一休(居食屋)日本料理 (長發廣場)

餐廳都幾多座位，環境亦幾闊落，食物款式種類多，啲相都幾吸引。「黑蒜油蝦球拉麵🦐🍜」$55聞落都幾黑蒜油，不過實際好少，出面食開既黑蒜油好多，色澤深，不過將貨就價，平雙倍自然唔同，但都交到功課，起碼有黑蒜油味，拉麵質地正常，蝦就係普通蝦仁。「角切魚生飯🐟🍚」$50跟個麵豉湯，麵豉味幾香不死咸，呢個角切飯，反而帶到畀我驚喜，吞拿魚，吞拿魚腩，三文魚粒粒，仲有玉子仔，青瓜粒，賣相出色，份量亦唔吝嗇，呢口價真心抵食💁🏻‍♀️魚生唔腥，加埋豉油，好快爬完🤣整體而言，性價比都幾高，抵食！…Read More

一入鋪頭量左體溫企左係門口成5分鐘都冇一個樓面既同事等多幾分鐘终於有樓面帶位。坐低之後連水都要自己出去攞。諗好食咩想落單個時我舉左手足足成2分鐘都未有人理過我,有一個帶眼鏡既男仔樓面見到我都扮睇唔到,最後都成功落到單。食物質素麻麻地。服務質素唔洗講貼地。…Read More

本人第一次寫食評 第一次叫一休外賣 特盛外鮮丼啲魚生又少 又薄 點樣叫特盛？特盛係啲飯度呀！滑蛋豬扒飯，粉漿厚到呢！滑蛋都唔係滑蛋、汁又冇 、成個飯都乾、豬扒好乾冇汁。係飲品方面叫熱檸茶，俾左杯凍檸茶。唔好浪費食物。雖然做街坊生意，都唔好煮到咁，草草了事！「專業好評」見到成班好評，真係笑左出黎，邊忽好食！唔明點解有百幾個好食，好食係邊？真心想知！ 見到咩有d topic咩「日本之旅 」、「小商場吃高質」…… 真係覺得好搞笑！哈哈…Read More

一休主打日本菜，食物選擇非常多，而且份量十足！青衣分最近推出咗日式一人火鍋，都好吸引，下次試吓！一休海鮮沙律 $68份量非常之多！沙律菜新鮮爽脆又清甜，仲有甜蝦刺身、蟹柳絲及多款切角魚生，好豐富！沙律醬另上，可按自己喜好加入沙律，夠細心！三文魚腩壽司 $9 件火灸和牛壽司 $9 件質素不錯，而且好抵食呀！蔥吞拿魚腩軍腩 $40吞拿魚腩蓉香濃幼滑，正！花之戀壽司 $40三文魚刺身，加上大量蟹籽及沙律醬，好滋味！刺身拼盤（松） $238三文魚腩夠肥美鮮甜！赤蝦大隻又厚肉！海膽份量夠多！劍魚腩亦相唔錯！荔枝梳打 $18蜜桃梳打 $18清甜爽口！…Read More

一休日本料理由旺角開到黎青衣，青衣分店秉承旺角總店的傳統，大件夾抵食，選擇夠多之餘，份量仲要係超豐盛！一休做緊一人火鍋set特價，加少少錢仲可以跟埋刺身同埋壽司，正！荔枝梳打 $18蜜桃梳打 $18汽泡和甜度都足夠，大人細路都啱飲！三文魚腩壽司 $9 / each火灸和牛壽司 $9 / each晚市會有幾款壽司做特價，每件9蚊連和牛同三文魚腩都有得食，特價款勁多人嗌，食材流轉快，格外新鮮！花之戀壽司 $40香港獨有的花之戀，三文魚腔必點！蔥吞拿魚腩軍腩 $40肥美可口的吞拿魚腩蓉，配上爽脆的紫菜，Very Nice！刺身拼盤（松） $238巨型赤蝦肥大肉厚，入口甜美！海膽的Size也是超級巨型！三文魚腩肥美可口！劍魚腩亦相當鮮甜！天婦羅蕎麥冷麵 $72冰涼順滑的蕎麥麵，在這潮濕的天氣下吃，格外清爽！天婦羅也做得不錯，外層脆口，內層Juicy！…Read More

