而家點心都可以食放題啦！其中一間就係將軍澳主打fusion中菜嘅「禮記」。點心款式新派又高質素，食得又睇得，最適合大家手機食先，打卡一流!
【限定點心放題】平試米芝蓮星級大廚手藝
「禮記」更邀得40年入廚經驗 及 曾任多間米芝蓮星級餐廳嘅爵哥擔任總廚，小菜點心都好精緻。趁住限定點心放題，即刻瘋狂掃食！
店內環境典雅，好有現代中菜氣氛。
以油畫、吊燈點綴，相當雅緻。
最平可以免費食！
全部點心都係師傅每日用新鮮食材製作，絕非工場製品,絕對有品質保證。「限定點心放題」期間更享優惠價—平日$288/位、星期六及日$298/位；同時2人同行1人半價、4人同行1人免費，超值價錢一嚐米芝蓮大廚手藝。
「限定點心放題」優惠加碼！
放題價錢: 平日$288/位、星期六及日$298/位 價惠加碼: 2人同行1人半價；4人同行1人免費 |
【即睇放題有咩食！】
點心放題有蒸點、腸粉、炸點、包點、小食、小菜、粉麵飯、甜品，超過30款任點任食，每位只需加$10更可享飲品任飲，CP值勁高。
放題超過30款手工點心、小菜、甜品等，任點任食。
瑰麗黑金蝦餃皇
放題點心好有驚喜，特別係蝦餃一反晶瑩剔透傳統，變成沉穩瑰麗嘅黑金色，其實係新鮮墨魚汁製成㗎。蝦餃皮好柔軟，內餡則有原隻純蝦仁、新鮮豬肉，鮮甜爽口。
黑金蝦餃好華美。
黑魚子梅頭燒賣
燒賣特別用上梅頭肉，鬆軟彈牙又有肉味；配埋日本北海道元貝、頂級黑魚子，盡顯貴氣又增加淡淡鹹香層次。
燒賣用梅頭肉，好鬆軟。
蛋煎糯米雞
唔講真係估唔到佢係糯米雞，金黃色蛋漿完美包住成隻糯米雞。每啖都好軟Q，又有滑蛋解膩，作為煙韌控一定要試呀。
煙韌控必食嘅糯米雞。
富士蘋果酥
內餡有滿滿日本富士蘋果，而灑上糖霜嘅外層酥皮，則用日本麵粉、法國牛油、雞蛋揉製而成，鬆化又有滿滿奶油香。一咬開已經聞到清爽蘋果味，食落甜而不膩， 重新定義蘋果甜點。
餡料用日本富士蘋果，甜而不膩。
懷舊鳳梨咕嚕肉
同場仲有多款手工小菜，大廚重新演繹經典咕嚕肉，以山楂、鹹梅製作醬汁。山楂帶甜解渴；鹹梅則能減輕醋酸嗆口，令咕嚕肉嘅醋酸味更有層次。
咕嚕肉用嘅豬肉都好講究，係半肥瘦新鮮豬肉，就算炸完都keep到肉汁，做到外酥內juicy效果。
放題都有小菜食！
【特別單點推介】
雖然呢幾道點心同小菜放題暫時無得食，但都好值得留肚一試呀。
招牌甜酸大海蝦脆麵
呢道凌空出現嘅脆麵，其實係大廚用獨有人手淋油方法，先做到脆麵飛天效果。脆麵下方仲有好多甜酸大蝦，拌麵一齊食勁滿足。
獨特手法做嘅凌空飛天脆麵。
三色小籠包
單單造型已經好吸睛！小籠包皮薄多汁，入口爆出濃郁湯汁，過足口癮，但食嗰陣真係要小心熱呀。好欣賞佢嘅肉餡好鮮嫩，加少少香醋嫩薑已經好惹味。
爆湯三色小籠包，造型勁吸睛。
紅菜頭松露野菌餃
好有少女心嘅粉紅色松露野菌餃，其實係紅菜頭天然色素嚟，夠晒健康。內餡有多種菌類，加上意大利黑松露醬，入口即滲出獨特菌香。
粉紅色係天然色素嚟㗎。
安格斯牛腸粉
由最基本米漿開始，已經係點心師傅親自磨製，最後將Q彈滑溜腸粉包住安格斯牛肉。入口滑嘟嘟，咬開又爆出肉汁同牛味，比一般牛肉腸粉香濃，好有驚喜。
腸粉米漿由點心師傅親自磨製。
禮記
地址: 將軍澳唐俊街23號MONTEREY Place地下G19號舖
電話: 28611226
