Happy Shabu Shabu (Closed)

星期六襯自己放假返咗荃灣陪屋企人媽咪提議去吃火鍋。依間火鍋店口碑一向不錯而且價錢非常之抵食，$268就食到和牛級數好彩我哋一早訂咗枱，去到就可以直接入坐唔使等餐廳地方都幾寬闊，基本上都係卡位除咗用QR code點餐之外，出邊仲有一啲係自助區嘅蔬菜同丸類。另外比較新奇啲就係有甜品同埋熱食區。一入坐我地揀咗湯底先，我哋叫咗個滋補藥膳鍋，雖然味道唔算好濃郁。但係都有不少嘅藥材在鍋中。🔹 牛小排：比較薄身，過一過水不到一分鐘就可以，油脂分佈均勻，肉質鮮嫰，入口牛香濃烈。🔹生猛海蝦🦐食落鮮味爽口彈牙，而且肉質一啲都唔會梅🔹真係花膠：大大塊一啲都唔欺場，夠晒厚身而且滑溜。🔹羊肉🐏脂肪平均，灼兩灼就能夠食啦，肉味都幾軟腍。🔹肩胛肉眼🐃望落都幾新鮮，食落唔會太肥🔹墨魚丸、花枝丸：真係手打，而且入邊真係有墨魚粒🦑食落都幾爽口同埋彈牙。亦有不少台灣嘅食品，例如：鴨血、甜不辣、鹽酥雞、小香腸⋯⋯2個小時好足夠，慢慢食完重大把時間吹下水，依個價錢都叫便性價比吾錯。…Read More

🐟今日去咗荃灣食一間新開嘅台式火鍋任食任飲，估唔到係打卡比食物更吸引。 餐廳門口有大魚缸， 有龍蝦、大魚等等，好少台式火鍋有即撈海鮮，額外加錢就食到。🏮行入少少見到每個拎食物嘅地區都有專屬嘅天燈。 📸呢間算係打卡位較多嘅餐廳，有平溪天燈、🏍電單車同士林夜市場景，仲有唔少純裝飾嘅竹筒，可惜唔可以寫字。🍺特別喺有自動斟酒器 ，由下而上咁倒入啤酒生力小麥啤酒 幾清新。 🥩🦐我哋叫咗最貴嘅和牛海鮮套餐，湯底係養顏土雞美人鍋，有紅棗等養生食材，亦唔會有藥膳湯嘅濃味， 較少油膩。牛嘅種類都幾多，有安格斯牛小排、牛三叉、美國牛胸腹板肉， 仲有回本必食M5 和牛， 紋理較清晰。牛肚、牛筋都幾有咬口， 花膠亦幾軟稔。 櫻花鯪魚滑不過不失 ，白鱔片碌完之後，偏向粉嫩，西班牙豬梅花溶雪情況有待改進，肉身較鬆散。 🥬出面仲可以自助拎熟食、丸類、雜菌、蔬菜，菜類係已砌好一盤盤，一盤入面有齊生菜、菜心同娃娃菜。推介生菜雖然唔係超級新鮮，但口感軟淋解膩。熟食有麻辣豬手、豬耳、青瓜同雲耳、雞蓉湯、麻辣鴨血等等。🥤飲品係汽水同迷你養生樽裝飲品，有菊花、杞子、雪梨等等。最後，我哋仲自取甜品，主要有桂花糕、藍莓芝士蛋糕等。🍉值得一試係水果杯，有砌粒嘅哈密瓜同西瓜，幾清爽鮮甜， 不過數量比甜品少，趁機會拎咗先。…Read More

周末又係打邊爐既好時候，今次我地去到荃新天地一間新開既任食火鍋專門店，餐廳都幾大間又光猛。晚市時候有3個套餐可以選擇，各自包唔同既肉或海鮮，有9款特色湯底可以選擇，可以任食120分鐘。除左跟餐既肉同海鮮，可以自己夾其他既食物有各種丸，蔬菜，甜品，飲品，最suprise係有d台式小食可以叫黎食😍湯底我地選擇左沙參玉竹鯊魚骨鍋，味道清甜，唔算好濃，入面既材料好豐富，聽講係有明目潤肺既功用。我地今日就食澳洲極上和牛C餐。牛肉方面有澳洲M5和牛，安格斯牛小排，安格斯牛板腱，美國極黑牛三叉，同美國牛胸腹板肉。幾款牛肉睇落都好靚又新鮮，色澤紅潤，肉質軟稔，食落都好有牛味，encore左幾次。另外仲有西班牙豬梅花肉，新鮮白鱔片，蝦都唔錯。除左有雪櫃入面既蛋糕，食到最後仲會送杯雪糕。。。一喜涮荃灣楊屋道1號荃新天地2期1樓126-128號舖。。…Read More

