Chau's Dim Sum

五個人3點幾黎食點心，帶左三個老人家一齊黎試下！整體黎講，啲點心全部都熱辣辣，即叫即蒸，老人家表示滿意。但係咩都要趁熱食，食得有啲急。周師傅蝦餃$17因為得返一籠，只有兩粒。本人無食，屋企人試下。佢哋認為唔太好食！一夾就散，皮太厚，蝦細細粒，介乎鮮蝦同蝦乾中間！脆皮馬拉糕$24佢有傳統嗰款同脆皮哩款，我哋想試下新質地，所以揀左脆皮！脆皮哩款偏乾身，如果想食鬆軟嘅蛋糕，揀傳統應該會比較好！迷你蝦春卷$25真心太迷你，食唔到入面嘅餡係咩，只知咸咸哋！金銀蒜蒸排骨$25哩碟好食！上枱時，感覺新鮮熱辣之餘，排骨彈牙，易離骨！下面仲鋪左芋頭，又入味，又夠粉！XO醬炒蘿蔔糕$37小心俾上面嗰片辣椒呃左，其實唔辣㗎。聞落好香，但食落無咩XO醬味。就咁食件糕係有蘿蔔香，點埋後加嘅辣醬比較好食。乾脆叉燒包$24一上枱姨姨就話「哩個要襯熱食！」我哋都唔敢怠慢，快快手清左佢。個包比較實同厚身，老人家話應該係粉太厚，所以口感普通，包幾「痴」牙。Hae 包$26即係流心奶黃包，都係一籠兩粒。一打開，有滿滿嘅餡。奶味重，鍾意食奶會喜歡嘅！蟹子燒賣$16蟹子就係燒賣上面嘅分量咁多，哩款燒賣係豬肉餡。肉質彈牙，無岀面嘅燒賣咁油，味道ok！蟲草花蒸雞飯（套餐）$45上枱時，大家都有細細聲咁讚歎！佢唔係盅頭飯，係籠仔上，飯下面仲鋪左荷葉！飯嘅分量都幾多，五個人，每人都食到一小碗，仲可以有剩。套餐可以加一份點心，仲要免茶芥。我哋食嘅時候，已經見左四位男仕自己黎食哩個餐。點心我哋揀左菜心全走！迷李雲呑雞$23個湯有兩粒雲呑，兩片雞，加少少菜。湯清甜，雞夠滑但又唔係「林」到唔使咬，雲呑係豬肉餡。粒粒奶凍咖啡糕$16有少驚喜！咖啡味好岀色，屋企人話似齋啡，加埋少甜奶凍，剛剛好。連唔食奶嘅屋企人都係咁叉咖啡部分黎食。結：選擇唔多，但勝在新鮮岀爐。屋企人話可以再黎試其他嘢！…Read More

