有時搵到間低調高質小店，真係開心過特登食貴嘢。喺沙田嘅街坊小店「大越越南餐廳」，其實由20年越南菜經驗大廚主理，正宗味道吸引一眾食客朝聖。夏天想食碗麵，越南撈檬同Pho酸辣解暑啱晒feel呀。
街坊小店，由越南菜大廚主理，味道正宗兼抵食。
「大越」感激一眾街坊食客捧場，希望略盡綿力回饋社會。因此自疫情以嚟，一直無間斷支持前線醫護人員，所有外送食物至威爾斯親王醫院均不收取任何額外費用，同時贈送特飲為前線醫護人員打打氣。
疫情以嚟，所有外送食物至威爾斯親王醫院均不收取任何額外費用，支持前線醫護人員。
【夏天麵癮起·必食越南撈檬&Pho】
香茅豬扒撈檬
人氣香茅豬扒撈檬真係消暑一流！滿滿蔬菜絲、花生碎、魚露配料，撈勻嚟食酸甜鹹鮮，清爽又有層次。
招牌生牛肉湯河
想食湯檬都得，其實酸甜香辣嘅越南Pho本身就好啱炎熱天氣，所以越南咁熱依然人人一碗Pho。
呢度大廚就依地道煮法，用上新鮮牛骨、牛腩、牛排，加埋燒得焦香嘅洋蔥同各種香料熬煮，成為全店靈魂牛肉湯底。
正宗Pho牛味濃，清爽無油膩感，夏天想食湯粉就啱晒。
峴港番茄蟹膏蝦丸扎肉湯檬
位於越南中部嘅峴港，當地Pho味道較平均，所以大部分人都會鍾意食！而呢碗Pho真係勁足料，本身湯底就有番茄、蟹膏，甜甜酸酸之餘又有香濃蟹膏，加埋彈牙蝦丸、扎肉真係好滿足。
湯底好有濃郁蟹膏味。
【價錢親民·必點小食】
人氣芝心蝦多士 金黃脆卜卜
最重要價錢親民，食Pho之餘仲可以嗌多幾款小食share～高人氣小食「芝心蝦多士」，金黃香脆多士灑滿芝麻，一咬落去已經好又脆又香；入面有滿滿芝士蝦膠，香濃得嚟又彈牙，幾重口感超正。
多士勁多芝麻好香脆！內餡爆滿芝士蝦膠。
廣寧炸春卷
春卷好似手指咁長，夠晒大件！外層脆得嚟唔會好油，用筷子戳落去仲有脆脆聲，勁療癒。餡料爆多，有豬肉、蘿蔔絲、木耳絲等，口感清爽。夏天想開胃啲，可以蘸埋魚露㗎。
春卷手指咁長好抵食。
法式蒜蓉牛油雞翼
雞翼好有牛油同蒜香，好邪惡呀～但一放上枱已經好香，忍唔住掃咗幾隻。雞皮勁鬆脆惹味，雞肉都好嫩。夏天叫杯凍飲，一啖雞翼、一啖嘢飲好正。
超脆雞翼充滿牛油同蒜香，零抵抗力呀！
*餐廳設有泊車優惠
*醫管局職員可享有折扣優惠
大越越南餐廳
地址: 沙田沙角街8-12號花園城一期地下2號舖
電話: 26993535
