一品刀削麵

Open Now

Now Closed

態度問題：服務非常差，會串客人，打電話買外賣問下問題叫我自己睇餐牌啦，冇心做認真唔好做。味道問題：極咸，唔知以為食緊一堆鹽，包括湯、面、餸都極度咸，好難食。😅

當日叫左碗麵,由於我聽吾清楚樓面青年服務員嘅說話,於是隔左一陣我提醒他我叫左D咩或是問野(憶述大慨系甘既情況),隨即他即'掘'住我話:知喇,等等啦!我話:我唔知所以問下者.他即刻bear住我,我回bear他時;由於我坐近麵檔位可能他阿爸(我估)聽到及即刻bear住我.應該系自己生意,但甘既服務態度,絕對趕客,不會再幫親,我系黎幫親可系黎受氣!服務態度差,幾好既食品分數都即刻下降!

公眾假期間間大餐廳、打冷、西餐廳幾乎都要等位偶然發現呢間小店個名勁簡單直接「刀削麵」🤣🐖紅燒豬手刀削麵豬手好軟滑好林，入口即溶，又唔係肥膩嗰隻👍🏻🐥手撕雞刀削麵香辣幼細，整體都唔錯👍🏻🦆口水鴨腎小食好爽口，香辣味都唔會over👍🏻麵底都係彈牙既！簡簡單單，都幾值得支持下😊

今日食外賣：一品刀削麵🍜相隔一年多年無食，今日再次幫襯。甘耐無食原因是因為個服務態度差，但好食ge。今日再想食，所以叫左1個所謂招牌豬頸肉刀削麵＆1個招牌豬軟骨刀削麵，加2杯豆漿。費用合共$44麵+$44麵+$14豆漿+$2外賣加1。共收$104。但番到屋企拆開，發現遺漏2杯豆漿即係又蝕錢14蚊。食後感受：收銀人員，依然無禮貌，串串的麵質太淋身，餸就得2件。雖然都吾好食，多都無用。最後只係食左2，3，4啖。浪費金錢。所以永遠不再光顧。

我哋一家超過兩、三年無嚟食啦，忽然又想起佢「刀削麵」。小老闆細時已成日幫襯，佢最鍾意食冷刀削麵，今日佢都唔例外，佢話要重溫兒時味道。我哋就分別叫左豬扒刀削麵同豬軟骨刀削麵再加一份炸韭菜餃。先講豬扒刀削麵，豬扒應該係一早炸定，入口已經唔熱唔脆而刀削麵麵質較林，唔彈口，湯底就同以往一樣好味，但就唔會食左口乾。豬軟骨就炆得好林，好入味。冷刀削麵就有青瓜絲、牛展絲加入一啲沙律醬同一些疑似泰式辣醬拌埋一齊食，這款麵真係夏天嘅首選。炸韭菜餃就不過不失，因為佢哋嘅餃子雲吞本身已經幾好食而重點就係佢哋嘅自家制嘅麻辣，每次嚟食都必定要加寫之前睇左其他人對佢哋嘅食評，大多數都係負評 真心講，食物真係大不如前，而服務就一如以往吧！

開飯啦今次食午餐正午溫度31度🔥仍然擋唔住一股想食熱辣辣刀削麵嘅心情❤️叫個外賣拎返屋企食🏠叫咗一碗齋春卷刀削麵🍜 （ $40 ）齋春卷有四條返到屋企仲係脆嘅個面就林咗少少🤏唔記得問佢有冇得分湯如果你哋鍾意食硬麵可以諗吓分湯另外叫多咗個醉雞🐓 （ $49 ）同埋一份油菜🥗（ $19 ）醉雞溫度仲係凍嘅👌🏻外面雞皮有酒香雞肉有雞味$49一份有八件雞肉為返$61件左右要讚嘅就係啲雞皮冇雞毛雞皮嘅顏色好均勻有一定嘅脂肪比例👌🏻菜有蠔油味同埋麻油味唐生菜冇苦味可能比較大食一個人的午餐總共食咗 $109下次試吓佢果冷刀削麵先

用超級市場買的麵餅，唔係真係刀削麵！又淋湯底又鹹，而且侍應態度非常之差！屯門剩係得一間刀削麵，而且非常之少座位，所以每次經過，都好似好多人幫襯咁樣，但係其實真係好難食

