你有無試過食一餐韓國菜，會將放滿12款前菜、多款主菜、鍋物嘅枱搬上嚟？真係未食已經震撼眼球!!
韓國人Mr.Jung開設嘅韓餐館“SONAMU Korean Restaurant”，隱身喺尖沙咀地庫依然人氣爆發。除咗超打卡嘅「換枱」食法，店主堅持煮韓國家庭料理亦係一大特色。Mr.Jung提道：「媽媽煮嘅飯餸最健康，佢唔會落好多味精好多鹽。而我哋想還原韓國媽媽料理畀食客，所以都係少味精亦唔會太鹹太辣，真係食到食材鮮味同營養。」除咗煮法健康，呢度全部食材都係每日韓國直送！好似招牌醬油海鮮拼盤、海鮮嫩⾖腐⽕鍋，你會見到全部海鮮都係大大件又新鮮！當然，秋冬必食嘅鍋物—韓式豬脊骨火鍋、雞肉章魚火鍋、豬肉血腸火鍋等都係韓國直送食材，一定要放入今冬Bucket List呀。
Mr.Jung開店之前做過資料搜集，喺香港未見過呢種上菜方法，所以想將佢帶嚟香港。
4人套餐(婆婆套餐)，超澎湃韓國料理！
招牌醬油海鮮拼盤，海鮮吸滿微甜鹹香醬油。
海鮮嫩豆腐火鍋。回本首選，超爆滿韓國直送海鮮！
最重要係呢度CP值好高！2人餐$480/$630、3人餐$850、4人餐$980、5人餐$1,130，呢個價錢仲要全日免加一!! 開飯仔已經幫大家計咗，每人平均二百幾蚊就有交易啦。而且每個套餐已包括前菜約12款(大部分每星期轉款)，大路款有泡菜、辣醃青瓜、魚仔乾、韓式豬耳、麻油拌韓式粉絲、蔬菜蛋餅、芽菜、辣豆腐等，最估唔到近期爆紅嘅明太子都有喎，鹹鹹香香用嚟撈飯幾正。
每個套餐包括12款前菜，大部分每星期轉款。
(左)蔬菜蛋餅、(右)明太子
【2人/3人/4人/5人套餐詳情👇】
每個套餐最大分別係主菜數量，全部料理份量同味道都係一樣㗎，所以幾多個人嚟食都好划算。好似「2人餐$480」就有12款前菜、1款鍋物、2款主菜；「3人餐$850」就有12款前菜、1款鍋物、3款主菜，如此類推。
套餐共有6款鍋物、22款主菜選擇。款式真係好多，完全係多人飯局福音，一定滿足到唔同人口味。
【6款鍋物選擇🥘～】
韓式牛展火鍋。湯底唔會好鹹好濃，牛展肉味、蔬菜味道混和幾香。
韓式豬脊骨火鍋。豬脊骨一咬已經化開好軟腍，成個口都係肉味同膠質嘅深邃香味。
「2人餐$480/$630」除咗頭先嘅鍋物選擇，仲會多咗呢4款韓國湯揀—泡菜湯、貽貝湯、豆腐湯、大醬湯。
【22款主菜選擇🍲～】
韓國菜唔少得醬油蟹、醬油蝦，海鮮迷可以直接嗌個醬油海鮮拼盤!! 有醬油鮑魚、章魚、蝦同三文魚。另一回本推薦有生拌牛肉，原始肉味加埋蛋漿好正。
套餐有醬油蟹揀。
醬油蝦都係另一選擇。
心大心細唔知揀咩好，呢款醬油海鮮拼盤就啱晒。
生拌牛肉，原始肉味好正!!
主菜都有唔少鐵板選擇，有埋個爐熱住食幾有Feel。烤鰻魚、黃油烤魷魚、烤牛小排都煎到好香。
烤鰻魚。秋冬用鐵板邊烤邊食，好有Feel。
黃油烤魷魚，魷魚份量有驚喜。
牛控必食烤牛小排。
特色啲嘅韓國料理唔少得烤豬肩肉，用生菜包住啲肉同辣醬食勁開胃。白飯小偷唔少得辣炒豬肉、韓式炒牛肉，韓國獨特嘅香辣真係佐飯
烤豬肩肉，用生菜包住肉同辣醬食好開胃。
辣炒豬肉，撈飯一流。
韓式炒牛肉。
【所有套餐可額外追加韓式煎餅/炒年糕🍳～】
海鮮韭菜煎餅、泡菜煎餅、土豆煎餅、辣炒年糕。
“SONAMU Korean Restaurant”隱身尖沙咀地庫，以韓國家庭料理同上菜方法引爆人氣。
“SONAMU Korean Restaurant”套餐價錢一覽
2⼈套餐(姨媽套餐1) $480 2⼈套餐(姨媽套餐2) $630 (包含3款主菜) 3⼈套餐(媽媽套餐) $850 4⼈套餐(婆婆套餐) $980 5⼈套餐(SOUNAMU SET) $1,130 |
SONAMU Korean Restaurant (尖沙咀)
地址: 香港尖沙咀柯士甸路152號好兆年行LG樓
電話: +852 66921233