一字記之曰心 (Closed)

外賣小店，選擇唔多，無乜人，咁買嚟試下，雞，牛，豬配飯or 烏冬，43蚊起，好似話like FB 可減10蚊，但要滿50先得要咗個豚肉湯烏冬，湯下層食材上層嘅，湯好清，豚肉都無乜特別調味，好簡單嘅一餐。

今日係公司樓下食lunch 平時幫襯開都覺得個名好鬼正😂一字記之曰心😂90後既我地冇理由未聽過呢句啦 係食神呀~~~佢地之前都係啲小食同炸物為主  佢地啲小食的確係出色既 平時最鐘意佢地啲炸薯條同埋炸蠔 食親炸蠔都一定要兩份😂今日收銀個妹妹仔lunch個陣見到我 鬼咁大聲叫我走埋去(洗唔洗咁呀😂) 話新出左幾款set lunch 又牛丼又豚肉又剩 未試下囉 叫左個溫泉蛋紫菜牛丼黎試下又唔錯喎 個飯好有誠意 夠哂足料 肥牛唔洗講啦 本身至愛 以後lunch又多多樣好野食😋咁有水準 唔比個like你都唔得啦👍

放工經過尖東，比呢間新店吸引，於是就order左幾樣小吃，試試呢幾位後生仔點解咁勇敢係呢條街開店order了大魚蛋、魷魚鬚、雞中翼、炸鮮奶，每款小食都係即叫即炸，睇黎呢間店係賣新鮮等左大概十分鐘，終於有得食啦，新鮮炸起真係特別好食，大魚蛋炸完都彈牙，無炸乾，唔錯！魷魚鬚少辣，食炸野必點，好食過酒樓果D多多聲！雞翼大大隻，又係少少辣幾好！炸鮮奶真係估唔到佢地敢整，味道同質地都唔錯推薦大家行過可以試下支持下呢間店，即叫即炸好好食

呢間店每日返工都會經過😂😂 今日終於黎買外賣，店內冇堂食架～呢度所有野食都係即叫即炸，拎到上身熱辣辣咁好正，熱狗棒好好食，配搭薯條，薯條有好多款可以揀，我呢個係肉醬芝士，肉醬都好多！上面d芝士仲會用火槍燒熔😍如果芝士可以再多d就正啦！另外我好中意個墨魚咀，呢個係食唔停🙊 外脆入面又好滑，我覺得係必食！！！魚塊同咖哩雞粒都不錯，咖哩味都幾出架！魚塊入面真係魚黎！新鮮炸起全部都炸得幾靚仔，推介推介～

平日好少黎紅磡，除左去紅館外，但依家屯馬線開通後，黎呢度方便左，可以黎掃街食野。近天橋下邊有好多小店，可以盡情食個飽！今次揀左個邪惡小食，可以自選醬的薯條，青芥沙律醬，辣得過癮！食得辣既朋友一定要試！仲有炸墨魚仔和魷魚鬚都係必食之一！尤其墨魚仔，爽口不軔，酥酥脆脆的口感，一食停吾到口！吉列豬扒外面脆卜卜，裡面竟然有肉汁！吉列魚金黃色又香脆可口的炸魚，裡面肉軟綿綿😋食咁多炸野，今晚要飲下涼茶先搞得掂！

餐廳位於尖沙咀東部，距離鄰近的鐵路站路程只需要五分鐘左右，位於大型學府的附近，地理上十分方便，餐廳主打的也就是 香港的小食，絕對是性價比極高的， 喜愛這裏的食物， 除了味道外，更因為他的一句說話，被他吸引住了，黑暗過後便是晨曦 ，雖然看起來只是一個十分普通的自然現象，但還是深深烙印在我心底裏，食物方面，我先點選了一份薯條，新鮮即叫即炸，就是性價比高的表現，另外，還點選了炸魚蛋，炸魷魚，炸吉列豬扒， 每一款也是別具心思，最重要吃起來完全不油膩，也沒有熱氣的感覺，但外皮卻香脆可口。

是日同HONEY經開尖沙咀，見到哩間店舖名真的好特別，叫一字記之曰:心見到有二位後生仔開的店舖，以炸物為主，真的好啱鐘意食香口野的我地，見到炸野，HONEY都忍唔到買左少少炸野食，買左佢地的炸薯條(蜜糖芥辣醬)，炸雞粒，炸雞翼，炸魷魚鬚同埋炸魚炸薯條(蜜糖芥辣醬)，炸雞粒，炸魚炸薯條(蜜糖芥辣醬)真的好推介，醬汁酸酸甜甜好開胃，另外炸雞粒有少少味粉，炸粉又唔會太厚 ，另外炸魚都啖啖肉，好好食，仲要佢地的炸野系新鮮炸起，特別香口，炸雞翼，炸魷魚鬚炸雞翼有兩隻，都好香口，另外炸魷魚鬚真的好推介，香口又炸粉唔會有多的情況，HONEY都食左好多舊，一字記之曰心的炸野真的好有特色，年青店員也會細心地介紹食物，真的值得支持!!!

