想喺香港食內蒙古羊不是夢！原來旺角有間隱世「咩記打邊爐」，直接向「內蒙古錫林郭勒大草原」牧民引入「烏珠穆沁羊(6個月大)」，係真正天然大草原放牧嘅羊嚟㗎。
旺角隱世「咩記打邊爐」直接向內蒙古牧民引入羊肉，香港好少機會食到。
老闆親自去內蒙古搵牧民時，拍攝羊群於天然草原生活。
牧民為尋找茂密草原，每年都會帶羊群遷徙。所以好少香港餐廳成功向牧民引入羊隻，絕對值得嚟試吓真正內蒙古風味。
店內裝潢有氣氛。
「內蒙古錫林郭勒大草原」牧民天然放養嘅「烏珠穆沁羊 (6個月)」
羊肉係靚到可以跟當地人食法，只用礦泉清水湯底淥一淥再蘸豉油就食得!! 食落香中帶甜，完全唔羶，就算平時唔食羊嘅朋友都值得一試啊啊啊。
一嘗當地人食法，只用礦泉清水湯底淥一淥再蘸豉油就食得。
咁點解大草原放牧嘅羊特別好食? 因為羊羶味嚟自非天然牧草飼料同脂肪。而內蒙古羊係食天然牧草，加上運動量多而減少脂肪，自然無咗陣羶臭味啦。
多款特別肉位，有好罕見嘅頂級羊上腦、高鈣羊肉、尾巴肉等。
諗返起，平時好驚嘅羊羶味，就算吞咗都會留喺齒間……但呢度嘅天然肉香，一吞落肚就消失，所以不期然好想追住一片一片咁食。而且有多款特別肉位，好罕見嘅頂級羊上腦、高鈣羊肉、尾巴肉等，就算連羊睪丸(呢度叫羊寶寶) 都有得食，各位羊迷準備好未!?
羊睪丸(呢度叫羊寶寶) 都有得食，真羊迷一定要試吓。
免費跟唎酒師試酒！
「咩記打邊爐」仲有駐場唎酒師，會不時推清酒車出嚟畀大家免費試10-15款清酒，包括日本Top10部分清酒、梅酒等。唎酒師會根據你喜好同鍾意嘅羊肉/串燒推薦。頂級羊上腦就啱配清爽微辛清酒，撞上羊香味好正；又或者豐滿肥美羔羊肉，配辛感重清酒就可中和油膩啦。
駐場唎酒師會不時推清酒車出嚟，畀大家免費試10-15款清酒。
放心慢慢試啱再嗌嚟飲，或者試完唔嗌又得，最緊要大家食得開心、飲得盡興咁話。
開業半周年感謝祭！
優惠1 指定羊肉，第二碟起半價 優惠2 OpenRice 蒙古-天下第一羊 羊肉火鍋2人餐優惠 優惠3 OpenRice 蒙古-天下第一羊 羊肉火鍋4人餐優惠 優惠4 OpenRice 蒙古-天下第一羊 羊肉火鍋8人餐優惠 優惠6 生日正日及7日內，訂座即享免切餅費 及 免開瓶費 |
【開到凌晨2點！瘋狂食羊肉】
呢度開到凌晨2點，全店主打5款羊肉—頂級羊上腦、高鈣羊肉、尾巴肉、羔羊後腿、羔羊肉，一齊睇吓有咩分別啦～
最珍貴罕見｜頂級羊上腦
屬於羊頸後肉位，係羊身最鮮嫩嘅肉。而且每隻羊得200g(每碟差唔多有200g!)，每食一碟等如食咗一隻羊嘅精華，非常珍貴。羊肉佈滿大理石花紋，肥而不膩、肉嫩Q彈，仲有淡淡奶香餘韻。而家暫時無限供應，但未來將每日限量(售完即止)，想食就要快啲嚟喇。
頂級羊上腦。每隻羊得200g(每碟差唔多有200g!)，每食一碟等如食咗一隻羊嘅精華。
獨特脆骨肉感｜高鈣羊肉
全隻羊唯一食得嘅羊軟骨!! 係前腿肉、扇面骨相連嘅月牙脆骨，加埋軟組織上嘅薄羊肉，肥瘦相間、細嫩緊實，食落鮮甜又脆口。每隻羊得600g 同樣珍貴。暫時無限供應，但未來將每日限量(售完即止)。
全隻羊唯一食得嘅羊軟骨肉位。
細心睇會見到羊肉相連羊軟骨。
富含膠質·油脂｜180日尾巴肉
相信好多羊肉fans都未食過羊尾巴，甚至無諗過有得食𠻹。原來比想像更有油香，入口會化出豐盈油脂卻肥而不膩，口感有啲似牛胸爽，好推薦試吓呀！尾巴肉仲有健脾開胃、補腎壯陽功效，又富含蛋日質、膠原蛋白、鐵、維他命B1、B2等，嚟到真係要食多幾片補吓。
無諗過羊尾巴都有得食喎。
有嚼勁肌肉筋膜｜羔羊後腿
後腿肉運動量高，我哋食咗好多片都係羊肉+羊筋，肉質特別有嚼勁，越咬越食到羔羊嘅鮮嫩。
運動量高嘅後腿肉。好多片都係羊肉+羊筋，特別有嚼勁。
獨特奶香｜180日羔羊肉
取自6個月大嘅羔羊肉，係最鮮美鮮嫩嘅羊肉。粉紅色肉片有種獨特奶香，羊香味重，係高蛋白、低脂之選。
最鮮美鮮嫩嘅4個月大羔羊肉。
【打邊爐唔少得和牛/海鮮】
除咗可以好似內蒙古人咁用礦泉清水鍋食羊肉，呢度都有人氣麻辣鍋、卜卜蜆濃湯鍋、清甜雞湯鍋揀。當然唔少得靚牛—A4 鹿兒島和牛頸脊 、Prime牛小排和挑骨雪花牛肉等。
打邊爐唔少得靚和牛。
和牛油花好靚。
好多香港人都鍾意打邊爐食刺身，呢度都有新鮮象拔蚌刺身㗎！火鍋配料亦有海鮮揀，好似蟶子皇、脆肉鯇、生蠔等。
象拔蚌刺身好大碟！
象拔蚌爽脆鮮甜。
多款海鮮配料。
生蠔爆汁鮮甜，有驚喜。
【爽食串燒】
呢度可以飲飽食醉到凌晨2點，點少得佐酒必食嘅串燒。想食地道風味，有經典烤羊肉串、經典烤羊小排。平時嘅烤雞中翼、烤豬頸肉、烤白鱔、雞皮小串等都有。
地道風味經典烤羊肉串、經典烤羊小排。
沙嗲牛肉串
蒜蓉烤扇貝
咩記打邊爐(香港)
地址: 香港旺角通菜街61號德發大廈2樓
電話: +852 70104533