如果覺得淨係打邊爐太單調，一喜涮就岩晒你啦😜因為佢哋除咗有台式邊爐，仲有多款小食選擇，每款試少少都已經大飽口福😋佢地同好多餐廳一樣，都有唔同套餐可以揀，部分時段仲有優惠添，絕對係豐儉由人，價錢由$148-$268。不過既然同阿爸阿媽食飯，咁就一於食好少少😜😜🎈牛肉$268套餐有5款牛肉可以揀，我個人就會推介澳洲M5和牛同埋安格斯牛小排，油份適中啱啱好👍🏻🎈火鍋料而家打邊爐都盡量少食丸，不過呢到既芋頭貢丸真係超正，我都忍唔住食左兩粒😋如果鍾意食芋頭嘅人一定鍾意🤤🤤另外仲有推介美人花膠，吸晒湯底嘅味道超正👍🏻👍🏻🎈前菜/小食呢度既前菜同埋小食真係好多，估唔到有甜醋豬腳薑，更加估唔到原來豬腳薑都好受歡迎🤣🤣秘制滷牛肚、豬耳、牛筋，滷得爽口惹味，配埋啤酒一流😌😌又係食完一碟又一碟😜另外，當然仲有必食台灣腸、鹽酥雞同埋鴨血。🎈雪糕/甜品/生果甜品我就試左桂花糕同埋咖啡奶凍，都唔錯又唔會太甜。另外仲有哈蜜瓜同埋西瓜嘅生果杯，切好晒一杯杯裝好，乾淨又衛生。每人仲可以揀一杯大阪牛乳，有熱門嘅朱古力、抹茶同埋雲呢拿口味😋😋…Read More

荃新天地2 新開了台式火鍋放題餐廳🤩選擇了套餐C 澳洲極上和牛＄268🍲有9款特色湯底選擇，在當中選擇了滋補藥膳鍋，火鍋湯底的黨參和當歸味道非常濃厚，嗅到了已經覺得好補身😆💯 🐮牛肉有五款選擇最欣賞澳洲M5和牛，油脂分佈均勻，肉味濃郁肉質軟腍；另外安格斯牛小排質素也不錯，色澤紅潤牛味香濃。 其他肉類方面🐥花雕酒雞件非常有驚喜，給的部位都非常肥美嫩滑，雞肉仲好有彈性😍；🐏紐西蘭羊肉卷 羊肉味香濃林身，沒有一點羊騷味👍🏻； 海鮮方面🦐海蝦質素亦好高，新鮮彈牙不黐殼；🐟脆鯇魚骨咬落爽口彈牙，非常之脆，誠意之作😍 除了打邊爐食材QR code下單， 外面更有小食、前菜、熟食、飲品、蔬菜、丸類、麵食、飲品給自取😁，當中 豬腳薑 和 胡麻秋葵 絕對推薦🤤；最意外的是雪櫃竟然有生果杯🤩…Read More

一喜涮 主打台式火鍋放題，餐廳空間感高，座位闊落，坐得舒服！我哋選擇咗澳洲極上和牛套餐C，任飲任食120分鐘，真係可以一齊刷餐勁！湯底共有九款選擇，總有一款啱心水！我哋選擇咗養顏土雞美人鍋！湯底夠足料，感覺滋補養顏！食物選擇非常豐富，超過30多款！當中牛肉有澳洲M5和牛、安格斯牛小排、安格斯牛板腱、美國牛胸腹板肉等，肉味香濃，軟嫩可口，充滿肉汁！其他仲有海鮮，台式小食等，真係食到捧住個肚走！大滿足！…Read More