琴晚卒之有返晚市堂食，大胃當然身先士卒，同大胃之母近近地走去青衣開大餐，好似兩個月冇食嘢咁外賣嘅刺身又點及得上堂食嘅刺身吖，個款都擺得好睇啲，感覺仲新鮮啲除咗刺身，卷物都係堂食華麗啲，帶子經黑松露嘅點綴，層次提升晒呢間嘅2人餐相當之抵，兩個主食、三款小食、兩碗湯同兩杯嘢飲喎佢地啲小食仲要幾大舊吓㗎，年糕咁大舊都有三件廣島蠔又係有三件咁多，啖啖鮮味仲可以揀刺身，珍寶赤蝦都有兩大條石鍋飯都食過唔少，但豬軟骨就第一次食，要食就要撈快啲食快啲，如果唔係好快烘乾㗎喇另外加$10可以升級五點魚生飯，樣樣都有，新年食佢好意頭佢地嘅味噌湯好足料，好多渣喺底雖然晚市開返，但啲人都係買外賣多…Read More

青衣食日本嘢都多選擇，不過普遍都偏貴，同埋都係啲大集團，今次試吓呢間傳聞抵食夾大件，所以我都嚟試吓。午餐時間都幾多人食，特別係年青人，佢哋嘅套餐都幾抵食。先叫咗個軟殼蟹手卷，軟殼蟹新鮮熱辣，凡量比較少，不過食手卷就係唔需要咁多飯壽司類都幾新鮮，入口即溶，而壽司嘅飯就比較大件少少，其實食呢碟壽司都飽飽地，因為佢嘅份量真係唔講得少之後叫咗個牛肉火鍋，佢呢個係午市套餐，配埋個飯都係50幾蚊，肥牛既量仲要都幾多。仲叫咗雞翼同三文魚腩，三文魚腩炸都有少少脆，但係入面好Juice，外邊調味啱啱好，呢個真係推薦食，雞翼都還可以，因為佢係串燒，燒烤味好重，適合重口味嘅朋友。…Read More

朋友早前推介一間CP值超高的日本料理 尋日就去了青衣行街順便試下 估唔到宜家香港仲可用實惠既價食高水準日本料理🥳🥳餐牌show 了勁多款式既壽司 🍣刺身 小食 等 貪心既我樣樣都想食😏 結果發現全部都好滿意喔！1. 辛辣黑豚肉拉麵🍜係冬天食辣當然要食辣喇 $55 一碗係出面已買少見少 仲要份量都唔係少 🙀 呢個餐仲要包埋2舊三文魚壽司 🍣個拉麵辣度岩岩好 加埋隻溏心蛋實在太合乎我心意呀😻2. 壽司烏冬（松）開頭以為烏冬細細碗 點知份量都唔細 仲要係我最愛既讚歧烏冬！而壽司質素都唔錯 當然有 我最愛既帶子去司 同花之戀 佢地都很新鮮 滿滿既蟹子真係令人回味無窮呀😉💁🏻‍♀️3. 火炙三文魚加州卷🍣要重點推介呢個三文魚加州卷 個三文魚幾厚身 而且很鮮甜 半燒了既狀態做到入口即化既效果 口感剛剛好👍🏻 加埋沙律醬 （不多也不少）是絕配 食過番尋味呀🙆🏻‍♀️4. 三文腩刺身呢份厚切三文腩真係絕頂呢🥰🥰佢完全冇腥味 而且腩位好肥美 肉質嫩滑 沾上wasabi 同小小醬油可以引出佢既鮮味🤩 食完真係仲想encore 😋😋5. 厚切牛舌串正如其名 牛舌很厚很惹味！！ 燒得正好呀 有彈力既口感 加上檸檬汁可以提升其味道😉 餐廳地方都好寬闊同埋坐得正舒服 呢到款式咁多 下次要再試埋其他野食呀…Read More

餐廳食物總類好多，而且推出既午市/下午茶餐都好抵食👍🏻🍴四點刺身拼盤三文魚、甜蝦、吞拿魚、油甘魚~食材新鮮，刺身份量兩個人剛剛好🍴火炙三文魚加州卷 🍣一份六件，飯既比例剛好唔好太多，火炙三文魚加沙律醬真係冇得輸🥰🍴蒜片和牛粒 🐂牛粒好好食，味道濃烈，都好容易咬，平時最怕啲牛柳粒好多筋，呢個唔會😆🍴日本室津蠔生蠔 （半打）🦪蠔新鮮，金屬味較重鐵板油牛雜菇份量好多，牛油味香🧈👍🏻🍴香草燒雞翼好香，肉汁多🍴蒲燒鰻魚串燒鰻魚好香🍴牛舌串鹽燒🍴帆立貝串燒燒得偏乾身🍴照燒大蔥雞肉串雞肉大大啖，蔥都大大舊😆…Read More