去開深水埗買電腦，就當然要試下地道的既野食啦，行來行去都係的街邊檔，不如食個久違了點心啦，係北河街見到一間家庭式既點心，門面都好光猛，價錢合理，難得咁耐無飲過茶，咁就去馬啦!!! 鋪頭唔算好大，但坐得都好舒服，點餐紙上都有比較多款式既點心，花多眼亂~， 不過見到其他客人都有幾枱都食緊開邊蝦蒸飯，平時大排檔食就多，將佢放埋係蒸飯上就真係未見過，想起個的蒜蓉、蝦膏的鮮味落晒的飯度，諗下都覺得正~ 之後就叫左幾個點心，有蝦餃、（細）蒜蓉蒸開邊蝦飯、XO醬炒蘿蔔糕及桂花糕。等左唔係好耐就終於上枱啦~上枱啦~ 首先試下兩粒大大蝦餃先，一個人食都已經好夠，蝦餃入面蝦肉都好多都算幾新鮮，皮都夠薄，唔錯唔錯。之後再趁熱食個XO醬炒蘿蔔糕，嘩~ 賣相雖然無咩特別，但係一入口就好有驚喜，原來超好食囉，蘿蔔糕配埋芽菜、蒜蓉加上XO醬，炒得外脆內軟，堅係回味無窮，必食推介~ 食完呢碟野都已經飽飽地，不過都敵唔到招牌蒸飯，開邊蝦雖然唔算好大隻，但係都有成4-5隻，隻隻蝦上面的蒜蓉多到呢，未食已經好香啦。 食左一隻蝦原來好鮮甜，蒸得剛剛好，唔會煮過龍，正~ 個飯呢就真係好甘香入味，蝦膏同蒜蓉入晒去個荷葉飯底，香噴噴又好食~ 呢個係值得推薦既蒸飯~食完都幾飽下，但點都要食埋個中式甜品先叫完滿~ 咁就叫多個桂花糕食啦，賣相晶瑩剔透，有好多桂花同杞子，清香既花味，食落都好清甜，口入面都唔記得剛剛先食完惹味既蒜蓉同XO醬~食完埋單大約$100，就個人而言，一個人食真係非常之飽，但都係好值得，依家好難得可以再舒舒服服咁歎茶，所以有時呢的家庭式點心鋪，真係可以搵到一點點既兒時回憶，掂啊~~~…Read More

深水埗尋寶記深水埗大把美食係人都知, 但係食得多出名的蛋牛治腸份豬潤麵豆花都會悶,今次就同男朋友諗住隨便入左一間餐廳,睇下SSP 係唔係真係一間美食天堂,呢間餐廳叫周師傅點心, 一入到去, 餐廳唔算太大, 人多可能要搭檯。燒賣, 16蚊兩粒, 我幾喜歡呢種份量, 2粒剛好唔多唔少, 即使一個人黎都唔會食唔晒。而且肥肉唔算多, 不錯。XO醬炒蘿蔔糕蘿蔔糕先用油炸一炸過, size 啱啱好一口食得晒，上高有D XO 醬同芽菜, 另外再配埋辣醬, 唯一美中不足的是有少少油。辣椒醬炒腸粉：是一道創意特色fusion 菜, 用韓式辣醬去炒腸粉, 有少少辣, 味道少少咸, 但腸粉好煙韌。籠仔蒜茸蒸開邊蝦飯：有荷葉飯放底同飯一齊蒸, D 飯粒粒分明之餘又有荷葉的香, 加埋上面的蒜香味，唔洗加豉油已經好足味。加埋鮮蝦的甜味都幾唔錯食。叉燒包:正正常常, OK雲吞雞:最特別之處係湯底用果日餐廳煲的例湯, 我地去果日係蓮藕湯, 所以日日都會唔同味。總括而言, 餐廳環境雖然不大, 但要試新野都可以去試下既~…Read More

今日放工去咗深水埗，之前返工是這附近，難得回來，原來都好多地方改變了不少，開咗好多食野的餐廳今日就黎到這間新穎點心餐廳，唔算好大，但可以讓客人坐得舒適，有電視又可以坐耐點傾下食下。服務都唔錯，老闆會同客人傾談下，又會問下客人對食物的意見！食物選擇有新穎的點心及傳統點心，又有飯腸粉等等！好多野都好吸引， 好想試！脆皮馬拉糕香脆外脆內軟，熱辣辣又香噴噴；好鬆軟又香蛋味！正喔推介必試之選蝦多士好香脆、好多粒粒黑白芝麻，唔油膩；蝦好彈牙又爽口，配上甜酸醬汁好夾好好食XO醬蘿蔔糕大大碟，熱辣辣！好香脆可口，4邊都煎得好靚；配菜有芽菜、爽脆西芹，點上辣汁更野味好食！老闆會問食唔食得辣而調節辣度迷你雲吞雞材料豐富，雲吞好多餡，有：冬菇、豬肉，雲吞皮又薄又滑，口感一流；雞肉好滑好有口感；菜芯好軟好翠綠；湯也不會咸，剛剛好籠仔咸魚肉餅飯飯同肉餅分開上，所以汁不會令飯太濕；咸魚好香、好濃味；豬肉餅軟淋有好香蒜蓉味，配飯就一流啦下次想試埋其他點心，好特別（如：咖啡糕、Hea 飽等等）…Read More

