一品香上海美食專門店 (Closed)

今日去左荃灣逛,1點左右入左黎搵食,2個人叫左小籠包$10/5隻,鍋貼$2,擔擔麵$10,黑豆漿$5支.小籠包---size偏大,皮似乎略厚,但肉餡尚算新鮮!$10交足功課!鍋貼---皮夠脆,肉餡新鮮,正!擔擔麵---湯底完全合格,花生醬味十分濃郁!加埋肉鬆榨菜,相當正!美中不足系上海麵略淋身.黑豆漿---雖豆味不夠濃,但勝在無渣且吾過甜.埋單$29超抵!服務亦相當周到.strongly recommended!

我媽覺得呢間ｄ野都幾好食，起碼ｄ小籠包即叫即蒸番俾你，食親次次都夠熱，$10/5隻，雖然ｄ皮厚左ｄ，但就真係好抵食，我媽至好担担麵(走辣)好香麻漿咪，幾好，$10份量都唔細架，ｄ上海雲吞麵我媽話都ｏｋ得，好似係$12

今日lunch：黑豆漿一支500ml, $5)，唔係好濃好香豆味，唔太甜小籠包(5隻, $10)，都係蒸定，皮好快乾就易穿，入面ｄ湯汁都漏晒出黎．煎鍋貼($2)，唔熱，只係微暖，入面都有湯汁生煎包($2)，都係唔夠熱，ｄ皮又煎得唔夠總括黎講平但唔係好好食．

試左担担麵（$10)，小籠包($10/5pcs)同黑豆漿($5/500ml)．阿姐做野幾落力幾快手, 小籠包係蒸定, 所以皮易穿, 黑豆漿係枝裝, 味道同分量以咁既價錢講ok.

原來平時常經過，不起眼今日試左好小店風味，服務幾好，上菜亦好快麵不太大碗，剛好，還有空間試點心(生煎包，itchiban!!) 兩蚊件確係抵，又可比到彈性客人去試勻幾樣，醒橋!!麵最多人點的是排骨麵，可選粗麵，個人則點了雲吞麵，共四隻大雲吞，好味不嬉場之作，只$12.不過太重味精，食完好口乾而且成身油煙味，揮之不去。。。

今日同男朋友去左食,叫左一個担担麵,排骨麵,小籠包同埋黑豆漿.個担担麵真係好辣,但幾好味男朋友話以呢個價錢,排骨麵都算ok小籠包我覺得一般如果個皮薄d會好好多不過個黑豆漿唔太甜就真係唔錯!!

睇了大家的食評, 咪慕名去試試. 雖然價錢真係好平, 但實在不能忍受, 那裡實在好似無冷氣咁, 熱到令人難受, 一坐落, 上面個冷氣不停滴水. 因此連食到無食, 立即走. 用了"一品香" 這名, 真係令人以為係以前荃灣個間. 我想Winter season才會去啦....

其實，我都唔肯定兩間舖頭係唔係有關..不過，我發現兩者係有分別o既...價錢方面，荃灣o個間o既排骨麵只售15蚊，而葵芳o個間就要18蚊;荃灣o個間o既小籠包兩蚊1個，而葵芳o個間就要兩個幾1個..味道方面，荃灣o個間o既豆漿好味好多，葵芳o個間豆漿o既味道好怪..服務方面，荃灣o個間都好過葵芳o個間好多..總之，一句講哂：荃灣o個間一定好過葵芳o個間多多聲!!!!!!

上次行過葵芳既葵涌廣場地下有一間又係叫一品香既食店...担担麵又係十蚊一碗、豆漿又係五蚊一杯...而且個招牌上面仲寫住係(葵芳分店)添!咁... 究竟有無人知係咪同荃灣果間一樣架?

呢間上海店，我同男友已經試過好幾次！呢度o既小籠包同生煎包都幾好食^.^^.^至於麵食方面，我同男友就試過擔擔麵同排骨麵..兩個都好好味，但係我男友就偏好排骨麵多d！飲品方面，我o地只係飲過豆漿..豆漿都唔錯，我男友鍾意佢唔太甜，幾好飲！呢間舖頭經常都有好多人排隊幫襯嫁!!!我相信最吸引人o既莫過於價錢.因為佢實在抵食：小籠包、生煎包等點心每件兩蚊；擔擔麵只售10蚊；排骨麵都只係15蚊咋！仲有，豆漿只係5蚊支，總之就係平靚正啦!!!