最近大家都盡量留喺屋企，減少朋友聚會同出外用餐，盡量用少個口罩又安全啲。但如果你係「無飯家庭」又或者懶得煮飯，買外賣返屋企食就係最好嘅選擇喇。想食得健康，又唔想煮唔想洗，可以一試唐記包點嘅「家常飯餸」系列，係每日香港新鮮煮無添加味精、防腐劑嘅家常便飯，一打開就食得！
超方便！Grab & Go 買完走得
我哋作為香港人，當然明白香港人最鍾意快。由土生土長香港人創辦嘅唐記包點，煮出迎合香港人口味外，仲配合埋大家嘅速度，每日極速準備食材、新鮮煮製，門市店員Keep 住不停煲熱辣辣白飯，隨時方便你Grab & Go 買完即走即食。
每日新鮮煮 無添加味精及防腐劑
唐記堅持這個「家常飯餸」系列要做到夠住家、健康、溫馨嘅家常菜特點。系列中 6 道飯餸都係經過幾十次試味、調整配方才推出，單係咖喱雞飯、咖喱牛筋腩飯嘅咖喱汁，就用上 20 幾種香料研磨而成（如咖喱粉、黃薑、莞茜、辣椒等），所以咖喱味比坊間更香濃有層次，入口先有輕甜，再有微辣後勁，撈飯一流。
經典中嘅經典 咖喱雞飯
咖喱雞真係港式撈飯嘅經典，一個餸已可以食兩碗飯！！唐記仲特別選用黃皮雞髀肉，貪其雞味濃郁，雞肉特別嫩滑。
筋位極軟綿 咖喱牛筋腩飯
如果你鍾意食筋位嘅軟綿口感，揀牛筋腩就最啱。唐記將牛筋燜到入口即融，非常入味; 而牛腩脂肪分佈均勻，夠腍滑唔會韌。就算想自己喺屋企煮，都好難有咁多時間燜到咁夠火喉。
陪家中兩老一齊食 涼瓜排骨飯
人越大，越識欣賞涼瓜回甘味道。呢種嚟自人生閱歷嘅味道，亦提醒自己要開始珍惜家人相處時間，陪家中兩老食涼瓜都係一個選擇。特別燜煮嘅長形涼瓜甘而不苦，少食涼瓜的人都可以淺嚐幾口。肋排排骨亦經秘方香料醃製，肥瘦均勻有肉感嚼勁。
兒時的味道 薯仔雞翼飯
唔知你仲記唔記得童年時期，媽媽總係會煮薯仔燜雞翼，細個仲好鍾意用筷子篤住雞翼慢慢食。有時突然掛住呢種味道，只因回憶作祟，今晚同媽媽一齊食返呢種童年味道亦係件窩心事。
雞翼先腌製再炸香、燜煮，令雞皮香口、雞肉更嫩。
剔透啫喱狀軟骨 秘製豬軟骨飯
豬軟骨實在係心機菜，因為要慢慢燜煮先做到軟、腍、滑。筆者都唔駛著墨太多去形容，單睇相就見到豬軟骨煮到幾剔透，啫喱狀軟骨加埋超軟嫩肉質，個人覺得平時少食豬軟骨嘅人都會鍾意！！
口感有驚喜 滷肉滷蛋飯
講完 5 款港式餸菜，仲有充滿台式味道嘅滷肉飯！坊間滷肉飯都以肉碎為主，咬口欠奉仲令飯粒變得黏稠。唐記嘅滷肉飯就用咗免治肉同連皮豬腩肉整，肉碎＋腍滑腩肉食落口感豐富得多。秘製滷水汁略帶微甜，唔會「死鹹」咁單調，仲充滿膠質有美顏之效𠻹。
唐記包點
地址: 香港九龍新界
電話: 23434133