想想已經好一段時間沒有吃中式點心，今晚和女友到深水埗，地鐵一出就見到這間周師傅點心，天氣太熱不想四處走，於是入去試一試。各式傳統點心、蒸飯都有，最特別是有不少創意點心，是真材實料的從做法上創新，並非街外「得個樣」的所謂創意點心。乾脆叉燒包叉燒包外觀爆口僅微微露餡，賣相十分對辦，叉燒包焗得香脆，外層微甜，內裡仍鬆軟，餡料汁豐味美，叉燒香濃可口。Hea包其實是流心奶黃包，外表有趣，包皮蒸熟後軟滑剛好有嚼勁，而奶黃蛋黃味香濃，非一般工場式點心可比較。醬王蒸鳳爪鳳爪炆得軟腍入味，醬香濃郁，盡吸醬汁的精華。XO醬炒蘿蔔糕蘿蔔糕事前先裹上粉炸得酥脆，再以XO醬爆炒，香氣誘人，辣而不嗆，十分惹味。迷你雲吞雞少見的點心，兩粒雲吞餡料紮實，雞肉嫩滑，湯底鮮甜清爽，可以中和一下其他濃味的點心。蟲草花蒸雞飯份量大得有點驚人，足足有一整個蒸蘢的大小，米飯蒸得粒粒分明，配以滑雞、蟲草花和木耳，加入少許豉油，令人一口又一口。脆皮馬拉糕最後以另一款創意點心作結，馬拉糕外層香脆，帶有微微的焦香甜味，內裡鬆軟棉密，十分有驚喜。…Read More

有段時間經常跟妹妹到深水埗買布料及走訪不同布行，對深水埗都頗為熟悉。一段時間沒有再去，知道會再訪時，特意於前一晚搜尋一下會否有特色餐廳新開張可以一試。見網上不少人說這間周師傅點心不錯，好像是剛轉手了，主打特色點心，決定一於去試一試。地點十分易找，但滿懷期望的去，一進店就被店員黑面。一人打理樓面，明白會忙碌，但店員的態度也未免太過沒有禮貌。說話沒有尾音，而且說話語氣好像不想提供服務。是剛被食客惹怒？真的不知道前因後果，但第一個感覺實在令人失望😞到後期店員的態度有所改善，主動提及某些點心要盡快食用。可能真是受了氣，當時十分氣憤吧！牆上貼滿餐廳推介的菜式，部分在平日的點心店難以找到。位於深水埗區，價錢也就不會很貴，可以放心在餐紙上點上想吃的食物。這夜點了數樣點心，茗茶每人$5，有普洱，鐵觀音及香片可選，價錢實惠。乾脆叉燒包（$22）草根佶計廚師👨🏻‍🍳將叉燒放於焗爐中焗過，造成外面乾身脆囗的質感，外皮金黃色，中間不會太乾，叉燒餡料味道不錯，算是有點新意的點心。脆皮馬拉糕（$23）同樣把馬拉糕🥧給焗過，造成外脆內軟的口感，感覺比平日的馬拉糕實淨，不及平日的鬆軟，不過這正是做法上不同的結果，有點像蛋糕仔的口感，味道上不會太甜，一客分到6件，十分抵食。感覺不會是很驚喜，但新意取勝。Hea包（$23）Hea包其實係流心奶黃包，上面印有可愛的蛋黃哥圖案❤️。一撕開包身，奶黃馬上流出來，流心程度令人滿意😍，不過味道是偏甜的奶黃餡，如果換上鹹蛋味的奶黃餡相信會更好吃。粒粒奶凍咖啡糕（$16）凍咖啡糕一客3件，咖啡糕中加入奶凍粒🥛，一方面有濃郁咖啡味☕，加上奶凍部分令味道不會過於苦澀，味道不錯👍🏻。XO醬炒蘿蔔糕（$34）另外，草根姐妹👭點了一個屬於酒樓經典小炒系列的「XO醬炒蘿蔔糕」，帶辣的XO醬🔥味道夠惹味，令人特別開胃。份量上不少，但口感上稍為削了點，令人有少失望🙍🏻。另外如果蘿蔔糕內可加上更多臘味做配料，味道應該會更豐富。平均大概50-70一個人，價錢十分抵食！加上點心方面有特色，味道還算不錯👍🏻。就是愛到深水埗這些舊區尋覓一下這些特色小店，價錢不貴又有驚喜，這間也是值得一試呀！…Read More

