各位手工意粉迷，呢間“Nocino”絕對值得Bookmark！每日新鮮製作手工意粉之外，老闆兼主廚瑞士人Matthew Ziemski仲會煮製家鄉瑞士意大利語區Ticino料理，喺香港都食到地球另一邊嘅味道，真係好難得。
Matthew Ziemski喺大坑開第一間小店後，瞬即爆紅成為排隊店。佢哋嘅手工意粉好有蛋香，而且口感比一般意粉Q彈得多，真係好值得一試。
好消息係而家📍觀塘、中環怡和大廈、中環蘇豪都有分店，想食就方便得多喇。而且午市套餐仲好抵食☀️，單點意粉只需$139！私心覺得最抵係SET C，前菜+意粉+甜品/飲品只係$169～ 因為佢哋嘅前菜唔係普通沙律，而係大大碟嘅Ticino地道料理—炸瑞士格魯耶爾芝士球、小牛舌配意式吞拿魚醬、布袋芝士配意式無花果芥茉醬等，呢個價錢食埋手工意粉真係值。
“Nocino”午餐詳情
🍝 PASTA ONLY $139 🍝 SET A $159 (前菜+意粉) 🍝 SET B $149 (意粉+甜品/飲品) 🍝 SET C $169 (前菜+意粉+甜品/飲品) 🍝 SET D $199 (前菜+意粉+甜品+飲品) |
“Nocino”高CP值午餐｜自家製手工意粉
寬扁麵(Tagliatelle) (V)
松露菇菌醬、戈貢佐拉芝士泡沫
如果你鍾意掛汁感強嘅意粉，好推薦呢款寬扁麵。粗糙表面掛滿松露菇菌醬，再慢慢滲出手工意粉特有嘅蛋香，係一種好精緻嘅味道。最特別係超爆滿戈貢佐拉芝士泡沫，輕盈泡沫口感撞上Q彈寬帶麵幾驚喜，有種鹹甜鹹甜嘅特別味道。
寬扁麵掛汁感強，上面有爆滿戈貢佐拉芝士泡沫。
每日新鮮製作意粉，口感Q彈有蛋香。
波浪粉(Reginette)
辣肉腸醬、馬斯卡彭芝士、帕瑪森芝士
近年意粉界好受歡迎嘅波浪粉，兩邊捲曲外型好似蕾絲裙邊，食落特別有層次感。Matthew Ziemski特別配搭辣肉腸醬，第一啖已經好有意式辣腸嘅油香。而且完全唔手軟加咗好多馬斯卡彭芝士、帕瑪森芝士，濃郁微辣鹹香好啱秋冬食。
波浪粉，近年喺意粉界好受歡迎。
完全唔手軟加咗好多馬斯卡彭芝士、帕瑪森芝士。
意粉蕾絲裙邊外型，食落特別有層次感。
長管粉(Festonati)
烤甜栗米、煙燻豬頰肉、帕瑪森芝士
手工長管粉有種豐厚口感，蛋香存在感更強。而呢道意粉醬汁唔算多，更加食到配料烤甜栗米、煙燻豬頰肉同帕瑪森芝士風味。
手工長管粉，口感豐厚。
醬汁唔算多，配料烤甜栗米、煙燻豬頰肉存在感強。
是日精選
另外每日都有唔同精選意粉，就算成日嚟食都唔會悶。當日款式可以參考黑板，或者向店員查詢㗎。
每日都有唔同精選意粉。
“Nocino”高CP值午餐｜前菜
炸瑞士格魯耶爾芝士球(Malakoff) (V)
想嚟食瑞士料理嘅話，好推薦午餐食埋呢道波波外形嘅炸瑞士芝士球，炸皮好厚脆，滿滿芝士餡好濃郁。如果Lunch Time時間充裕，飲品可以升級埋Mocktail，好似Ticino當地人咁飲嘢慢食傾偈。
炸瑞士芝士球。炸皮好厚脆，滿滿芝士餡好濃郁。
布袋芝士配意式無花果芥末醬
開心果、薄荷、意大利風乾火腿
另一款芝士前菜選擇，就有呢道布袋芝士。綿密忌廉質地嘅布袋芝士，加埋意式無花果芥末醬有種甜中帶鹹嘅嗆辣，真心有驚喜。試完芝士，又可以將意大利風乾火腿包住芝士、開心果碎碎一齊食，係另一種風味。
布袋芝士口感綿密。
有多款配料，每啖都食到唔同風味。
意式雜菜湯 (Minestrone Soup) (V)
翠玉瓜、蘿蔔、西芹、番茄、雜豆
秋冬想飲啲熱湯暖吓胃，有呢道意大利鄉村經典熱湯揀。湯身輕盈，飲落有蔬菜同雜豆粒粒口感，好鍾意嚟自蘿蔔、番茄嘅天然酸甜味道。
意大利鄉村經典熱湯。
湯身輕盈，有蔬菜同雜豆粒粒口感。
小牛舌配意式吞拿魚醬
意式吞拿魚醬、墨魚汁調味醬、成熟酸豆
真係好少見午餐前菜有咁大碟牛舌!! 薄切小牛舌肉色粉紅，食落軟嫩又有咬口。食嗰陣連埋意式吞拿魚醬、墨魚汁調味醬一齊食，令牛味多咗層鹹鮮海洋味，幾有新鮮感。
午餐前菜少見，超大碟足料牛舌！
連埋意式吞拿魚醬、墨魚汁調味醬一齊食，幾有新鮮感。
Odette’s提拉米蘇(含有酒精)
嚟自Ticino家族秘方，用100%意大利馬加邦尼芝士(Mascarpone Cheese)、杏仁酒(Amaretto)、意大利瑪薩拉酒(Marsala) 製作，由開業第一日就係最受歡迎嘅甜品啦。
Ticino家族秘方提拉米蘇，開業第一日已經大受歡迎。
口感Creamy，酒香濃郁。
栗子芝士蛋糕
蒙布朗、黑加侖子
冬天係屬於栗子嘅季節，甜品師將佢變成綿滑細膩栗子蓉，配上輕甜黑加侖子、微微奶香芝士蛋糕，撞出栗子、果香、奶滑三重味道。午餐食件高質甜品，真係特別有儀式感。
細膩栗子蓉，配上輕甜黑加侖子、微微奶香芝士蛋糕。
午餐飲Mocktail有Feel～
“Nocino”係一間手工意粉店，但佢哋嘅嘢飲都好有心思，好似呢兩杯Mocktail就好清爽。想食Lunch都好似外國人咁放慢節奏，一定要飲埋呀。
午餐只係+$37，有檸檬蜂蜜氣泡飲Lemon Honey Gazzosa；另一選擇Hibiscus Rose Fizz用洛神花、玫瑰、伯爵茶調製，酸甜花香帶伯爵茶獨特味道。
“Nocino”有駐場調酒師，即調各種Mocktail、Cocktail。
Nocino(香港)
地址: 香港大坑銅鑼灣道92E號地舖
電話: +852 60121098