The Great Restaurant

記得以前去一品六點半後就要排隊，同埋淨係可以食兩個鐘。可能係星期一嘅關係，唔使等位，仲要埋單嗰陣阿姐叫我哋坐耐啲 😆 真係今時唔同往日⋯⋯但係食物質素冇乜點變，雞煲同以前一樣咁惹味，佢秘製雞煲嗰個醬汁真係同其他地方唔同，有佢自己獨特嘅香料味，辣得嚟又帶點甜味，啲雞肉都好嫩滑。呢個汁加埋佢哋個煎米粉餅真係冇得輸！加湯前再用個醬汁嚟煮水魷、豬皮、凍豆腐，朔晒啲汁好好味！記憶中佢哋嘅火鍋料其實冇乜話特別出色，但係琴晚發現佢哋個手打墨魚丸其實都幾足料，好彈牙，裏面食到有大大粒嘅墨魚粒，係幾好食。人均消費$300左右都食到好飽，香港而家出街食嘢咁貴嚟講，都算正常啦。不過服務就⋯⋯唔好講喇，成個樓面得幾個人做嘢，都明白佢哋嘅感受嘅😅…Read More

下午四点半才营业，我们早到了就先去楼下的肥姐小食买了些冷串串当作开胃小吃。这家鸡煲的服务态度果然名不虚传的。。terrible 幸好我们有本地的朋友跟她交流，但也有让人感到不舒服，可能香港人就是不爱工作吧，工作时间里臭脸真的有在摆的。味道很普通，鸡肉不是很新鲜，我们同行三位大陆人，一边吃一边感慨，大陆真的美食天堂。这家的味道在香港可能还可以，但大陆来旅游的朋友，没在想的，不用试了。麻辣甜，除此之外没别的了。…Read More

同朋友講起想食雞煲大家就不約而同諗起呢間！個雞煲滾起已經聞到勁香，雞件嫩滑入味，醬汁濃郁得嚟唔會太鹹，加埋啲紫洋蔥同蒜頭爆香尤其係煲耐咗啲紫洋蔥好入味超好食！雞煲可以揀辣度，我哋食bb辣已經好夠味食完雞仲可以加湯打邊爐，推薦加份肥牛同響鈴，索晒啲汁超正！辣辣地仲可以嗌杯巨大凍檸茶飲，一杯都好夠飲🍋…Read More

幫襯咗好多年，依然保持水準，地方寬敞，葡萄提子飲品好正，好解渴，雞好滑，個汁好惹味，食完唔喝。特別要稱讚金毛姐姐，多年都保持燦爛嘅笑容，服務熱情，態度良好友善，有責任。…Read More

還未食完，有位姊姊就企旁邊不斷敦促盡快食，最後還講了一句，旁邊已經換左三台，你地都仲未食完。這個服務態度太差☹️無下次。比距好食的雞煲大把，無必要受呢個氣。現場有吉位，亦沒有等候的客人，不知道急什麼⋯⋯…Read More