一窩豐 (Closed)

終於都完成o左土耳其遊記，可以寫番食評﹗係人都知我鍾意打邊爐，周圍試新野是必然﹗今次就介紹番間比較得意的，可以一邊打邊爐一邊燒烤既小店﹗地點在長沙灣，叫做一窩豐﹗小店大排檔格局，鋪子不大，座位三十來個，勝在冷氣足，點燒點打邊爐都唔會熱﹗店內提供電爐，食客可以點食材來燒﹗就現場所見，絕大部份既食客都係來玩燒烤﹗食物價錢尚算大眾化，不過咩都想試的話就梗係貴啦﹗你在呢度facebook打咭既話仲有腸仔送添﹗先來一個大蘑菇﹗磨菇愈烤愈香，現烤下完全唔洗調味亦多汁，味道出眾﹗店內大量調味料提供，孜然粉、海鹽、辣粉、蒜鹽椒鹽黑椒等等等都有﹗你想落咩都得﹗岩哂鍾意自己玩調味既人﹗安格斯牛肉粒，睇樣色水幾好，可惜吃落重梳打味亦無牛味，可以不試﹗原隻大墨魚，肉厚味美，值得一試﹗呢度自家出品既雞翼亦都醃得好入味，正﹗海鮮提供有限，我就打來訂位時已預訂了幾款想吃的五人分量﹗要了大眼雞、蟶子、大蜆及鮑魚﹗要彈既就係呢度個烤爐力度唔係好夠，燒烤時要俾少少耐性﹗我地當然係飲住啤酒為樂，藍妹$22，青島$18，合理﹗蟶子不是巨蟶子，不過由於新鮮，咬口彈牙，加蒜加蔥一起燒，鮮甜非常﹗大蜆及鮑魚仔亦新鮮，上枱時仲郁的﹗大蜆海水味極濃，待其開口後加少少蒜泥，既惹味又清甜﹗正﹗最後食完一碟唔夠喉再加多碟呢﹗鮑魚由於殼厚，真係要燒半小時先熟，真係等食等到發忟爭﹗加少少香蔥，彈牙好吃﹗老友在現場上facebook打咭，待應即送上台灣腸一碟，甜甜的，外層香脆，好味喎﹗話o左我地無耐性，玩左個幾鐘燒烤最後都係決定打埋邊爐﹗安格斯大肥牛牛味濃，夠厚切，質感香軟，食得過﹗點了呢度既招牌牛腩湯底，茄味濃郁，牛腩亦味濃鬆化﹗手打蝦丸，吃得出由一粒粒的蝦肉打成，蝦味雖不算濃烈，口感還不錯﹗友人還叫了魚頭、魚骹等食物，我唔食魚梗係唔理啦﹗我處理的燒墨魚，燒得唔錯呱，少少燶是很難避免的﹗哈﹗刀叉切開齊分享，睇下幾厚肉，滿足﹗大眼雞以為要燒好耐，反而仲快過鮑魚﹗即日街市貨，夠大條魚味亦濃﹗半殼生蠔﹗蠔海水味極濃，不吃慣的我覺得腥腥地﹗整體來說食物不錯，只要多叫新鮮食物，準是不會失望的﹗飲左十幾廿支啤酒，埋單每人$300，不便宜，不過幾好玩，如果有時間慢慢燒下吹下水飲下啤酒，這兒是好地方﹗…Read More

朋友極力推介之下.. 今晚我們便來一試..初開業時是沒有酒牌的.. 要行過隔離街買酒精飲品.. 但現在不用了.. 雖然地方細小.. 有點迫的感覺.. 但環境和用具也很整潔.. 服務亦細心.. 有禮! 食物方面新鮮.. 賣相也不錯.. 燒完後 :司華力腸皮脆肉嫩.. 雞軟骨爽口.. 漢堡排還有肉汁.. 雞翼和牛舌醃製得不錯..大蝦啖啖肉.. 大眼雞.. 魷魚和鱔片亦不錯.. 蘑菇和翠肉瓜也特別香口!可以舒服地坐下涼著冷氣燒烤的感覺真的不錯..下次一定要預訂其他海鮮一嚐! 會再來!…Read More