很久沒有來尖東這邊了，原來開了不少新的小食店，而這間小食店主要以炸物為主！因為今天早食晚飯的關係，於是在這間小店揀選了幾款小食外賣回家吃！脆炸咖哩味雞粒，有淡淡的咖哩味，雞肉嫩滑多汁，炸得脆口！獨家秘製炸墨魚仔，墨魚仔爽口彈牙，炸得香口，加上用上椒鹽和辣椒粉，味道惹味！ 香脆椒鹽炸雞中翼，雞肉質嫩滑多汁，雞翼上再灑上椒鹽，味道更正更惹味!看見他們有流心芝士吉列豬，好像很吸引，下次要再來試試其他款式小食！

今日朋友陪我去尖沙咀剪頭髮剪完頭髮都七點幾所以我哋就去咗科學館附近覓食因為七點幾去餐廳食飯嘅話就要等好耐所以我哋都係買小食拎走經過一間小食店就被個名吸引住一字記之曰心裏面全部都係一啲炸嘅小食我哋簡單點左炸豬扒炸鮮奶炸雞軟骨等就喺出邊坐住等雖然炸嘅時間有啲耐我哋等咗大半個鐘頭先拎得價錢唔算貴但係份量亦都唔係太多老闆仲好貼心咁提醒我哋要趁熱食咁我哋拎完之後我就好快咁返到屋企品嚐豬扒雖然細細地但係勝在酥脆肉質唔算口但係就比較遠很明顯老闆有喺炸之前稍為打鬆啲豬扒至於炸雞軟骨細細粒好有咬口同豬扒一樣雞軟骨都係炸到好酥脆而且每一粒都唔會太油膩炸嘢最緊要就係配一杯重要嘅嘢飲好彩屋企有啤酒🍻所以話炸嘢配啤酒係一流嘅😘😘😘😘小食店其實有好多其他食物如果下次唔趕時間嘅話我都會再嗌其他試一試😋😋😋😋呢間小食店勝在地點夠方便喺紅磡火車站出嚟一落橋橋去科學館方向就到啦總結：雖然食物嘅份量唔多，但係勝在價錢夠平，如果唔趕時間嘅話係值得一等嘅。😅😅😅📍 一字記之曰心 (尖沙咀)尖沙咀科學館道14號文華中心地下60號舖

間中 中午都會行過黎科學館道掃街。忍咗口咁多日今日就一於破介,獎勵下自己。炸魷魚,炸薯條我黎啦!!!!(大叫)叫咗個炸黑魚仔$38,起初見到份量咁小真係有D失望。點知食落去又出奇地好味。炸粉酥脆滋味,加埋墨魚仔外脆內軟。未行到返公司已經比我K.O.晒。墨魚仔咁出色,自己就會更期待炸魷魚鬚。可惜可能係炸的時間耐咗,變相口感又乾又硬。魷魚鬚亦較幼身,無咩肉食。睇得出店舖的年青人無咩經營經驗,服務品質亦有待改進。笑臉係比墨魚仔同年青人。

👧🏻Wodafoodie in Tsim Sha Tsui尖東近紅磡天橋呢條街有好多小食店，最近發現開左呢間主打炸物既小店😋✨🍟芝士肉醬薯條 $38薯條可以自選醬汁，有五種味道：芝士肉醬、蜜糖芥末、香辣、煙肉車打芝士、黑松露。聽店員推介叫左芝士肉醬，薯條即叫即炸，鋪上芝士肉醬後再用火槍熱溶芝士🤤🤤🤤熱辣辣到手😍芝士肉醬份量都好多，食到最後唔會淨係得返薯條，比例做得岩岩好！不過一定要趁熱食，芝士凍左就好快變硬。✨🍤6款皇牌小食套餐 $52☑️流心吉列芝士火腿雞扒☑️香脆珍寶吉列蝦☑️榴連炸彈☑️脆炸香滑芝士條☑️酥炸蝦扒☑️酥炸帶子因為好想食流心吉列芝士火腿雞扒，無得單叫，就試下呢個套餐。個雞扒咬落去勁似食緊三文治🤣🤣🤣因為夾左芝士火腿，口感好得意，又幾好食😋😍榴連炸彈入面係有流心榴連醬，好香，鍾意食榴連既朋友一定鍾意食！炸芝士條又俾到驚喜我，咸咸地，食落去個口感以為食緊肉類🤣🤣其他炸物味道就正常發揮～要讚既係全部食物即叫即炸，全部熱辣辣到手👍🏻📍 一字記之曰心 (尖沙咀)尖沙咀科學館道14號文華中心地下60號舖

