Bashi Ramen (MOKO)

上上星期日，睇完早場的IMAX版你的名字，相隔多年再睇番都係咁感動流涕🥹🥹，老公係新海誠的忠實粉絲，佢已經睇到無感，但小妹都係係會流淚😭，真係好好睇！散場後出嚟見時間尚早，但又唔想餓住個肚仔到夜晚（當晚晚餐就係食唐坊火鍋私房菜啦），於是乎行落一層食碗麵🍜，呢一間被選中的拉麵店exactly喺正太興隔離😎正常就估到係同一個集團嘅🫣拉麵店叫《一橋拉麵》鄰近門口有雅座，行入店內在半開放式廚房旁則是吧檯座位，小妹被安排在吧枱，可能因為鄰近廚房關係冷氣唔太夠，因為小妹係會邊食邊流汗的人類🥹。一橋的拉麵款式都算多，一抬頭就見到平時喜歡吃的口味「雞白湯」，老公揀了招牌叉燒拉麵加配糖心蛋，小妹多加了一份糯米燒賣添。呢度的雞白湯湯底賣點係「膠原大滿足」，但不太似預期，小妹預期是湯底會比較濃厚，現實卻不是，唯一優點是雞肉丸有兩大粒、雞腿件有四大件，仲有價格優惠！因為小妹本身喜愛偏濃厚的雞白湯，所以先覺得唔啱小妹😊額外加配糯米燒賣，蒸得唔夠耐外皮唔夠透🤔蒸番耐啲會更好。老公選擇的招牌拉麵，正常發揮啦，叉燒唔錯👍🏻糖心蛋亦好靚仔，不過湯底偏咸，老公飲剩一大半～以集團經營的拉麵店算正常發揮，起碼食得飽，若再有機會會想食一橋拉麵的基本功☺️…Read More

今日8號風球掛至下午1點10分就落波,又要踏上上班的路途，好快就返到公司，不過又無帶飯盒，就諗住食外賣啦，於是就同朋友到公司樓下逛了一轉，見到一橋拉麵，咪貪新鮮一齊去買咗3個海老濃湯叉燒拉麵，一份燒賣，一份小籠包，一份秋葵，同埋每人一杯玄米茶。整體來講個湯底係好味，好濃郁，小食都唔錯，但係個麵真係好冧，甚至乎可以講話係好難食，真係從未食過咁難食連我啲朋友都一致認為好難食，唔怪之得咁平，平均一個套餐都係$70左右。今次係我第一次寫食評，因為真係從未食過咁難食嘅拉麵，其實你哋製作時有無試過啲麵質，呢種質數都可以提供比食客，真係不可思議。希望貴公司在這方面作出改善。…Read More

太興集團旗下嘅一橋拉麵～係MOKO一間舖開二～半間舖係拉麵～半間舖係太興招牌豚骨叉燒拉麵～有：1片紫菜、生蔥絲、叉燒2薄片、木耳絲、筍片～豬骨湯底無乜味～食完仲好口渴～叉燒兩薄片～賣相麻麻～白色一片似水煮肉中華燒賣Combo有3粒唔同味嘅燒賣～麻辣燒賣最難食～得辣椒粉辣味～同燒賣一D都唔夾～一粒有一隻細蝦嘅燒賣～豬肉味濃～一粒糯米燒賣～成堆飯唔好食和風豬軟骨～全餐得依款最好味～豬軟骨鹵得好入味好淋食完冇下次…Read More

今日我嚟到一間專整拉麵嘅專門店，叫咗招牌豚骨叉燒拉麵、海老豚肉燒賣、和風豬軟骨同日式糖心蛋。整體體驗非常滿意，忍唔住想分享下。首先招牌豚骨叉燒拉麵，湯底濃郁令人驚艷，豚骨熬煮得非常入味，飲返啖湯感受到那股醇厚肉香。拉麵的彈性啱啱好，咁樣搭配令每一口都充滿滿足感。而叉燒肉切得厚薄適中，口感嫩滑，真係冇得彈！特別要提，佢啲竹筍有用豉油醃製過真係好細心！簡直係一大亮點之後低海老豚肉燒賣，呢味小食都不容忽視。燒賣外皮薄薄既～包著鮮蝦同豚肉的餡料，咬落去瞬間釋放出鮮美嘅肉汁，令人回味無窮。和風豬軟骨則係另一種驚喜，軟骨燉到恰到好處，肉質軟嫩，入口即化。搭配特製的醬汁，甜中帶鹹，味道層次分明，令我一啖接一啖，根本停唔到🥹🍜😝。最後，日式糖心蛋係完美嘅結尾。蛋黃流心，搭配拉麵或者單食都係極品，口感滑順，簡直絕配。…Read More

