【韓國大熱Pimaek】極量拉絲Pizza配手工啤
香港成日食嘅Pizza 都係西式,原來韓國一早興起「Pimaek」喇,即係Pizza + Beer!大家都知韓國人好鍾意芝士,所以韓國Pizza 同樣鋪上滿滿芝士拉絲㗎。喺韓國已經有600幾間分店嘅Pizza Maru,最近荃新天地分店都新開張喇~主打多款手工Pizza同手工啤酒,喺香港都食到「Pimaek」!
韓國人咁鍾意飲酒,嚟自韓國嘅Pizza Maru 當然都有多款韓國直送手工啤酒揀啦!


真正韓味!9成食材嚟自韓國 
作為韓國過江龍,9成食材都係嚟自韓國㗎。Pizza 麵團亦同韓國店一樣全手工製,並用綠茶、小球藻、黑米同多種天然穀物混合,再低溫發酵24小時而成。相比西式Pizza 餅底味道更豐富,因長時間低溫發酵亦令口感更煙韌,加埋芝士拉絲確實將Pizza 變出另一個層次呀。

荃灣新店率先推限定Pizza 獨特正方切法
韓國店最近推出限定Pizza「經典五行」同「肉食五行」,而家喺荃灣新店都食到喇,之後香港所有分店亦會緊隨推出!兩款限定Pizza 最特別係用墨魚汁整的健康麵糰再以四方切法分隔5款食材,做到一個Pizza 有5種味道。

限定Pizza 鋪滿食材,獨特四方切法可以食齊5種口味!

Pizza 都食到正宗韓式燒肉
如果你係韓燒迷,一定會鍾意呢兩款Pizza 上嘅韓式燒牛肉。醃法都係韓國地道味,肉味濃得嚟又有水果醃製嘅微甜。
「經典五行」有辣肉腸、粟米、煙肉、韓式燒牛肉、香辣雞肉等。

「肉食五行」有牛小排、法蘭克福腸、燻雞肉、香辣雞肉、韓式燒牛肉等。

太陽番茄芝加哥薄餅 芝士超濃郁.餅底超鬆軟
芝加哥薄餅係美國當地一種使用深盤焗製,擁有大量芝士嘅Pizza,Pizza Maru 同樣用自家發酵麵團,並按傳統芝加哥薄餅做法,鋪上雙倍Mozzarella 同芝士條,再將餅邊拉起包住側邊芝士,所以餅邊同餅底都食到超濃郁芝士味!

「芝加哥薄餅」餅邊特別飽滿,因為入面都係滿滿芝士!呢種做法令薄餅特別鬆軟厚身,口感比一般薄脆Pizza 更有驚喜。

一拎起Pizza 就Feel 到餅底嘅鬆軟+芝士嘅澎湃。

多款人氣韓式Pizza
除咗超鬆軟芝加哥薄餅,呢度亦有多款韓式Pizza,。當中最人氣就有「韓式海陸」,鋪上香辣蝦、韓式烤肉、香辣薯角等,完全係韓風Style輕甜辣。
韓式海陸薄餅有香辣蝦、韓式烤肉、香辣薯角等,係韓式Style輕甜辣。

一齊「Chimaek」炸雞啤酒!
講完「Pimaek」,當然不得不提「Chimaek」炸雞啤酒啦!韓國店嘅炸雞真係會令人上癮,呢度有7款口味炸雞,最人氣嘅有「蒜香甜辣秘製炸雞」同「蜂蜜牛油秘製炸雞」,前者係韓式甜辣同蒜味較重;後者則似蜜糖牛油薯片味,鍾意呢種微甜香口就一定要試。
(左)「蜂蜜牛油秘製炸雞」、(右)「蒜香甜辣秘製炸雞」。

漁夫番茄燴海鮮 (配脆包)
呢度亦有多款小食揀,「漁夫番茄燴海鮮 (配脆包)」以韓國直送番茄醬、香蒜煮製多款海鮮,藍青口、虎蝦、帶子、魷魚等都有,配上嘅係用黑米麵團焗製的脆包。

帶子泡菜卡邦尼韓式意大利粉
冬天想暖吓胃,Creamy 嘅「帶子泡菜卡邦尼」就好啱,香濃蛋黃漿同巴馬臣芝士包住意粉,加埋微酸辣泡菜吊味幾醒神。

Pizza Maru (荃灣)
地址: 荃灣楊屋道1號荃新天地1期UG樓28及30號舖
電話: 26370338

Pizza Maru (銅鑼灣)
地址: 銅鑼灣軒尼詩道500號希慎廣場13樓1302舖
電話: 23181012

Pizza Maru (尖沙咀)
地址: 尖沙咀彌敦道132號美麗華廣場一期食四方4樓408號舖
電話: 23212238
* Contents are provided by the advertiser