唔想煩,諗起食乜就食乜,又唔駛逐道菜睇價錢,最正梗係食放題啦!放題已經唔係齋食刺身、壽司咁簡單,銅鑼灣瀛豐放題料理專門店主打日、泰菜,冷、熱盤有180款咁多,仲可以加錢嘆埋奢華版放題,任食勁大隻生蠔,仲有又靚又好玩嘅生啤啤酒機玩。
全場免費WiFi 電話落單勁方便
嗱,大家都有多年放題經驗㗎啦!一定試過瘋狂剔紙落單,但畀完伙計就等極都無?呢啲傷心事就唔好回想喇,呢度只要掃一掃QR Code即刻可以電話落單,叫咗咩、未嚟咩全部一眼睇晒,專心瘋狂落單勁食啦!
瀛豐依時段收費,一個價就任食180款日、泰、港菜,一齊睇入場價位啦!
| 時段 | 星期一至四 | 星期五、六、日及公眾假期前夕 |
午市放題三小時 | 12:00 至 15:00 | 休息 | $189 |
優惠時段,要18:00前離座 (88折 原價加1服務費) | 16:00-18:00 | $189 | $199 |
晚市放題 | 18:00-20:00 | $229 | $239 |
| 20:00-22:00 | $229 | $239 |
| 22:00-24:00 | $209 | $219 |
- 小童一米以下免費,一米四以下為小童$149
- 逢星期五、六、日公眾假期、假期前夕加$10
- 星期五六日有午市放題($189)(有原價加一服務費)
- 任何時段升級版: 愛爾蘭即開生蠔海膽帶子任食加1664生啤同Asahi生啤任飲每位加$118
爆抵!!! 只需另加$118,即任食任飲生蠔、海膽同生啤!
法國皇家生蠔
酒店級大大隻生蠔,肉厚有海水味,全部即叫即開。
睇吓生蠔幾肥美!
法國生蠔出名濃海水味,加多$20就可以食埋喇!
海膽火焰帶子
北海道帶子刺身無返咁上下厚身,都唔會夾到海膽呀!一啖入口雙重口感,好幸福呀!
自斟生啤
呢部生啤機來頭唔小㗎,係店家專登買嚟畀食客體驗斟生啤嘅樂趣,有Asahi同Blanc1664兩款啤酒揀。
一邊斟,杯底一邊閃彩燈好靚㗎,準備埋手機打卡就啱喇!
噴煙龍蝦 超大刺身拼盤
除咗奢華版外,單以入場費都有180款嘢食㗎!入座當然先嚟刺身拼盤啦,噴煙龍蝦真係好得意,刺身都好高質!有珍寶赤蝦、馬刀貝、白玉豚等,仲有挪威三文魚,好食又放心。
同場有多款壽司揀,海膽波波壽司一啖入口,仲有赤貝、象拔蚌同油甘魚等等。
勁多泰式美食
瀛豐最吸引就係有別於一般放題店,除咗日式料理外,泰式料理都係重點嚟,串燒沙嗲汁仲係自家調配。想邊食刺身,邊食高質泰菜就啱晒。
沙嗲串燒
泰式魚露燒蝦勁惹味,識食一定要咬吓蝦殼,微鹹有風味。
泰式炒椰菜苗只用新鮮菜苗,葉嫩、口感清爽。
熱炒有鑊氣
熱炒都有好多選擇,全部大廚主理好有鑊氣。
和味一口牛甜香有肉味,肉質夠鬆軟。
甘葉香蒜炒墨魚鬚有咬口,鍾意墨魚嘅話一定唔可以錯過。
多款香口炸物
呢度任飲啤酒汽水,點可以無炸物佐酒呀?呢度炸物選擇多,芝士年糕、紫心香芋丸同炸香蕉等等都好吸引。
任食甜品、雪條
蛋糕、布甸、啫喱等等都有,榴槤迷必試榴槤糯米糍呀!
多款韓國雪條任食。
仲有啤酒、果汁、汽水任飲。
瀛豐放題料理專門店
地址: 銅鑼灣駱克道491-499號京都廣場10樓
電話: 28916928