「黑木亭」5週年轉型!! 居酒屋變身成新派日式放題店，任食多款刺身，必食回本日本直送鮮拖羅、松葉蟹腳。各位海鮮迷仲可以食埋Shake Shake牛油海鮮桶，任揀鮑魚、虎蝦、響螺、蜆、小龍蝦，即叫即Shake埋畀你食～ 仲有得任食A5宮崎和牛，絕對坊間放題少見啊。
「黑木亭」全新裝潢，座位寬敞。
正值榴槤時令季節，可以任食埋馬來西亞直送樹上熟D24榴槤，奶油口感+特濃甜味真係大癲。其他任食Items—鵝肝、日式磯煮鮑魚、花膠海參、乳鴿，加埋自助區又有一系列意式料理、Häagen-Dazs，再任飲清酒/啤酒/汽水，而家低至6折最平只係$333咋。午市、晚市都有得食，睇到最後有優惠價錢畀大家參考～
【刺身類】
落咗單一陣就有刺身啦，嗌咗幾次都跟Order畀足。選擇幾多，有日本直送鮮拖羅、松葉蟹腳、極品大赤蝦、象拔蚌、油甘魚、池魚王。
多本日本直送刺身。
【壽司/卷物類】
壽司、軍艦、火焰壽司、卷物都有，目測最多人嗌有三文魚腩壽司、鮮吞拿魚壽司、池魚壽司、海膽軍艦、火焰左口魚邊壽司、A5宮崎和牛火焰壽司等。吞拿魚迷亦可以試勻大拖羅、中拖羅同赤身。
A5宮崎和牛火焰壽司
同場仲有油甘魚壽司、赤蝦壽司、火焰鰻魚壽司、醬燒帝王蟹棒壽司、三文魚籽壽司等。卷物就有炸蔥吞拿魚蓉卷、芝士醬芒果蟹籽卷、火炙左口魚邊卷、鰻魚肉鬆玉子卷。
多款壽司選擇。
必食海膽軍艦！
創意卷物好豐富。
炸蔥吞拿魚蓉卷
鰻魚肉鬆玉子卷
【A5宮崎和牛】
放題好少有得任食A5宮崎和牛，今次任叫A5宮崎和牛火焰壽司、A5宮崎和牛海膽牛角包、A5宮崎和牛壽喜燒，另外自助區仲有A5宮崎和牛Pizza𠻹。呢度嘅壽司、熱食都係keep到居酒屋質素。
A5宮崎和牛海膽牛角包
【牛油海鮮桶】
食完和牛，又係時候再食啲海鮮喇。牛油海鮮桶即叫即Shake，秘製牛油醬Shake勻鮑魚、虎蝦、響螺、蜆、小龍蝦、魷魚等等，食嗰陣熱辣辣又鹹香幾正。
秘製牛油醬Shake Shake海鮮。
鮑魚、虎蝦都好大隻。
海鮮選擇有好多。
【創意料理/ 天婦羅/ 炸物/ 串燒】
「黑木亭」本身係居酒屋，今次放題都可以任食多款招牌料理。好似好多人鍾意嘅新派薄脆Taco，大玩墨西哥 x 日本菜，用炸餃子皮包住 鵝肝牛肉/ 原條鰻魚/ 海膽魚籽/ 雞尾酒醬吞拿魚蓉 同壽司飯，香脆爆餡又有壽司風味。
新派薄脆Taco，大玩墨西哥 x 日本菜。
其他居酒屋料理仲有士多啤梨南蠻醬配吉列炸蝦杯、脆炸貓山王、炸魷魚仔、黑松露炸薯條、脆炸日式九肚魚等。當然唔少得天婦羅、炸物、串燒。天婦羅即叫即炸，炸漿亦幾薄脆，而6款串燒都蘸滿自家製串燒醬㗎。
即叫即炸天婦羅。
6款串燒有自家製串燒醬。
居酒屋質素嘅士多啤梨南蠻醬配吉列炸蝦杯、脆炸貓山王、炸魷魚仔等。
【磯煮鮑魚/ 厚燒鵝肝/ 妙齡乳鴿】
食放題最開心係連熱食都高質!! 呢度有磯煮鮑魚、厚燒鵝肝、妙齡乳鴿(紅燒/ 鹽焗/ 麻辣)、鮑汁花膠海參、蒜蓉燒蠔、清酒煮蜆等，最驚喜係用新鮮鮑魚。
多款熱食都好高質。
【無限榴槤/ 啤酒汽水/ Häagen-Dazs雪糕】
記住留肚食埋樹上熟D24榴槤、Häagen-Dazs雪糕，馬來西亞新鮮摘落嚟嘅D24榴槤即送到香港，比平時嘅榴槤香甜好多，仲有陣酒香餘韻㗎。同場可以任飲汽水、啤酒、清酒，輕鬆飲飽食醉。
任飲任食樹上熟D24榴槤、Häagen-Dazs雪糕、汽水、啤酒、清酒。
【生日慶祝！免費寫碟】
想同朋友食放題慶生，訂枱嗰陣記住講定，甜品碟可以免費寫字㗎。
【任飲任食自助區】
自助區必食M7澳洲和牛Pizza，每件Pizza都有和牛。另外2款意粉都好吸引—龍蝦汁蟹肉意粉、原條珍寶魷魚墨汁意麵，香濃醬汁拍得住西餐。食到咁上下，又可以飲啖椰子煲雞湯、南瓜湯暖吓胃再作戰！
自助區有多款沙律、熱湯、意式料理、汽水/啤酒/清酒。
M7澳洲和牛Pizza/ 火焰左口魚邊蜜味Pizza
龍蝦汁蟹肉意粉
原條珍寶魷魚墨汁意麵
炸洋蔥圈
多款水果
Häagen-Dazs雪糕
價錢一覽｜A5宮崎和牛拖羅放題120分鐘限時(原價$555)
星期一至四及公眾假期: 12:00pm-4:00pm 6折$333 5:00pm-7:00pm 65折$361 7:00pm-9:00pm 7折$389 9pm-11pm 65折$361 晚市自由時間組合120分鐘 7折$389
星期五及六及公眾假期前夕: 12:00pm-4:00pm 65折$361 5:00pm-7:00pm 7折$389 7:00pm-9:00pm 75折$416 9pm-11pm 7折$389 晚市自由時間組合120分鐘 75折$416 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669