平時超少行青衣，點知果日搵完朋友諗住係附近食野既時候，會有一間咁高質素既日本野😚真係有驚喜！！睇到佢平時既午市其實都好抵食！不過近排做野咁辛苦，決定食豪啲haha日本室津蠔🦪$158最鍾意就係食蠔架啦～呢半打果然無令我同朋友失望！一睇就知體型大，肉質鮮嫩、味道甘甜爽口、食到落口會再重少少金屬味，但整體感覺飽滿！四點刺身拼盤 $88有吞拿魚，油甘魚，三文魚腩同甜蝦！每一款好新鮮就不在話下啦！最重要係佢每塊都切得好大塊，份量十足，啖啖肉啊😭串燒～香草燒雞翼，鰻魚，牛舌～燒得好香口而且岩岩食！雞翼表皮燶左少少，但勝在肉汁多，鎖住曬係入面，一啲都唔乾身！而鰻魚汁都好夠，鰻魚燒得剛剛好～牛舌比我想像中厚切，咬既時間更耐，每咬一下牛既肉味更多， 口感與味道兼備！燒帆立貝略乾身，但汁煮濃郁，不過不失大蔥雞肉串雞肉又係超大舊 同大蔥相間住 一啖蔥一啖肉 唔人太過油膩又增加爽脆口感火炙三文魚加州卷！同樣三文魚極長極厚，經過火燒後魚味更濃。加上加州卷內玉子，青瓜同蟹柳三重口感，成件事好夾。面面仲有沙津醬同晾燒醬，唔會令我覺得有飯乾既問題！鐵板和牛粒每一粒都切到好大塊！！而且堆到好滿下！底下唔會攝好多洋蔥呃份量，抵讚！每一舊都煎得好好，大概7成熟到，既有表面焦脆既香氣，亦有內裡純粹既牛味！牛油炒雜菇，有水準，亦有多款菇類！整體感覺好滿足！亦超級飽啊😚😚…Read More

青衣其實都好多嘢食，呢間日式料理好似開咗好耐，平時行過見到都多人排隊，同埋見到啲價錢都好平民化，所以今日入嚟試吓。食物選擇好多，我哋中午食有午餐選擇，佢哋嘅份量真係好多。我哋叫咗個壽司拼盤梅，啲壽司好新鮮，飯團大細適中，而刺身大件夾抵食，每件魚生刺身入口到即溶，呢個價錢嘅質素真係唔錯。叫咗個豚肉炒椰菜，佢係一個午餐，包一個飯同湯，菜同肉嘅比例差唔多，入口比較濃郁，新鮮熱辣上菜，令人好開胃。另外再叫多個三文魚腩，三文魚腩外皮煎到好香脆，入邊嘅肉好嫩滑，調好味之後先燒，味道真係啱啱好，望落去好似好乾，但係入口滿佈三文魚油，呢個真係值得推薦。最後仲叫多杯梅酒梳打，梅酒味幾重，份量都比較多。…Read More

黎食下呢間好多人讚既平價日本菜先 其實佢既lunch set真係好抵食但我地想食下貴價食材 唯有單點活赤貝壽司🍣 超級正 係原隻新鮮切既 一厚大赤貝切到做3舊壽司好抵食 $44咋黑松露油甘魚壽司 好香魚油味鵝肝壽司🍣煎到好香口 個醬汁都好好味 😋 薄薄地一舊唔會太漏 想叫多舊黎食灸燒左口魚壽司🥰入口即溶 魚油好香灸燒黑松露帶子壽司🍣 黑松露醬好香 帶子好大粒盛夏壽司 一舊壽司上面有海膽三文魚籽同甜蝦 滿足唔同願望🥺刺身叫左厚切三文魚腩（$58/4切）好厚好大塊 都幾新鮮鹽燒牛舌配檸檬 好香牛舌味 燒得岩岩好唔會好un, 幾推介叫呢個仲叫左個小食拼盤 黎到嚇親 好大碟 4-5 個人share都得🤯呢間真係平價之算服務都好好 好貼心 又唔係好似上網其他人既評價咁 好彩…Read More

