最近手工意粉Fans又有好消息！由瑞士人Matthew Ziemski開嘅小店“Nocino”，第4間分店喺中環開業啦。即係而家去中環(有2間分店)、大坑同觀塘都可以食到每日新鮮整嘅手工意粉喇。
手工意粉排隊店“Nocino”，第4間分店喺中環開業。
中環新店簡潔寬敞。
大坑分店有小酒館感覺。
觀塘分店好開揚，走自然鄉村風格。
老闆兼總廚Matthew嚟自瑞士意大利語區Ticino，即係瑞士南部靠近阿爾卑斯山，接壤意大利邊境嘅位置。呢度涵蓋冰川至栗子森林，獨特地理環境造就特色料理。Matthew以前喺倫敦擔任大廚多年，2019年移居香港後想將正宗Ticino風味帶畀香港人。如果你都想試吓地球另一端味道嘅話，好值得嚟呀。
老闆兼總廚Matthew嚟自瑞士意大利語區Ticino，想將家鄉風味帶畀香港人。
嚟到“Nocino”，唔使諗一定要食每日現製意粉!! 你仲會留意到，原來新鮮意粉係煮得特別快。食落蛋香濃郁啲，口感都好Q彈。呢度有幾款意粉揀，今次我哋就試咗小牛腿醃核桃肉醬寬帶麵、烤墨西哥辣椒火箭菜杏仁香草醬珊瑚麵，仲有幾款Ticino料理。
小牛腿醃核桃肉醬寬帶麵
鍾意意粉咬口嘅話，好推薦揀寬帶麵。意粉一上枱，就畀超爆滿戈貢佐拉藍芝士泡沫吸引!! 輕盈泡沫口感撞上Q彈寬帶麵，估唔到又幾驚喜，仲有種獨特鹹甜鹹甜味道。而寬帶麵又掛滿核桃醬，呢種深沉堅果風味幾有新鮮感。
超爆滿戈貢佐拉藍芝士泡沫。
烤墨西哥辣椒火箭菜杏仁香草醬珊瑚麵
呢碟芝士迷一定要試!! 上面鋪滿嘅帕瑪森芝士泡沫，芝士味好濃。同時加咗輕辛嘅烤墨西哥辣椒，小小辣幾過癮。而且珊瑚麵又掛滿杏仁青醬，所以每啖都有唔同風味咁，同平時食嘅意粉好唔同。
鋪滿帕瑪森芝士泡沫，芝士迷一定鍾意。
自家製迷迭香麵包
Ticino人好鍾意飲吓酒；又食吓麵包、芝士、冷盤肉類，同朋友傾偈慢活。所以一坐低可以嗌杯雞尾酒先，再配傳統意大利烘焙嘅迷迭香佛卡夏麵包開胃。食嗰陣，一定要蘸啲特級初榨橄欖油、櫻桃木陳釀香醋一齊食，油潤酸甜幾有歐洲風味。
傳統意大利烘焙嘅迷迭香佛卡夏麵包，油潤酸甜幾有歐洲風味。
紅酒燉鹿肩蕎麥玉米糊
“Nocino”有多款即調Cocktail同Mocktail，嚟放慢腳步飲飽食醉。
小牛舌配意式吞拿魚醬
雖然主角係小牛舌，但意式吞拿魚醬、墨魚汁醬汁同成熟酸豆真係好搶Fo。用小牛舌夾住吞拿魚醬一齊食，肉味會慢慢滲出海洋風味好特別!!
食咗幾件牛舌後，係時候食啲酸豆清新吓味蕾，跟住就會上癮又想食多幾件牛舌(笑)，真係瞬間清碟。
食咗幾件牛舌後，係時候食啲酸豆清新吓味蕾，跟住就會上癮又想食多幾件牛舌(笑)，真係瞬間清碟。
小牛舌配搭意式吞拿魚醬、成熟酸豆，驚喜地好食。
紅酒燉鹿肩蕎麥玉米糊
近年香港少咗地方食鹿肉，但其實喺歐洲幾常見。“Nocino”就有呢道紅酒燉鹿肩蕎麥玉米糊。鹿肉用紅酒長時間慢燉，煮到軟嫩又入晒味。鹿肉肉味存在感強，酒味唔會好重。
食嗰陣，可以蘸多啲蕎麥玉米糊一齊食。蕎麥嘅淡雅穀香，同半軟牛奶芝士—芳提娜芝士(Fontina Cheese) 可以中和吓肉味，層次感會更加強同精緻。
食嗰陣，可以蘸多啲蕎麥玉米糊一齊食。蕎麥嘅淡雅穀香，同半軟牛奶芝士—芳提娜芝士(Fontina Cheese) 可以中和吓肉味，層次感會更加強同精緻。
紅酒燉鹿肩蕎麥玉米糊。
鹿肉用紅酒長時間慢燉，煮到軟嫩。
Nocino (中環)
地址: 中環蘇豪荷李活道49號鴻豐商業中心地舖