最近好多人專程去啟德睇Show、行街食嘢。如果想搵間靚Cafe 放空吓，原來啟德站行5分鐘有間出名開心果麻糬Tiramisu、西班牙海鮮飯、西班牙黑毛豬鞍架嘅Cafe “Plato Cafe & Bistro”。
“Plato Cafe & Bistro” 啟德店以金色拱門窗，打造精緻溫柔路線。
店內L形設計擴大空間感。
推薦三五知己坐半圓梳化位，有隱私空間同望落地玻璃望啟德靚景。
相信去過“Plato Cafe & Bistro” 佐敦店同觀塘店嘅話，都知佢哋嘅料理一向高水準，完全係Cafe環境+親民價西餐 合體呀!! 2024年開業嘅啟德店，用金色拱門窗打造精緻溫柔路線，仲有大落地玻璃望啟德景。三五知己嚟嘅話，一定要坐半圓梳化位，有隱私空間同望埋落地玻璃靚景。
“Plato Cafe & Bistro”有多款高CP值晚餐選擇。
【3大必食人氣料理🔥】
好少見Cafe有咁多嘢食揀，選擇困難可以試吓佢哋人氣最高嘅3款先～
西班牙海鮮飯
海鮮飯用咗多款海鮮同濃厚醬汁燴製，有青口、魷魚、大蝦等。米粒吸滿海鮮精華，口感濕潤。
西班牙黑毛豬鞍架
黑毛豬爆汁肉嫩仲有種獨特肉香，因為黑毛豬喺西班牙伊比利亞半島以橡樹果實為主食，比一般豬鞍軟嫩好多㗎。
開心果麻糬Tiramisu
就算只係諗住嚟輕食飲咖啡，都一定要叫佢哋嘅開心果麻糬Tiramisu!! 傳統自家製Tiramisu 綿綿密密，咖啡香撞埋開心果Nutty 風味好吸引。入面仲有軟糯麻糬，連埋開心果粒粒真係幾重口感。
【甜品控天堂👼🏻】大份量幸福感
芒果牛角窩夫
人氣持續強勁嘅牛角窩夫!! 一次試晒兩款口味—原味、芒果忌廉。芒果肉超多，加埋冰涼雪糕解膩好豐富啊。
香蕉朱古力牛角窩夫
牛角窩夫仲有香蕉朱古力口味，比芒果味再濃郁啲!!
朱古力心太軟伴雪糕
如果想食朱古力，仲有朱古力心太軟揀。呢度完全做到心太軟嘅外脆內流心，加埋雪糕一齊食有冷暖交融口感。
Plato Cafe & Bistro (Mikiki店)
地址: 新蒲崗太子道東638號Mikiki1樓116號舖
電話: 8404 3116