尖東美食多元化，最近見到公司樓下有多一家新開的炸物小食店 <一字記之日心>，炸物款式多如繁星，花多眼亂。一般炸物都是即叫即炸，例如我點的薯條等了大約10分鐘，新鮮炸起，熱烘烘脆卜卜。薯仔較為粗身有口感，再配上自選醬汁，我地分別揀黑松露醬汁及煙肉芝士，前者松露香濃豐富，後者惹味有口感，芝士味濃郁。最後加配多份酥炸魷魚鬚，非常香口鬆脆，即叫即炸的口感果然不同，老闆更貼心地將辣椒粉放碟角，隨時備用。魷魚鬚絕對是兒時回憶

從此，從紅磡行天橋到尖東的路上，多了一間小食店可選擇。今日經過，被佢個名引左埋去睇，當刻心郁郁想食炸物，眼見佢有炸鮮奶，就叫埋個fd 同我開心share. 一心減低罪惡感先搵佢share, 點知愈叫愈多。安慰ge 係，d 食物都唔錯。最鍾意炸雞翼同魷魚酥，香脆鬆得來就乾身，肉仍嫩，唔算好油好鹹。至於炸鮮奶都幾攪笑，有塊麵包夾住d 奶，口感算豐富，味就偏啖。炸魚旦大大粒，係食得開心ge! 下次再經過，我決定叫炸榴槤😋 大家經開不妨try try.

今晚想試新野，又想食得特別d，經過尖沙咀科學館道見到呢間新開既小食店就膽粗粗入去試下，其實完全係俾小食店個名吸引左，“一字記之曰心”，個名好長但好特別。查實有咩食呢？大部分嘅小食都係炸物，都有串燒，魚蛋同丸。小食基本上賣$18一份，兩款平啲賣$34，三款再平啲只要$48。我哋一行二人，叫左三款小食再加一份薯條分享。等左十分鐘左右就有得食。食店冇座位，要出去揾位食。脆炸金針菇天婦羅，脆皮懷舊炸鮮奶，極尚可口椒鹽雞軟骨 $48脆皮懷舊炸鮮奶一件一開二，外脆內軟少少流心唔過甜。極尚可口椒鹽雞軟骨炸得香脆可口，最欣賞佢啲椒鹽夠輕手，唔會過鹹，而上面只係灑左少少七味粉調味。如果啲雞軟骨大粒啲就好啦。脆炸金針菇天婦羅 一大一細。我第一次食金針菇天婦羅，菇身有啲難咬開，而啲菇條好似炸粉多。炸完上面再灑上少少七味粉。香口辣味薯條 $38自選醬汁配薯條有芝士肉醬，蜜糖芥末，煙肉車打芝士，黑松露，我哋揀左香口辣味。店員將啲炸好嘅薯條放喺隻大碗度加上香口辣味粉，再蓋上另一隻碗之後shake shake。薯條唔粗唔幼，炸得香脆，香口辣味粉唔太辣，好似北京燒羊肉串落嘅七味粉。食呢d小食好香口，不過唔可以成日食。

每次去紅磡搭車，總會經過呢間小食店，行過聞到勁香，經常都企滿食客，今晚經過口痕痕...見人潮無咁多，可以試下喇。「酥炸吉列魚」啖啖魚肉，真材實料，炸粉唔會太厚，加埋沙律醬，味道一流😋「獨家秘製炸墨魚仔」入口香脆，熱辣辣，果然有獨特嘅味道，同平日吃到的不一樣，更香口。「極尚可口椒鹽雞軟骨」小食界中...雞軟骨我至愛之一，灑上椒鹽簡直是絕配，停到停唔到口。加埋支飲品，為今餐宵夜劃上完美句號，就算之後經過有幾多人排隊，都會再幫襯🤗