本人喜歡周圍試新嘢，尤其係放假時會出街食早餐因為可以歎杯咖啡☕️今日就試間對我來講是新野😅點左一份簡單嘅早餐：照燒雞扒配公仔面咖啡☕️：没有咖啡味道，可能奶太多 👎🏻👎🏻👎🏻👎🏻👎🏻雞扒：超乾及不是照燒汁而是甜豉油👎🏻👎🏻👎🏻👎🏻👎🏻煎旦：看圖就知廚師有冇用心了👎🏻👎🏻👎🏻👎🏻👎🏻本人对食不是高要求，只是喜欢感受廚師对食物及顧客有否用心对待😌…Read More

平時住青衣既朋友都話呢間OK  一於試試佢壽司方面叫左活赤貝壽司- 我不嬲都係赤貝既愛好者, 好鮮甜, 厚切, 似係新鮮切既唔係訂返黎既一份有3件, 超推介呀北寄貝壽司- 價錢係赤貝既一半, 有2件, 都幾抵食, 但你問我,我會比多D叫赤貝架😋黑松露油甘魚壽司 - 佢個黑松露係自己整左做醬, 唔係平時放題果D就咁一埋黑松露放係面, 幾特別, 好香鵝肝壽司- 超推介, 好中意食鵝肝既香味, 唔會煎得過火🥰灸燒左口魚壽司- SUPER GOOD!! 個魚入口即化, 有小小七味粉係面吊味, 幾正 , 必叫呀 灸燒黑松露帶子壽司 都幾推介帶子好鮮甜, 好大粒好厚身盛夏壽司- 呢個配搭無得輸, 海膽甜蝦三文魚籽, 三文魚籽係口入面爆發, 甜蝦大大隻好鮮甜厚切三文魚腩刺身  我食一舊已經好滿足，因為真係好大舊好厚切蜜桃梳打 甜甜地幾好飲牛舌都好好食！ 燒得岩岩好， 好香同埋個螺肉、八爪魚、 中華海蜇拼盤，好足料，多到好誇張🤣…Read More

餐廳名字叫【一休]， 是我孩童是最喜歡看的日本卡通，裝修簡潔明亮， 座位舒適寬敞， 提供好多食物選擇， 令人目不暇給 ，價錢親民，十分抵食。槍燒鰻魚飯(午餐)$52槍燒鰻魚飯， 肥美鰻魚表皮有微微的火炙焦香， 及甜甜的燒汁， 魚油被迫出， 魚身仍保持半熟，油花滿佈，入口嫩滑，黏糯冇骨， 伴飯一流， 每口盡是鲜味， 跟配熱呼呼的味噌湯，確實不错。穴子卷配烏冬(午餐)$53穴子卷表面鋪滿甜甜的燒汁， 內裏包著爽脆青瓜絲和蛋絲，配搭惹味、清新，混合沙律醬一起吃，滋味迷人。煎自家製餃子四隻(追加)$18自家製餃外型飽滿，填滿蔬菜 和肉碎， 大口咬下， 脆卜卜餘，肉汁四濺，沾上惹味沙律醬， 令人停不了口。吉列芝士蝦餅一塊$18芝士蝦餅外皮又脆又薄， 炸至金黄色，中心填满半溶芝士， 外脆內軟， 誘人的咸香， 大快朵頤。 鹽燒三文魚頭$48鹽燒三文魚頭，夠曬分量，上枱時， 香味撲鼻而來， 魚皮燒到香脆可口，魚肉保持嫩滑， 唧上檸檬汁後享用，鮮味更加提升，亦可助減膩 ，送啤酒一流 。汁燒魷魚筒$78原條汁燒魷魚筒，即叫即製 ， 香氣四溢， 令人垂涎， 熱燙燙的魷魚入口濕軟， 柔軟而帶嚼勁， 滿滿的香濃魷魚味， 燒得出色， 舐舐脷爆燈。凍檸賓(跟餐 +$5) 、 奶茶(跟餐+$3)凍檸賓，清新冰爽，幫助消化， 奶茶入口順滑 ， 茶香奶滑 ， 完美作結。…Read More