同朋友買完相機配件，唔想食飯咁飽滯就跟佢一齊掃下街。發現左呢間新潮嘅點心店。就同朋友入去嘆返個一盅兩件下午茶。鐵觀音茶：估唔到呢度係一盅盅茶咁送上，可以無限ＲＥＦＩＬ。第一轉茶味唔出，等飲到第二三轉就啱啱好了。HEA包： 以梳乎蛋造型而製嘅流心奶皇包，流心程度雖然唔算太勁爆，但都ＯＫ有黃油，蒸包都夠軟熟加上奶皇餡甜中帶咸蛋香，味道幾好。XO醬炒蘿蔔糕：蘿蔔糕做成啱啱好一口大小，有口感之餘唔會咁容易吸油，所以食落夠乾身。配上ＸＯ醬嘅咸辣味道再加啲豆芽菜嘅爽脆，作功將一道早點食物變成一道小菜。辣椒醬炒腸粉：腸粉好煙韌，味道偏辣左少少同有啲咸。上枱時以為佢係韓式炒年糕，但食落係港式風味，都係適合加返少少海鮮醬同麻醬做返腸粉個味道最好。焗馬拉糕：顏色上比平時見開嘅為淺，味道都差唔多但蛋香味更濃。因為係焗製而成，表面多左層焦脆口感。輕盈質感如果閉眼食，會覺得佢似雞蛋糕多過馬拉糕。粒粒咖啡奶凍：幾鐘意呢個奶凍，一黎咖啡味夠濃香二黎質感較硬身，用筷子夾住黎食都無問題。加上黑白造型夠刹食，睇得又食得。籠仔蒜茸蒸開邊蝦飯：蒜香味好正，尤其係鐘意佢預先調好左個飯，唔加醬油已經好夠蒜香及荷葉香味。加上飯粒煙韌混雜鮮蝦嘅鮮甜味真係幾好食。點心黎講真係唔錯而且夠有創意，將舊款重新改頭換面，為食客帶黎新鮮感。加上呢度環境其實好靜，雖然出面就係鴨療街但顧客一入到黎就自動將音量收細，慢慢享受到嘆返一盅兩件嘅寫意。…Read More

