Fung Lum

楓林小館係一間主打傳統粵菜同精緻點心嘅餐廳，裝修以木系同地氈設計為主，帶出簡約又溫暖嘅氛圍，唔似一般高檔中菜館嗰種過於正式嘅冷漠感。餐廳雖然地方唔算大，但整體環境舒適，服務員亦非常細心，無論係推介菜式定解答問題都好有耐性，令人感受到一份誠意。以下係我們試過嘅菜品簡評：.百花蜂巢🐝炸得金黃酥脆，內餡係鮮甜彈牙嘅蝦膠，搭配炸米通作底，整體口感層次豐富。呢道菜作為開場非常驚喜，適合同朋友分食。.香茜叉燒腸粉 🌿腸粉皮夠薄滑，搭配香茜嘅清新味同叉燒嘅鹹甜，配埋醬油調味，簡單卻有層次感，係懷舊點心中嘅穩定之選。.鮑汁鳳爪 🐔鳳爪炆得入味，鮑汁嘅濃郁味道滲入其中，花生亦煮得軟糯。口感軟滑，啖啖濃香而且好有骨膠原感覺，成為每枱必點嘅經典之一。.XO醬炒腸粉 XO醬嘅鹹香提升咗整體風味，腸粉外層煎得微微焦香但唔會過硬，配埋脆口嘅豆芽，味道平衡得宜，係一款非常香口嘅小炒菜。.香煎蘿蔔糕 🍠外層煎得微焦，帶輕微嘅脆感，內裡係煙韌柔軟嘅口感。加入蘿蔔絲提升層次，整體鹹香適中，配少少辣椒醬更出色。.蟹籽黃燒賣 🦀燒賣嘅餡料鮮嫩多汁，豬肉同蝦仁比例恰到好處，頂層嘅蟹籽唔單止點綴得靚，更增添咗鹹鮮味，係懷舊點心嘅好選擇。.杞子桂花糕 🌸清甜嘅杞子同淡雅嘅桂花香融為一體，啫喱質地軟滑有彈性，而且食落好冰涼清爽，作為最後嘅甜品係十分清新、解膩嘅選擇。.蘋果叉燒酥 🍎酥皮鬆化不膩好有雞蛋香味，內餡以叉燒同蘋果混合製成，甜中帶少少酸，不過蘋果味有少少淡，可以再加強，但整體創意同味道兼備。.醬皇金錢肚 🐮牛肚炆得軟腍入味，醬汁鹹香濃郁但唔會太膩，每啖都帶有香辣嘅後韻，非常適合作為佐餐小菜。.白灼時菜 🥬白灼嘅做法突出咗菜嘅鮮甜味，配埋簡單嘅醬油調味，清淡又健康，食落非常爽口，係一款百搭嘅配菜。.總結 🌟楓林小館以細膩嘅點心製作同用心嘅服務俘虜咗我哋嘅味蕾。每一道菜都能夠見到廚師用心調配食材，無論係經典點心定創新甜品，都有驚喜，令整個用餐過程更加愉快。價錢方面屬中等，不算太平亦不會太貴。呢度非常適合同事聚餐或者朋友吹水聚會，加上溫暖嘅環境，絕對係一個值得一試嘅中菜選擇！.#香港好去處 #楓林小館 #HKTaster #foodiehk #travelhk …Read More

