【奢華享受】極罕和牛配頂級美酒 細心特設預早醒酒服務
自古以嚟,佳餚配美酒,從來都係一大享受。紅酒嘅丹寧酸同牛肉嘅胺基酸可平衡互補,更能提昇味道嘅層次。位於銅鑼灣嘅「佳牛美酒」,正正就係一個你可以拋開煩惱,靜靜地單純享受靚牛同靚酒嘅地方。餐廳提供嘅和牛,包括澳洲M9+純血和牛、日本A5和牛、美國SRF極黑和牛,全部都係嚟自世界頂級農場;而葡萄酒、日本清酒等更一應俱全,請提早預訂。

餐廳12月1日至12月16日 逢週二及週三推出限定Tasting Menu ,以更優惠價錢可以嘗到一級產品,切勿錯過。請提早預訂。

餐廳嘅中央係開放式鐵板燒枱,提供席前燒,客人望住片片燒牛肉,立時食指大動。店內另有兩間隱私度高嘅房間,適合私人聚會。

豪華享受  極尚套餐
呢度有咁多款靚牛,如果想一次過品嚐到最多牛肉款式嘅話,極尚套餐係絕佳嘅選擇,三種牛都可以食齊。

前菜拼盤+芝麻水菜沙律
前菜拼盤

芝麻水菜沙律
餐廳對待每樣食物嘅態度都係認真一致,即使前菜都絕不馬虎。按季節時令選材,例如近期就有先酸後甜嘅赤舞,醒神開胃。芝麻水菜沙律亦有驚喜,沙律菜、豆腐、麻醬配搭平衡,富有層次。

極上和牛稀有部位三款+季節時蔬
(左起) 澳洲熟成牛舌、日本牛胸腹、日本牛肩胛、日本牛橫隔膜
澳洲熟成牛舌呈嫩紅色,肉質柔軟爽口;日本牛胸腹筋膜較少,食起上嚟啖啖肉香;日本牛肩胛就好似拖羅一樣,油花甚香;而日本牛橫隔膜嘅肉味則係咁多個部位中最濃郁嘅。每日款式供應按餐廳來貨決定。澳洲和牛舌香港少有餐廳有供應,不容錯過。

炭燒澳洲和牛純血M9+西冷
牛魔王對澳洲M9和牛一定唔會陌生,就連澳洲當地人都未必有機會食到嘅靚牛,呢塊仲要係全港獨有嘅純血M9+,年產量唔多,每月都係限量供應,非常珍貴。西冷更係全牛最肥美嘅部位,脂肪雪花分佈平均,以真‧火炭爐烤製,外層脆身而內裡肉汁仍然juicy,肉香中滲有油香同炭香,富有嚼勁,難怪每位食過嘅客人都會對之念念不忘。

炭燒西冷牛筋配新鮮蔬菜
相比起西冷,牛筋更加有嚼勁,一下一下咁咬,肉汁連同炭燒香就一啖一啖咁喺口腔中爆發,令人完全陶醉喺佳牛嘅世界中。

日本A5和牛配溫泉蛋飯
接近尾聲但依然驚喜連連!薄切日本A5和牛以大火輕烤至半生熟,本嚟已經滿滿油香滑口,再錦上添花地加埋日本溫泉蛋,連同日本珍珠米一齊拌勻,一冷一熱,層次倍增。

**極尚套餐另外仲包有時令海鮮同特色甜品

午巿套餐
Lunch間中都會想食得豐富啲,呢度有多款百零二百蚊嘅午巿套餐,每個套餐都配有前菜、白蜆湯、芝麻水菜沙律同日本米飯,性價比極高。
美國SRF極黑和牛配帶子定食,一個餐可以食齊牛肉加海鮮,大滿足。

炭燒美國極黑和牛西冷定食,既有炭香亦有肉香。

名貴美酒配Zalto水晶杯
一啖香嫩多汁嘅牛肉,一啖濃郁果香嘅葡萄酒,酒不醉人人自醉啊。

酒迷注定會畀一入餐廳就見到嘅美酒櫃吸引,陳列出嚟嘅葡萄酒品牌齊全,當中又以波爾多紅酒佔量最多,最靚嘅年份例如1996、2005、2009、2010年等都有!而且更會提供奧地利頂級酒杯品牌,純手工吹製嘅Zalto水晶杯,酒杯輕身、特有設計使之更能特顯葡萄酒嘅香氣同味道。值得一提嘅係,餐廳細心地設有預訂紅酒同醒酒服務,客人可於wine1000plus網站內揀選心頭好,預訂咗嘅酒就會送到餐廳,再根據訂座時間預早醒酒,一去到就有得飲啦~

佳牛美酒
地址: 銅鑼灣銅鑼灣渣甸街66號亨環7樓
電話: 28864838
WhatsApp訂座: 52209066
* Contents are provided by the advertiser