【食飯飲酒直落】尖沙咀新場 酒吧都有海膽.龍蝦
唔知你有無試過約朋友食飯飲嘢直落,但硬係要分開兩間餐廳酒吧,食飽又要捧住個肚行去第二間飲酒...都明嘅,唔少酒吧只得佐酒菜,有啲甚至無自家廚房㖭。

難得尖沙咀新開咗間酒吧Poseidon 主打高質菜,食好嘢之餘又多酒類飲足成晚,梗係要公諸同好啦~呢度地方夠大,室內有啲靚位仲有煙霧特效,亦有室外位畀大家吹吹風。
煙霧特效座位好有氣氛。

同場有卡位、高凳同戶外位揀。

嘢食方面真係拍得住高質西餐,最重要係店家捨得用靚食材,大廚笑言「而家嘅人愈嚟愈識食,一定要用啲好嘢先得」,聽完更加放心嚟食好嘢(笑)。

香煎吞拿魚芝麻菜沙律
Ala-Carte Menu 選擇好多,基本上鵝肝、牛扒、蟹等高級食材都有,開胃菜就有香煎吞拿魚芝麻菜沙律。吞拿魚以味淋醃後再煎至半生熟,呢種意日Fusion 煮法比平時嘅煙燻吞拿魚味道更柔和,更食得出魚鮮味。

原隻龍蝦意粉 配香辣意式番茄醬
大廚將新鮮龍蝦生煎鎖住鮮味肉汁,食落好鮮甜。意粉方面則加入蒜片、辣椒、蝦乾快炒,但點解會用上咁濃味嘅蝦乾呢?原因係鮮龍蝦極香,其他濃味食材都難以減淡佢嘅鮮味,所以意粉都炒得鹹香啲至配得上呀。

威化脆紙蟹肉意粉
脆脆威化紙載住Creamy 蟹肉意粉,食時一次過由上而下將蟹肉同蘑菇等配料、意粉連埋威化紙食,Enjoy幾重口感。

酥炸麒麟馬頭魚
香口啲嘅仲有呢道酥炸麒麟馬頭魚,「麒麟」好貼切形容到馬頭魚特徵,係極少數魚唔使起魚鱗直接炸香,所以你會見到魚身豎起一支支魚鱗,口感特別脆。加埋獨家啤酒配方,魚肉嫩得嚟有些微酒香。

一口酥炸麒麟馬頭魚 配蒔蘿他他醬
仲有一口酥炸麒麟馬頭魚,配酸酸哋嘅蒔蘿他他醬作為佐酒小食。

香辣墨西哥脆片
比一般墨西哥脆片更豐富大堆頭~熱辣辣脆片鋪上芝士醬、黑水攬、墨西哥椒、牛油果醬、番茄沙沙醬、酸忌廉等,襯咩酒都好啱。

Poseidon Restaurant & Bar
網上訂座享7折優惠兼賺里數    
地址: 尖沙咀亞士厘道24-38號天星大廈4樓
電話: 25118299
* Contents are provided by the advertiser