今日在荃灣shopping 一整天，😏居然冇食到Lunch ….既然‘食力’滿滿💪🏾，我同食肉獸🐗決定到荃新天地食火鍋放題，一於一起擦、一喜涮！🤤我點咗胡椒豬肚湯，🥘足料又入味，鹹菜、豬肚俾我擦晒！😬澳洲極上和牛C （$268）～ 抵食囉，肉肉嘅質素相當good，🐃和牛不太肥，滑溜重牛味！🐖豬、🐃牛、🐐羊肉質也相當不錯啊！美人花膠～ 🧖🏻‍♀️厚厚的花膠綿綿滑滑，盡吸湯汁，好正！美人必食哦！🌊海鮮拼盤 ～ 有大海蝦🦐、鮑魚 🦪、元貝…..好鮮甜啊、Size亦有返咁上下， $38加購好抵🤗仲有啲台灣名物（真味腸、滷水大腸、🥟韭菜餃同埋墨魚滑），好食又有台灣味！Beer🍻飲咗生力白啤，滑滑的又重果味，堅係正!…Read More

荃灣有大量火鍋店，見呢間新開就去試一試。初初見食評麻麻都無任何期望，所以只叫最平嘅set。餐廳環境唔錯，張枱夠大，地方濶落，而且好乾淨。可能星期一晚上顧客唔多，所以侍應好好服務，收碟快，落單幾分鐘就有野食到，完全唔使等。最特別係有台式小食，例如甜不辣，鹽酥雞，台灣腸，麻辣鴨血等等。台灣腸好好食，食完一碟再encore，肉類方面就正正常常，豬肉唔錯幾香又唔太肥。最好味係脆骨鯇，真係夠脆夠爽。甜品有幾款糕點，貴花糕都幾好食，入面仲有啲蘆薈粒粒，食完每位有一盒大阪雪糕。兩大一細埋單$536 （散叫左啤酒）都幾抵食！…Read More

Happy Friday約朋友去<一喜涮>吃台式火鍋放題，壁畫上的天燈和十份火車，充滿台式風情。餐廳環境寬敞，光潔明亮，魚缸有好多生猛海鮮，令人嚮往鮮味食材。我們選了120分鐘火鍋套餐C─極上和牛及海鮮拼盤，有近三十款火鍋配料，令人食指大動。養顏土雞美人鍋超級足料，以大量豬骨，每天新鮮熬煮，湯底奶白黏糯，有豐富骨膠原。土雞肉厚，雞皮如綿花滑溜，還有靈參、杞子、紅棗等，呷一口濃湯令人暖笠笠，適合滋補養顏的女士。●澳洲M5和牛●安格斯牛小排●安格斯牛板腱●美國牛胸腹板肉M5和牛滿滿雲石紋，肥美豐厚，輕輕一涮，軟嫩可口，細膩肉汁充滿口腔。牛小排色澤豔紅，吸收了雞汁精華，牛香加倍提升，不用沾上醬料，也十分吸引。牛板腱鮮嫩粉色，質感軟腍，邊沿有少許肥膏，入口綿化、柔嫰，肉汁鮮香美味，令人回味。●新鮮白鱔片●海蝦●脆鯇魚片●炸魚皮除了肥美肉類，還有新鮮海鮮，白鱔肉質結實、飽滿，滾淥十多秒，入口富彈性，沾上甜豉油，帶出鮮甜鱔香。大大隻海蝦入口彈牙，鮮味吸引。喜歡鯇魚片帶嚼勁的質感，質地白滑，魚肉清甜而爽口，鮮味十足。脆卜卜的炸魚皮，放在湯中吸嗦，質感外脆內軟糯，油香四溢，簡單滋味。●美人花膠●手打花枝漿●蟹子墨汁漿●私房鴨血●魚香皮蛋豆腐美人花膠放在湯內，慢慢炆至腍身，入口綿彈，炮製出黏糯口感，滿滿的骨膠原，養生滋補。花枝漿十分鮮味，鮮味細滑，吃到粒粒的花枝肉。蟹籽墨汁漿內有卜卜響的蟹籽，陣陣墨汁鮮香，十分誘人。少不了震騰騰的鴨血，質感挺身、嫩滑，用筷子下鍋後也不會散掉，大啖啜入口，不帶腥味，香而不膩。雪櫃區有：娃娃菜、鮮菇、龍蝦丸、牛肉丸、白魚蛋、芝心丸等等，最喜歡牛肉丸爽口彈牙，鮮牛肉汁豐盛，芝心丸內裡芝心入口爆漿，滋味濃郁。果汁區有多款果汁及馬蹄竹蔗汁，滋潤喉嚨。別忘了甜品，有椰汁咖啡糕、桂花糕及海帶綠豆沙等。綠豆起沙而口感綿密，充滿咬口，配上海帶，清爽解膩。椰汁咖啡糕充滿椰香，香稠椰汁入口順滑，適合炎炎夏天消暑，美味句號。…Read More

