5月氹完媽媽，6月父親節記住氹爸爸啦！西貢臨海WM Hotel 就推出「父親節自助餐」，為一眾爸爸準備一系列海鮮，如即開生蠔、法國凍麵包蟹、波士頓凍龍蝦同松葉蟹腳等，仲有特級燒牛肉、香煎鴨肝伴紅桑子汁多士、蒜鹽燒越南虎蝦等。每位父親仲會獲贈特選餐酒或啤酒一杯。
父親節自助晚餐詳情 日期：2022年6月19日(星期日) 時間：下午6時30分至下午9時30分 價錢：成人$588/位；小童$388/位*
父親節自助早午餐 日期：2022年6月19日(星期日) 時間：上午11時30分至下午2時30分 價錢：成人$468/位；小童$308*
*另收原價之加一服務費 |
生蠔·芒果主題自助晚餐
除咗哄爸爸都可以哄吓自己，西貢WM Hotel 有超靚海景、唯美小禮堂。嚟享用生蠔、芒果甜品主題「週末海鮮自助晚餐」外，下午茶時段亦有「海賊王下午茶 」，食飽再沿海濱散步好放鬆。
WM Hotel 純白小禮堂吸引好多粉絲打卡。
呢度嘅自助餐餐廳喺小禮堂隔籬，落地玻璃映照夜空下嘅小禮堂好浪漫。新推生蠔、芒果甜品主題「週末海鮮自助晚餐」，除即開生蠔外，仲可以一次過食到多款生蠔料理！加埋幾款人氣芒果燕窩千層酥、芒果班戟等，值回票價呀。
自助餐餐廳落地玻璃，可以欣賞小禮堂景色。
自助取餐區有環球海鮮、壽司刺身、熱盤、Live Station同甜品區，非常豐富。今次生蠔主題當然要食即開生蠔回本啦！仲有多國生蠔料理—菠菜芝士焗廣島蠔、泰式明爐燒蠔、天婦羅酥炸生蠔、香蔥韭菜蠔仔煎餅等，大廚Keep 住新鮮出爐，食落熱辣辣又Juicy。
環球海鮮好豐富，必試即開生蠔、加拿大松葉蟹腳、法國凍麵包蟹。
同場仲有多款手握壽司，刺身每日新鮮直送，私心推介帶子蟹膏壽司、黑松露甜蝦壽司、燒三文魚壽司、鰻魚壽司、蟹棒壽司、玉子壽司。
刺身每日新鮮直送。
(左)煙肉洋蔥茄汁焗蠔、泰式明爐燒蠔、菠菜芝士焗廣島蠔、(右)天婦羅酥炸生蠔
今次集合多國生蠔料理，滿足一眾蠔控。
蠔仔煎餅即場煎製好香口惹味。
高質自助餐最正係有海鮮、壽司等冷盤外，又可以食到即煮料理。今次Live Station 好驚喜有壽喜燒烏冬，湯底濃厚輕甜，日本烏冬好軟Q，加埋珍寶帶子、嚴選牛肉、新鮮蔬菜等，暖暖胃再作戰一系列芒果甜品～
開始感受到夏天熱度，就知道又踏入芒果時令季節喇。甜品師傅就以香甜滑溜呂宋芒，設計多款甜品。
芒果白朱古力慕斯蛋糕
芒果燕窩千層酥
芒果千層蛋糕
芒果班戟
除咗「週末海鮮自助晚餐」外，平日亦提供「精選晚餐」㗎。
週末海鮮自助晚餐
日期：逢星期五至日
時間：晚上6時30分至9時30分
價錢：成人港幣588元；小童港幣388元
*另收原價之加一服務費，優惠受條款及細則約束。
千陽號嚟喇～WM Hotel 下午茶 x 海賊王
WM咖啡廳的海賊王主題下午茶，各款咸甜點以可愛的海賊王角色造型登場，當中包括燒三文魚飯糰、龍蝦沙律籃子伴松露醬、日本梳乎厘芝士蛋糕及北海道3.6牛乳紅豆布甸等一系列精緻可口的造型茶點，讓您盡情打卡，與好友暢聚下午！
海賊王主題下午茶
日期：即日至2022年8月5日
時間：每天下午3時至6時
價錢：港幣488元（兩位用）
*另收原價之加一服務費，優惠受條款及細則約束。
Deluxe Set Dinner 精選晚餐
價錢：每位港幣 388 元起 *另收原價之加一服務費
時間：星期一至四 下午6時30分至10時30分
同場仲有「週末自助早午餐」、「半自助午餐」，詳情可致電餐廳查詢。