今個聖誕除夕，去呢間有電影《教父》感覺嘅意大利餐廳「PASTEAKO」幾有Feel喎。除咗有靚環境，佢哋定時人手敲鐘任食意粉環節已經喺網上爆紅!! 今年聖誕除夕，依然有呢個Free Flow傳統，一齊感受熱鬧氣氛啦。
意大利餐廳「PASTEAKO」主打手工意粉同熟成牛扒，環境好有電影《教父》感覺。
聖誕除夕唔使飛歐洲，都可以喺意大利氣氛下食大餐。
「PASTEAKO」定時敲鐘任食意粉環節，早前喺網上爆紅！
「PASTEAKO」嘅店名，其實就係Pasta同Steak～ 呢度店如其名主打手工意粉同牛扒，今次聖誕/除夕套餐就包咗手工意粉、USDA Prime 21日乾式熟成牛扒，加埋前菜、熱湯同甜品超級豐富！而且手工意粉選擇好多—寬條麵 (Pappardelle)、螺旋短麵(Trofie)、筒狀麵(Garganelli)、斜管麵 (Rigatoni)、意大利雲吞(Ravioli)，並會依每款意粉特性跟配唔同配料，同平時坊間食嘅意粉好唔同，絕對係手工意粉迷福音啊。
聖誕/除夕套餐一次過食晒手工意粉＋熟成牛扒，仲有前菜、熱湯同甜品。
一入門口仲可以揀把專屬刀鋸扒，8款餐刀分別嚟自意大利、德國、土耳其、波斯、日本、蒙古等地，每把刀具背後都承載獨特歷史文化，未坐低已經滿滿儀式感。
大家可以喺刀櫃揀餐刀，好有儀式感。
刀具嚟自世界各地，承載獨特歷史文化。
🎄聖誕/除夕套餐$588
無論你想幾時嚟「PASTEAKO」，聖誕/除夕套餐價錢都係一樣，唯一唔同只係Free Flow環節。聖誕套餐Free Flow係「主廚精選意粉、煙燻牛小排(Smoked Beef Short Ribs)、辣根醬」；除夕套餐Free Flow就係「主廚精選意粉、慢烤OP牛肋骨(Op Ribs Seasonal)、辣根醬」。
Free Flow環節好有節日氣氛，好期待啊!!
【番茄湯(Tureen of Tomato)】
新鮮番茄熬製湯底後，再加埋羅勒青醬、橄欖、芹菜好有天然香味。
【沙律(Salad)】
頂級牛柳薄片(Carpaccio of Prime Beef Tenderloin)
經典牛柳薄片(Carpaccio) 好食到牛肉原始味，上面鋪滿茴香、香菇同紅甜椒。用牛薄片包住配料嚟食，首先食到好濃肉味，再慢慢滲出蔬菜清爽味幾解膩豐富。
【選擇你的意粉(Choose Your Pasta)】
松露寬條麵(Pappardelle: Truffle)(Carpaccio of Prime Beef Tenderloin)
如果你鍾意掛汁爆滿口感，可以揀粗獷厚實嘅寬條麵。今次仲掛滿松露醬，第一啖已經好有冬季菌香滿足感!!
香辣茄醬特飛麵(Trofie Spicy arrabbiata)
突飛麵係意大利最古老嘅手工意粉之一，大廚會用掌心快速搓捻出嚟，所以每條大細不一做出特別口感。配搭酸中帶辣茄醬，有種越食越上癮嘅感覺，覺得好啱飲氣泡酒。
捲意粉配北極蝦番茄貝類濃醬(Garganelli Cold water prawns tomato and shellfish bisque)
意大利北部嘅經典意粉，傳統用木板同梳子壓製而成，坑紋可以牢牢抓住醬汁，仲有獨特咬口。而且北極蝦出名好鮮甜，加埋各種貝類鮮味濃郁，海鮮控一定要試。
粗管麵配栗子及佐鵝肝醬汁(Rigatoni Foie gras sauce chestnut)
粗管麵比一般意粉特別粗壯結實，所以粗管入面會承載好多醬汁，咬開有種爆汁口感。因為加咗冬季時令嘅栗子同埋奢華濃郁嘅鵝肝醬汁，係一款好有聖誕氣氛嘅意粉。
扇貝意大利雲吞(Ravioli of Sea Scallop)
意大利雲吞外皮滑溜，有種爆餡口感。鮮甜扇貝餡同耶路撒冷洋薊薑醬呢個組合幾有新鮮感。微辛清爽，無論味道同咬口都與別不同。
【USDA Prime 21日乾式熟成牛選擇(Your Choice Of USDA Prime 21 Days Dry Aged Cut)】
今次聖誕套餐都係意粉＋牛扒靚靚地上枱，頭先揀完一系列手工意粉，就可以揀埋西冷扒定肉眼扒啦。兩款肉位都係用USDA Prime 21日乾式熟成牛，熟成期間，天然酵素會軟化牛肉組織，肉質特別鬆軟!! 肉味仲會有種獨特牛油、烤堅果香味，係另一種層次嘅牛扒風味啊。
大時大節想食得好啲，可以+$188升級M5和牛肉眼，大理石紋嘅油脂分佈，外層會燒到焦香輕脆咁!! 加埋入面嘅油香肉味，絕對值回票價。
【甜品(Sweet Ending】
經典意大利聖誕麵包(Classic Panettone)
好有歐洲氣氛嘅意大利聖誕麵包(Panettone)，發酵72小時令麵包充滿空氣感，口感鬆軟☁️。入面仲有橙皮、葡萄乾、雲呢拿香味，配埋馬斯卡彭忌廉(Mascarpone Cream)，質地綿滑，淡淡乳酪酸香令甜度顯得更圓潤，作為節日大餐結尾好圓滿啊。
PASTEAKO
地址: 中環鴨巴甸街35號元創方B座Hollywood地下HG01-HG05號舖