位於荃灣的一喜涮，是一間仼食火鍋專門店。餐廳開業不久，在網絡上沒有太多介紹。原本以為會沒有太多客人，但沒想到，店內人頭湧湧，看來香港人真的很喜歡與朋友一齊打邊爐呀! 餐廳佔地很廣，地方寬敞，店內全是大型卡位，不但坐得舒適，而且也適合與一大班朋友聚餐哦! 晚市提供三款仼食火鍋套餐，價錢由$148-268不等。最便宜的套餐主打吃精選進口牛肉，而最貴的套餐則可以選澳洲極上和牛。每位客人可以仼食120分鐘，時間上絕對足夠呀~ 除了肉類和海鮮，其他食材、丸類、熟食、配醬、飲品和甜品都由客人自行領取。 我們選擇養顏土雞美人鍋，湯底用黨參、土雞、紅棗和杞子熬成，滋補養顏，適合愛美的女生唷! 我們還點了 美國牛胸腹板肉、安格斯精選牛板腱、安格斯牛小排、美國極黑牛三叉、澳洲M3和牛、魚皮餃、韭菜餃、花膠等等，另外自取了 牛丸、龍蝦丸、魚蛋、雞肉腸、芝士腸、冬菇等等。 當中我們最愛美國極黑牛三叉和澳洲M3和牛，牛肉薄切，輕輕一涮已經熟透。肉片軟腍，牛香滿滿，不沾醬汁也可以唷! 吃火鍋又怎少得啤酒呢? 我們額外點選兩杯生力白啤，斟啤酒的設備全自動化，又特別又有趣呀!!…Read More

餐廳主打台式火鍋 連設計都係台式feel 好似去咗台灣咁🧳好少打邊爐有自動斟酒器 佢地而家同生力啤酒合作 真係夠gimmick🤩生力白啤第一次飲 呢款小麥啤酒幾順溫易入口 幾清新✨打邊爐飲啤酒真係絕配🍻.📌澳洲極上和牛 $268total有九款台灣特色湯底同三種套餐可以揀 我就揀咗最貴嘅set c🤑有14款肉可以揀🥰牛有成五款咁多 仲有澳洲M5和牛 牛魔王一定鍾意🐮唔食牛 呢到仲有豬,羊,雞,魚 相當豐富😆連花膠都有得任食 不過個人就覺得麻麻地🙈幾推介個羊肉 唔會太騷🐑.📌湯底揀咗番茄牛粒鍋同埋冬陰功鍋🤓前者酸酸甜甜 後者就酸酸辣辣 兩款都好開胃😝個牛粒幾驚喜 牛味濃 仲要好嫩滑 粒粒都好大粒😋冬陰公湯 一上枱已經好香 不過偏辣🌶.📌小食,甜品主打台式火鍋 點會冇台灣嘅特色小食😎鹽酥雞同甜不辣必食‼️我地兩款都嗌咗勁多份🤣不過注意番 佢一碟份量都好多 所以叫住一兩份好喇⚠️兩個都炸到好脆 食完餐飯都keep住脆卜卜💓當然一定唔少得台灣腸同麻辣鴨血🤤出面仲有唔少熟食同糕點 記得出去昅昅 留定個胃🤰🏻但係個人認為可以唔洗試啲甜品 全部都很一般🍮食完飯仲有兩杯大阪雪糕送🇯🇵當日係朱古力🍫同抺茶🍵…Read More

一家人諗住開心的涮一餐，但去到門口，佢話我地個小朋友過90cm,但冇耐先check完唔過90cm, 職員度時用佢支粗原子筆度仲話用自己過度睇話過要收費，經一番理論始終冇收費，事實上係真唔過，我心諗你咁嚴就捉下啲唔帶口罩去攞食物啲人喇，啲人唔帶口罩攞食物又唔捉，總括來說食物服務質素好麻麻。…Read More

未試過食一間任食火鍋啲速度咁慢由我坐低落單到第一碟肉上枱足足等咗九個字，放眼四圍每一枱都喺度追單。後尾係侍應推車肉出嚟，邊枱投訴就派一兩碟。有要求既師兄師姐們可以參考下。…Read More