵雞白湯底香濃但不會過鹹 叉燒肥瘦均勻 燒至焦香好食麵是幼麵黎的 質地爽口唔會太淋 櫻花蝦味噌拉麵湯底濃郁 味噌味突出 飲落唔會太溜 仲有櫻花蝦淡淡的鮮味 海膽手卷係無飯的海膽手卷呀 淨係紫菜包住一堆海膽比你 海膽鮮甜冇腥味 就咁食完全可以食到個鮮味 門口有部扭蛋機 童心大起 結賬後店員會比1個硬幣你去扭蛋 包中獎的 有野飲有野食 😂😂 中左的下次惠顧就可以使用
continue reading
長沙灣都有拉麵食？🍜 當然長沙灣係有拉麵食，但係排隊嘅舖頭就唔多。（海老名係沾麵就另計🤔）（跟住極拉麵都係要排）在大雨下的美寧中心，顯得當中的一笑食堂更加神秘🌧️。是次等待約半小時。但都是玩手機📱，所以沒問題。2位職員也友善，是直率但心善那種大姐感覺😂。叫博多雞湯拉麵（$65），再加$35要了三選一的小食+罐裝飲料🥤。$35的慢煮雞肉沙律，調味很好，薯仔蛋白沙律不錯。（但份量感覺可以再大些🍽️。或者飲品換是自家製的檸檸茶等🍋）主角博多雞湯拉麵，湯底不錯，香濃雞味🍗。（非雞白湯味）叉燒有被燒過，很香🔥。溏心蛋也很溏心，合格過關！🥚麵質偏幼，有彈性，也挺好。（雖本人喜歡更硬身的）今次ok好食，想試其他野會否再好食d。食完還有扭蛋玩！有優惠券呢💸。下次會想再試其他食物🫶🏼一笑食堂 深水埗順寧道98號美寧中心A座地下13號舖營業時間12:00-16:30 18:00-22:00#香港美食 #長沙灣美食 #深水埗美食
continue reading
1家3口非繁忙時間下午5點令入去其中1間鋪仔眼見4張4人檯其實唔明點解要指定本身我無所謂不過小朋友突然見到有張檯比較似卡位想坐咁儘管開聲問下職員口講好.但語氣就聽得出.....東南北Ok Fine睇餐牌有咩食諗住順便落埋單唔使佢行多轉就叫左兩個主食+1個小食+1杯酒精飲品我又唔明點解落單個陣要受到言語攻擊Ok..心諗..唯有食完快啲走..都唔想做反面教材比個仔睇食物不過不失..但已經決定唔會再返黎食埋單後職員比左金幣我先生扭蛋我先生禮貌地話:唔使職員好似好驚訝咁講:下?優惠券黎架Wor..下次可以用so......咁睇黎你地都好後知後覺竟然覺得人地會回頭食真係唔該晒..真心唔敢再勞煩你地.拜拜
continue reading