【香港唯一水族館餐廳】米芝蓮大廚 環保海鮮入饌

海洋公園有咩好玩,相信你同我都好熟喇。可以搭海洋列車,去全球十大水族館之一嘅「夢幻水都」睇珍貴海洋生物;鍾意刺激嘅又可以玩雙腳懸空嘅「動感快車」,同埋半空搖擺同瘋狂自轉嘅「翻天覆地」!玩到攰攰哋,喺海洋公園唔知食咩好?今次就試園內呢間「海龍王餐廳」,除咗有米芝蓮餐廳顧問總廚陳國強師傅設計嘅菜單,餐廳仲嚴選環保海鮮,食好嘢同時令海洋可持續發展。

海洋公園堅持以環保海鮮入饌,致力保護海洋。夢幻浪漫 海龍王餐廳
園內剛完成翻新嘅「海龍王餐廳」,裝潢同菜式設計都以珊瑚為主題。珊瑚有「海底熱帶雨林」之稱,係大自然嘅藝術,同時亦維持著海底世界嘅生態平衡。餐廳嘅海洋藍色座椅、銀灰珊瑚暗花圖案地毯、波浪狀吊燈,好似喺夢幻深海入面用餐咁呀!

餐廳設計以珊瑚為主題,氣氛夢幻浪漫。想同海洋更貼近,仲可以預訂貴賓房。房間私隱度高,可一邊近距離欣賞海洋生物,一邊品嚐米芝蓮廚師陳師傅設計嘅菜式。
貴賓房私隱度高, 係個舉辦私人派對或家庭聚會的好地方。
米芝蓮大廚 糅合百家特色
夢幻海洋環境就夠靚喇,睇埋呢度有咩食啦!陳師傅以海洋保育意念設計「嚐味套餐」,嚴選嘅環保海鮮有龍蝦、鮑魚等,並以融匯百家精粹嘅「四方菜」手法煮製,糅合咗江南料理嘅清麗、粵菜嘅原味、川菜百菜百味嘅理念。

陳師傅匯聚百家精粹,以環保海鮮炮製各地名菜。前菜 一次過食多地名菜
前菜匯聚多地名菜,旅客同本地遊人都啱食,包括台式「話梅石榴球」、川風「燈影牛肉」同微辣嘅澳洲青邊鮑「芥末鮑魚角」,夏天食夠晒開胃。
前菜已可品嚐到各地名菜。
主菜 松露油蛋泡龍蝦球
以昔日宴客名菜「踏雪尋龍」為藍本,改用可持續嘅澳洲龍蝦尾,配埋梳乎厘般輕盈嘅蛋白泡沫,軟綿口感加埋龍蝦鮮味,味道更富層次。


澳洲龍蝦尾係可持續海鮮。
黑醋東坡肉
食完龍蝦,就有好開胃嘅「黑醋東坡肉」。以優質豬肉配上意大利陳醋同鎮江醋慢煮,入口有肉香又帶酸甜,係陳師傅嘅精心傑作。

東坡肉肥而不膩,脂肪入口即化。
海龍王炒飯
叫得做「海龍王炒飯」,當然海鮮用料十足啦!有可持續嘅澳洲鮑魚、龍蝦同阿拉斯加蟹肉,加埋甘筍、紫椰菜等健康蔬菜,以「陰油猛鑊」大廚功架炒香,飯粒乾爽彈牙又有鮮味。
炒飯好足料,食到好多環保海鮮。奇異果露伴奶香果凍丸子
呢道金魚奶凍真係靚得有驚喜,奶凍細滑輕甜,同時加入軟糯嘅手工丸子,食到雙重口感。仲有清新、有助腸胃消化嘅奇異果籽點綴,夠晒健康。
金魚造型甜品靚到唔捨得食。了解更多: http://bit.ly/33jZ4wr


海龍王餐廳

網址: https://s.openrice.com/QrbS0xiC000

地址海洋公園(香港島南區黃竹坑黃竹坑道180號)

交通: 港鐵海洋公園站B出口

電話: 39232323 / 39232161

備註: 設加一服務費、免費泊車、免開瓶費(受條款約束)晚上6點半後免費入園


* 海洋公園公司有權隨時更改/終止此項優惠的內容而毋須預先另行通知。


* Contents are provided by the advertiser