某日男女朋友行過見到打邊邊+BB蕉既小店幾得意,搵到日得閒就係度搞咗開心星期五小局喇~BB蕉部:燒到喪喪地, 開始要求燒埋邊邊料~呢個就係邊邊蕉既好反之處喇~好, 輪到打邊邊部:如無意外店主係幾個年青人,佢地都好有誠意拱行埋嚟問我地有咩意見~而我地亦如實告知~講真而家啲小店越嚟越難生存,為咗唔想以後週街只淨返啲連鎖食肆,都好希望佢地能夠越做越好~加油!!!足本: http://hk.myblog.yahoo.com/yr100fungf/article?new=1&mid=5386…Read More

Happy Friday小局一行十多人這次來到了長沙灣一間開了不久的小店.特色是可以邊吃火鍋邊用電爐作燒烤!趁天氣尚還有點清涼正是此時不吃還待何時?因免收開瓶費及有冰桶提供故是夜各人也自攜軍火作廝殺,小弟還是低頭喝汽水為妙.多款火鍋配料及湯底吃後未能留下引象。 反而用來燒烤的各種肉類及海鮮是出乎意料的不錯！尤其連殼生蠔甚為新鮮,雖然霸佔了燒烤爐極長時間.大花蛤亦肥美鮮甜.鮮魷魚邊烤邊塗上辣椒豉油,烤熟後肉質柔軟帶點辣味,值得推薦!燒烤拼盤內的牛脷及火雞腎也醃得非常入味,烤出來的效果也不錯!還有一款香草腸也是值得一試.平心而論火鍋的配料質素是未能達標！即肉類新鮮度不夠（部份更是未完成解凍還是一舊冰！）及食材質量也只屬放題級別水平。幸海鮮及經醃製的燒烤食物不錯才能挽回一點分數。座位擠迫,檯面放了爐具後沒有足夠空間再擺放食物,不宜一次點選太多!想不到火鍋只是配角燒烤才是主力。…Read More

由於我去過多次...所以都冇寫幾月幾號去啦...去得同一間咁多次都知唔差得去邊啦...佢吸引我嘅當然係又有打邊爐, 又有得燒炭爐啦...每次去我都有BOOK位先...BOOK位時有位好親切嘅小姐會問你有冇野要訂定呀?訂定就當然一定有得食啦...例如鮑魚, 大蜆......之類!因為係新鮮...唔格夜! 好好味!!!!!仲有每次都一定叫嘅湯底...""黃金鴛鴦茄牛骨腩濃鍋""超好味呀! 真係想外賣個湯底返屋企呀!!另外仲有手打蝦丸, 牛坑腩, 蠔...都好好味!而炭燒方面...都好正!有燒鮑魚, 燒大蜆, 燒魚扣, 燒牛脷, 燒雞軟骨, 燒白鱔件, 燒雞翼尖....等等!真係一定要再去一窩豐....瘋一瘋呀!!!最後希望一窩豐加多啲蔬菜/果類.....燒一燒...咁就冇咁油啦!!!…Read More

等我幫一窩豐打第一個食評先.昨日,同幾個老朋友食團年飯, 有朋友介紹我去一窩豐, 剛剛開業two weeks 咋, 那我見他可以又打邊爐又可BBQ, 一試無妨.我已經遲左到, 一去到見到果幾隻野, 已經係到玩緊炭燒BBQ, 仲玩得咁鬼開心. 我一坐低,已經急不及待, order我想食既野啦, 唔好執輸麻! 一窩豐 d BBQ野奄得好好味, 我最欣賞佢有孜然粉 ,俾我地自己洒上去. 正到暈呀! 打邊爐食材都好新鮮, 正! 全部價錢係中價, 唔算太貴, 接受得到. 而我地幾個就比較鐘意坐出面, 鬆動D! 最後, 到我地差不多打完邊爐果陣, 有個靚仔走埋黎,話請我地燒魷魚, 咁我地有個唔蝕又有so既心態下, 梗係黎啦! 未上台前,我以為size係細細塊咁嫁, 但原來唔係攞, 係大大塊果隻呀! 好味到暈呀!!PS: 服務一流!! 我地一行7人,埋單都係$800, 抵!! …Read More