去尖沙咀happy hour，諾士佛臺太人多擠迫，想舒舒服服同朋友飲杯嘢，推介呢間新開嘅酒吧Helen’s海倫司小酒館！酒吧於2004年於老撾創立，在北京、上海等超過40個城市有120多間分店。香港首間分店位於厚福街食廈H8內，位於尖沙咀中心點，附近食肆林立，食完晚飯來飲酒好方便！
一入酒吧，即被全店濃厚異國風情包圍，店內有不少充滿東南亞情調的木雕、裝飾及擺設，如巨型木製雕花車輪、掛壁神鳥、神怪石像等，氣氛神秘誘人。猶如進入了另一個國度，感覺似到了東南亞熱鬧地道的小酒館般！
酒吧供應不同類型的酒類，包括多款生啤、支裝啤酒、烈酒及葡萄酒等，價錢比同區酒吧更加相宜！如支裝啤酒只售$32 起，Asahi生啤都是$55，足有3L的beer tower由$300起，酒鬼們飲多多都唔肉赤！
由專業調酒師調製的雞尾酒，則以受歡迎的經典款式為主，Old Fashioned、Red Sangria等價錢都是$68/杯。其中必點鎮店之選Helen’s，以氈酒、蝶豆花糖漿、黑櫻桃酒、茴香酒及青檸調成。調酒似一場精彩魔術表演，將幾款酒變成一杯優雅的雞尾酒。
Helen’s雞尾酒以martini glass呈上，醉人淺紫色感覺夢幻浪漫，入口香甜帶微酸，適合女生飲用，夏天飲好refreshing。
另一款每間酒吧必點的Old Fashioned，製作亦相當認真，用火槍炙燒過方糖，帶出點點焦香，再加入波本酒、苦艾酒及新鮮橙皮，微苦帶果香，味道複雜。
飲酒點可以冇小食陪襯？酒吧供應六款佐酒小吃，如香烤雞翼、黃金魷魚圈、一口炸芝士等，香口惹味，送酒一流！
Helen’s小酒館
地址：尖沙咀厚福街8號H8 3樓
電話：25265716