今日去左好耐無去既刀削麵鋪食lunch, 原本都滿心期待，因為呢間係區內為數不多既刀削麵店。食物水準以呢個價錢黎講亦都不錯但可惜好失望因為比以前真係差好多😥今日叫反我既例牌，豬扒刀削麵！豬扒炸出黎唔夠熱亦都太乾身仲要無乜味道，湯底 以前偏向比較濃味同少鹹加上少許麻油香味都算係咁但係而家湯底好淡好似滾麵水加麻油咁…🤯刀削麵方面都好糊好林，覺得係over cook , 一啲咬口都無！工作人員態度方面就不提了… 以前食物還好時都算但而家食物質素又無，服務態度又無，真係唔會再去了。其實睇好多篇食評都講過好失望同覺得差左好多但我都想親身去試多次，結果 … 一間曾經好喜愛既麵店竟然要如此說再見，真心可惜。

幾年前經常去食，但因服務差無再去。以前d拉麵真係手拉出來。 今日再去食，d拉麵根本唔係手拉的，只係用一些現成的麵條。所以師傅整麵既地方而家故意做到遮遮掩掩(以前係睇到老板即時拉的)。另外， 麵條完全唔Q, 又煮得太淋， 完全唔好食。 佢叫拉麵真係有d騙人。當時店內只有我，一個太子爺就掛住督機，另一個就同條女係咁吹水，吹到鬼殺咁嘈，佢個度地方咁細，但吹到咁大聲，全個食麵過程難受至極。👎🏻👎🏻👎🏻👎🏻

態度差，雖然食品的質素都不好，但我覺得態度差，就算食品好食都沒有用，以後俾錢我都唔會去食，一間連自己品牌明星都不尊重的舖頭，其實都絕對冇可能出品到好食的食物，我看見很多留言給這間餐廳，如果我係老闆我會覺得好羞恥

唔係好理解到點解個太子爺咁有自信，咁難食都可以做到咁串買咗成$200野，食咗兩啖已經唔想食麵多餸少，叫加辣都係好淡辣味，室內冷氣唔凍，舖頭入邊仲要有浸臭味，冇下次

早兩日6 點幾去食左個early dinner，可能太早一個人都無，例牌太子仔態度唔多好，講野無尾音，大聲叫我量體溫，OK 算～等外賣期間見住送貨送左幾箱味丹嚟，味精預左你有，但...無諗到你咁重手，呢幾年已經不停加價，叫左個手撕雞刀削麵，青瓜多過雞，雞肉真係少到喊，返到屋企成晚狂飲水，渴到痴線，真係唔知落左幾多味精。唔知係咪太耐無食兩老已經退左休俾兩個仔打骰，定因為我太早去兩老未埋位～但真係覺得又唔抵食，又唔好食，仲要太子位個面口態度真係差到......我諗唔到再幫襯嘅原因。

態度:疫情問題 晚市外賣一入到間舖想問佢啲辣會唔會好辣侍應就話自己唔食辣 點知辣唔辣食物質素:1. 外賣返到屋企只係5分鐘都無既路程 啲刀削麵已經淋晒2. 豬頸肉原來係炸 仲要炸到燶到黑 一食落口仲要係腌到有那脷感覺3. 另外叫咗個32蚊既麻辣手撕雞 份量少 又無麻辣味

估唔到2年冇食過已經變得咁差，麵質冇以前咁好食，成個糊咁太淋唔好食。碟醉雞似雪左好耐岩岩拎出嚟，啲肉咬唔開好大陣雪味，冇左醉雞嘅味道。重有員工態度麻麻，會喝返客人，真係唔會再有下次。

叫左個麻辣手撕雞刀削麵$44，再加多$10 炸豬排。手撕雞唔記得影埋，係一個細碟仔（豉油碟），有多過一半既青瓜絲，其餘先係雞絲，如果係手撕青瓜拌雞絲會覺得抵好多。🤔豬扒麵如圖，小弟食左一塊，即共5塊，仲有條生菜bb。麵係一大碗，好多麵，好抵，湯就比較矜貴，所以好少。刀削麵，麵當然係精粹。刀削麵你會諗到彈牙，有𡁻口。呢度既麵，唔知邊度鄉下，又可能呢區多老人家？d麵好淋，有d 粻口，口感特別（唔係我鍾意，可能有人鍾意）。加埋清淡既湯底，老人家想食可以一試。份量？咁大碗發漲左既麵，一定飽，放心。樓面，收錢，執野，落單，送餐都係由疑似老闆一人負責，老闆要做咁多野，唔黑面就有鬼。語氣差，講野掘，有d呼喝，唔代表佢心地唔好架（鬼知🙄）。我唔鍾意，唔代表佢差（我諗我係正常口味既正常人），大家快d黎試吓啦！