🍜 中午與同事經過旺角 MOKO，發現有間新開張嘅「一橋拉麵」，門口熱鬧非常，人氣之盛令人好奇之餘亦添幾分期待。⏳ 雖然中午高峰時段等咗足足 20 分鐘先入座，但店員安排有序，加上環境企理，等候期間都算舒服。📖 麵款選擇唔少，食客可以按喜好選擇。而且價錢親民，對比坊間同類型店舖實在吸引。🔥 一橋辛辣油麵，麵身彈牙，湯底以辣油打底，入口醒神。份量相當足料，有厚切叉燒、半熟蛋、木耳、芽菜等配料，食落飽肚又滿足。整體味道層次分明，麻辣香而不嗆口！🚱 唯一小缺點係店內冇提供清水，叫飲品需額外收費，美中不足。…Read More

MOKO太興隔離開左一間抵食拉麵店！佢同太興嘅鋪位連埋一齊，相信係隸屬同一集團🖌️有趣嘅位係佢嘅價錢係有小數點📈而且因為價錢比一般拉麵店便宜，仲有中華點心食，瞬間覺得有大陸feel🤣🍜招牌大盛豚骨叉燒拉麵🍜 $59.9 (7/10)- 走京蔥，1度辣拉麵幼身彈牙；大盛有三大片叉燒、溏心蛋、紫菜、木耳絲等配料～豚骨湯底好淡，不過以咁嘅價錢來講尚可接受😗🍜海老濃湯叉燒拉麵🍜 $59.9 (7.5/10)- 2度辣海老湯底就濃好多，蝦味突出，性價比高～🍜中華燒賣Combo🥢 $19.9 (6.5/10)拉麵店有得食中華燒賣真係幾特別😆Combo可以試勻三款味道，包括海老豚肉、麻辣豚肉、醬油糯米豚肉🍡不過拉麵店固然係拉麵店，燒賣好普通好粉感，旨在係可以食到香港少見嘅燒賣啦～我覺得麻辣味都幾過癮嘅😋🍜波子汽水（菠蘿味）🍍$15.9 (7.5/10)好耐冇飲過波子汽水啦🥤見有菠蘿味就試下啦！結果唔識開黎飲要叫店員幫手🤣味道有少少似忌廉蘇打，好有氣🫧細嚐有淡淡菠蘿味，幾過癮😋真係一分錢、一分貨嘅，旺角又叫做多一個平民拉麵選擇啦😆…Read More

第一次幫趁，叫咗個海老濃湯叉燒拉麵同燒賣Combo，三粒燒賣意外地好食😋 拉麵湯底蝦味濃郁，但偏鹹，麵底比較腍，似超市買到嘅麵煮過龍咁，整體嚟講，以呢個價錢呢個質素，我覺得合格。 環境方面，新店乾淨，不過坐到好迫。落單喺個網站俾埋錢，cashless, 後生可能冇問題，不過坐我隔離個阿叔俾錢時就好困惑咁。…Read More

一橋油麵是沒有湯的拌麵，大盛包含配菜較多，有叉燒兩片、角切叉燒、溫泉蛋、海苔絲、青蔥、木耳絲和味筍。油麵麵條彈牙，口感滑順，與油拌的調味相得益彰，讓人每一口都感受到麵條的韌性。叉燒肉片厚切增添了豐富的肉香。溫泉蛋的滑嫩與麵條的口感相融合，帶來了更豐富的風味。青蔥的清香提升了整碗麵的口感，海苔絲讓人感受到層次。木耳的脆口感與味筍的清爽為麵條增添了多重口感的享受。胡麻櫻花蝦秋葵秋葵保持了脆嫩的口感，咬下去時清脆的口感令人愉悅。胡麻醬香濃滑順，與秋葵的清新相得益彰，增添了豐富的風味。櫻花蝦的香氣濃郁，口感酥脆，與秋葵的柔嫩形成了良好的對比，使整道菜品更加立體。中華燒賣combo包括三款口味：海老豚肉、麻辣豚肉及醬油糯米豚肉。海老的鮮甜與豚肉的醇厚相結合，口感鮮嫩，帶來了海鮮的獨特風味。麻辣口味讓人感受到微微的辣味，香氣四溢，適合喜愛重口味的食客，口感豐富。糯米的黏稠感和醬油的鹹香相融合，帶來了特別的口感體驗，十分獨特。…Read More