本人身為一名資深的深水埗街坊，絕對可以稱得上食盡深水埗美食，但竟然都畀我睇漏眼😂😂miss咗一間咁創新的點心店，點心店叫“周師傅點心”。點解我會咁講，因為間點心店近在咫尺，可惜被路邊的綠色鐵屋遮擋住視線，根本看不到。幸好有位深水埗街坊帶路，才得知原來北河街有間開業近半年多，仲獲得openrice 優質點心店獎項， 今次真係老貓燒鬚。🤣🤣🤣好啦~😁事不宜遲😉分享食物先😏韓式辣醬炒腸粉＄33港式腸粉配上自家製調味韓式辣醬甜中帶微辣，辣度連小朋友都食到，腸粉好滑，將年榚轉用腸粉，就唔似得傳統韓式炒年糕咁飽飽滯滯，食多幾款點心都得啦～XO醬炒蘿蔔糕🥕$33蘿蔔糕切到粒粒大細相若，炸到外脆內軟，而且一點油膩感都冇仲好乾身。芽菜很香口，蘿蔔糕表面帶點 XO醬及椒鹽味，唔辣仲好惹味😚😚，好食到唔停得口。😁😁周師傅蝦餃🦐$16蝦餃皮唔算薄，一口一啖，食得出鮮蝦爽脆，是即叫即蒸的新鮮點心😌😌。粒粒奶凍咖啡🍮$15奶凍外表非常trendy, 深咖襯奶白。入口先帶點濃厚苦澀咖啡味，之後慢慢由奶白色部分融入口腔內， 中和苦澀味後變得甜中帶甘香。🤔究竟似咩呢？我同深水埗街坊都覺得似旺旺咖啡奶凍，我哋一路食一路想起零食，哈哈🤣🤣 重點推介🎉🎉 H” n “M”船 $35個人喜歡“H” n “M”船, 其實係煙燻火腿芝多士, 以西式嘅材料製作，一反點心店傳統，三文治咬下去有拉絲效果，絕非油炸!! 以非油炸方式烘成，健康可口，外脆卜卜，內裏保持柔軟，一次過可享受雙重口感😋😋。最令我哋驚喜就係墊底鱈魚絲，經烤焗後變得非常脆口，將原來的軟身難咬開的鱈魚絲大改革，很有心思❤❤❤❤值得再來捧場。😆😆點心店雖然沒有華麗裝修，佈置相當普通簡陋，但我哋只吃美食不是吃裝修，食到好西才是最大重點。🤣🤣而且周師傅在廚房裡默默耕耘用心製作， 睇得出佢對點心同食物嘅一份熱誠，相當難得。我下次會仲想食蒜蓉蒸開邊蝦飯，因為見到對面食客食得好 滋味，蒜蓉香味我座係隔離枱都聞到。😁😁…Read More

平時飲茶都係同父母係假期早上飲，去嘅茶樓都係屋邨或者附近商場嘅酒樓，甚少去一啲專食點心嘅餐廳。今次一試就試啲再特別啲嘅，有fusion成份嘅點心店～位置方便好近深水埗地鐵站，要小心俾外面嘅檔口遮住miss咗門口。下午茶時分去到，已經有幾枱顧客食緊，有時常飲茶嘅年長一輩，亦有我呢一輩嘅後生仔非油炸脆脆蝦多士呢個係其中一個有掛圖片係牆嘅點心，咬落唔會成口油，外脆內軟，蝦肉部分唔孤寒，每一個位都舖咗蝦肉👍🏿 蟹子燒賣（2個）兩粒都比平時大粒咗多肉咗，外面層皮夠哂薄，咬落唔會太乾身有肉汁👍🏿蒜蓉蒸開蝦邊飯分量足夠，差不多有10幾隻蝦，上面鋪滿晒蒜蓉，啲飯食落充滿蝦嘅鮮味，自己鍾意再加啲豉油會令到個味道更出更好味！韓式辣醬炒腸粉第一次食呢啲fusion菜，出到嚟個效果又幾好，平時食炒腸粉係用甜醬，而韓式辣醬就同甜醬效果類似得來加埋辣嘅效果，味道更豐富！XO醬炒蘿蔔糕呢個最讚！外面真係煎得好脆好香，入面個糕唔會太硬太實，仲有啲蘿蔔粒增加口感，每一粒嘅size啱啱好一次過放入口百里香小籠包小籠包嘅餡好足料，雖然細細粒，但成舊都係肉，無乜空氣，啲肉咬落有汁唔會好乾身一碟點心都係十幾至三十幾蚊，價錢相宜，份量唔細，兩個人或者一班人嚟食都可以…Read More