La Postre新品超現實! 火焰主題x創意甜品
夏天,除了為大地帶來汗水,仲有啲乜?

當然有啦!又到新餐牌登場的夢幻時間!在香港有三間分店、西班牙新派餐廳La Postre,今夏又有新攪作,由心機大廚扭出一系列新增火焰主題美食,並帶多款創意甜品新貴同時駐場,更有素食餐牌畀大家揀,可以同fd子嗌到全枱嘢食都無有怕。今個summer,至hot一定係La Postre啦!

仲夏呈獻:火焰至hot精選
火焰系列當然以「火」為主線,每個菜式都淋上白蘭地酒,一點火,火光閃爍,要打卡呃like真係話咁易!

火焰海鮮鍋
2人份的海鮮鍋,集合新鮮波士頓龍蝦、本地三點蟹、青口、日本八爪魚,加入西班牙式配料如紅椒青椒、洋蔥等及濃香的蝦湯。一灒酒一點火,海鮮更鮮味,少少辣多多趣。


香辣火焰螺肉
這個西班牙tapas夠晒juicy香口,欖油蒜片融會於水晶螺肉當中,火焰過後,酒味香而帶有辣勁,越食越開胃。

火焰龍蝦鉗
來多個tapas!以型格酒杯盛載的一個小食,墊有西班牙油醋汁及十多種蔬菜做成的沙律,面層將波士頓龍蝦鉗半浸泡著。龍蝦啖啖肉好惹味,龍蝦控不得不愛。


火焰黑安格斯西冷牛扒
美國的安格斯牛扒一出,誰與爭峰?La Postre過往以海鮮為主打,今次首次有牛肉出現,仲要是火焰系列牛扒,甘香的牛油與肉汁,交熾豐腴的牛肉質感,牛迷當然要試!

西班牙火焰炒飯
西班牙炒飯一直是這裡的人氣名物,無他的,每個飯粒炒得均勻有致,足料的傳統西班牙調味如藏紅花、黃薑粉、胡椒粉等配料有齊,加埋本地代表三點蟹、日本蜆肉和紐西蘭青口做搭檔,有火焰提升味覺層次,驚喜再現!

香芒派對:靚到暈甜品!
La Postre的甜品一向都非常之有棒場客,今次師傅就將當造的芒果入饌,創造新一輪的甜蜜旋風!

法式漂浮之島
由燉蛋白打造富空氣感的「浮島」,面頭灑上芒果粒,綿滑得入口即溶。連埋底下creamy的芒果吉士汁一齊食,奇妙的法式漂浮旅程瞬即展開!

芒果草莓莎莎撻
平時食三文魚莎莎撻就食得多,今次就來個甜品版本。新鮮的homemade撻,載有芒果、士多啤梨、香草等,清新爽甜夠晒fresh。

香芒玫瑰慕絲拿破崙
拿破崙餅底是自家製,層層疊的酥皮夠鬆化。中間及面頭唧有蜜糖玫瑰慕絲,微甜的淡花香,與芒果肉的酸甜清新一拼,出奇地夾。

芒果曲奇芝士班戟
睇唔出呢個係班戟?師傅以啡色的班戟皮做底,炮製芭菲感覺的玩味班戟。成員包括有自家製焗焦糖合桃、特濃芝士餅、Oreo餅碎、士多啤梨及芒果粒,中間綴以曲奇脆雪糕。小編認為焦糖合桃是亮點,加埋其他配料,是個會令人上癮的甜點。

松露芒果朱古力
又要畀掌聲畀師傅!經她巧手一揮,混有合桃、腰果及松露醬的朱古力今夏面世了!朱古力中甘香的果仁富有「起沙」感覺,黃色的芒果吉士汁温甜出色。

芒果麻糬冬甩
自家製甜品可謂這裡的招牌作,麻糬冬甩亦是師傅自己搓做,冬甩釀有綠茶麻糬餡再去脆炸,面頭搽上吉士醬,灑上無花果、士多啤梨、藍莓、蘋果金寶,可以與友人來個開心share。

素食滋味:開心滋味陸續有來!
仲有仲有!除了以上的火焰主題和芒果系列甜品,店家更新推出一系列素食餐牌。推介有黑醋藜麥羽衣甘藍牛油果車厘茄沙律、青蔬鷹嘴豆濃湯、蘆筍雞髀菇卷、大啡菇竹炭漢堡、西班牙蔬菜蘑菇飯和香草核桃意大利麵

大啡菇竹炭漢堡
* Contents are provided by the advertiser