好耐未試過$50-$60一碗嘅拉麵係好食！真係非常難得 唔怪得都幾受歡迎呢間係新開的 但係已經好多人服務員態度都唔錯，好Nice 主要都係比較年輕的服務員-除咗拉麵仲有其他小食，例如豬軟骨、中華燒賣！當日大概夜晚八點幾去到都仲要排隊大概等咗10分鐘就入得啦食物都算比較快 睇完戲好肚餓啱晒-燒賣之中combo可以試晒幾款味道仲有海老燒賣、醬油糯米燒賣、麻辣燒賣大大粒有口感 價錢又唔貴簡直係燒賣愛好者的好消息！-豬軟骨20幾蚊 煮得好腍沖繩風辣肉醬拉麵味道香濃 麵條幾有口感又掛汁仲有糖心蛋添 又唔使加錢60幾蚊 性價比好高！另一款海老濃湯拉麵有叉燒大size 都有糖心蛋 湯底一樣好濃郁平時食開百幾蚊一碗拉麵而家差唔多係一半真係好感動…Read More

🍜海老濃湯叉燒拉麵（叉燒、糖心蛋、味筍、海苔、京蔥絲、木耳絲）湯底是蝦殼與豬骨熬製的濃湯，首味是強烈的海洋鮮甜，中段轉為豬骨膠質的圓潤，表層蝦油香氣，湯體濃稠黏唇，尾韻帶微焦糖化的洋蔥甜味，非常濃郁香味，叉燒低溫慢煮的豬梅花肉，纖維鬆軟如豆腐，脂肪層入口即化，醬油醃漬的鹹甜與湯底鮮味呼應，糖心蛋嘅蛋黃呈半固態流心，蛋香濃郁好味，味筍是酵乳酸味解膩，纖維脆度提供美味，海苔烘烤有香氣與海潮味，吸附湯汁後軟化入口，生蔥的辛辣刺激，而京蔥絲與木耳絲有美味脆度，拉麵表面微皺吸附濃湯，咬勁偏嫩滑，好味好食。🍝特製日本咖喱免治牛肉油麵（叉燒、日本咖喱牛肉醬、溫泉蛋、秋葵粒、海苔碎、青蔥）咖喱醬是日式甜咖喱基底，蘋果泥與蜂蜜的甜感主導，薑黃與小茴香提供溫暖辛香，尾段浮現牛肉碎末的鹹鮮，咖喱汁非常香濃美味，叉燒冷切薄片，瘦肉為主，肉質嫩滑可口，溫泉蛋比糖心蛋更稀的蛋液，形成絲滑醬汁效果，秋葵粒黏液增加稠度，青草味中和油膩，海苔碎與青蔥提供新鮮香氣，油麵扁寬麵條，表面滑溜易掛醬，被咖喱美味汁掩蓋，咀嚼感偏軟彈，令口感豐富。🐮中華燒賣（海老豚肉燒賣、麻辣豚肉燒賣、醬油糯米豚肉燒賣）海老豚肉燒賣口感Q彈，鮮味來自豬脂肪，麻辣豚肉燒賣用花椒粉與辣椒油滲入肉餡，麻感先於辣味，後勁帶豆瓣醬的發酵鹹，醬油糯米豚肉燒賣嘅糯米吸飽醬油與豬油，中心包小塊滷五花肉，鹹甜交織，美味可口。 🫘胡麻豆腐胡麻豆腐是一道非常受歡迎嘅素食菜，豆腐滑嫩，口感細腻，無豆腥味，初入口冰涼滑順，芝麻焙煎香氣主導，中味時葛粉的微黏與山葵的嗆辣浮現，尾韻就覺醬油露的鹹鮮拉回平衡，胡麻非常配合豆腐來食。 🍂胡麻櫻花蝦秋葵秋葵黏液被冰鎮抑制，凸顯青脆，切面星形吸附醬汁，櫻花蝦是乾燥蝦的濃縮鮮味與芝麻醬油脂結合，硬殼感明顯，胡麻醬是白芝麻研磨帶顆粒，甜味來自味醂，蒜泥提味。 🌾玄米茶玄米茶是炒米香，掩蓋綠茶苦澀，烘烤穀物感濃郁，第一泡淡雅米甜，第二泡綠茶單寧析出，微澀解膩，茶體輕薄，玄米粒沉底可咀嚼，釋放澱粉甜味。…Read More