雖然現代飲食潮流盛行抽離傳統、講求時代元素，但經典懷舊菜式一樣可以歷久常新不沉悶！ 例如曾在大圍經營超過半世紀的楓林小館，本已在三年前結業，卻又在銅鑼灣復活起來，繼續供應名鎮多年的菜式，例如紅燒石歧乳鴨、椒鹽大蝦、荔芋香酥鴨等，全部是香惹鑊氣菜；同時加入廣東點心及四川口味的新菜，慕求新舊客人皆滿意。周末正是親親家人的時候，我帶著父親及家人到楓林懷舊，舖位入口在地下，飯店其實在一樓，需要走上長樓梯，幸好長者勿慌，因為可從旁邊的住宅大樓入口往電梯，按一樓便到。支客早以通知服務員，我們到達層樓之時，殷勤接待，全無走後門的感覺。飯店裝潢傳統，有理由相信，刻意保持大圍原貌。家人非常欣賞這幅乾隆的字畫，實在寫得好看，可見全盛時期清朝皇帝的修為。中午吃飯，點心、小菜及主食各一些。招牌紅燒乳鴿 $78*2送到面前，香氣撲鼻，滷水、肉香、加上色澤、完全香惹的誘惑。據說選材18-20日的中山石岐乳鴿，先以花椒、八角、香草製成滷水膽，浸泡乳鴿30分鐘，再以麥芽糖、浙醋同酒為乳鴿上色，再吊起風乾2個鐘，客人落單時方才逐隻吊炸，傳統做法不偷工，回味消失中的味道！一分為四，每隻乳鴿的火喉皆控制得剛好，碰上手，熱辣非常，鴿皮好香好薄，內裡肉質嫩滑汁豐，連骨都香，慢慢吮出滋味，我們鴿頭也不放過啊！黃金炸魚皮 $42由新加坡帶來的熱潮，近排大家興起食黃金炸魚皮，楓林也推出此新菜，新鮮自家製自然更香惹，咸蛋味十足，大大片魚皮相比更豪邁，即造的、相比包裝質素毫無疑問更出色，之不過香脆度方面，不及乾貨如薯片般口感好。蝦仁燒賣皇 $49/22至4人可以選擇半價點心一款，隨意挑了燒賣皇，想不到蝦仁頗鮮而且大隻，唔會只得個爽，喜出望外！上素蒸粉果 $32楓林的點心相比其他酒家有份量，味道材料皆不俗，老師傳功架，與連鎖店酒家中央製作的出品，一吃便能分曉。XO醬炒腸粉 $49惹味香滑，XO醬有點辣度，炒至恰到好處，唔乾亦不濕。野菌炆豆腐 $68濃郁的醬油，餵飽野菌及豆腐，味道豐富，調味平衡。海鮮蝦湯泡脆米 $148海鮮湯清鮮味美，少少鹹味，配飯剛好。海鮮蝦湯內已有一些泡飯，最後才加上炸米，吃法突出脆嫩對比。沒有期望的爆炸效果，因為有些食肆，把脆米倒進魚湯時會發出炸炸聲，可能大家做法一樣！綠豆沙免費奉送的綠豆沙，甜度適中，煲至起沙，口感很好。服務方面，尤其值得稱讚，態度非常友善殷勤，少有獲得賓至如歸之感，這亦是消失中的服務態度。老師傅功架，價格合理，性價比高，走遠一步亦無妨。平均分數：3.5/5…Read More

同事知道老字楓林小館號係銅鑼灣重開之後就即刻話要去重溫一下當年的味道！餐廳的裝修很典雅，不會過於華麗但卻有陣陣的沈實的氣質。服務的店員也是非常有禮。我地叫左林小館很有名的紅燒乳鴿，XO醬炒腸粉，楓林蝦餃皇和豉油皇銀芽炒麵。紅燒乳鴿：乳鴿體態結實，黃金色的外皮脆而不油，肉質亦很幼滑！！！點上淮鹽和醬汁更是惹味。楓林蝦餃皇：蝦餃外皮很薄，而且晶瑩透亮！内餡的蝦仁很大粒，鮮味十足。XO醬炒腸粉：Xo醬有少少辣辣地但好香口，腸粉非常滑溜！加上火喉足夠，所以炒得特別惹味。銀芽炒麵：炒麵夠乾身，而且不會感覺到很油膩！同事們都很喜歡。…Read More

正所謂百日偷生一日閒☺️🤤難得有個空閒既Blue Monday😆適逢有朋友介紹呢間精緻裝潢既酒樓下午茶幾抵食😆還掂近近地一於同隻豬黎撐下枱腳飲下茶啦☺️👫🍴位於銅鑼灣謝斐道既楓林小館🌿🍵雖然距離地鐵站比較遠🙇🏻‍♂️🚇喺銅鑼灣站C出口行過黎亦算就腳的😆呢度精緻既環境裝修😆周圍都散發著古色古香既風味☺️以中國百家姓既木雕刻背景牆更是甚有特式😆精緻既裝修環境亦配合著高質素既中菜點心食材😋🍴楓林燒賣皇大大粒既燒賣配合半肥瘦豬肉既鮮蝦蒸煮😆🦐🐷肉質夠彈性食落好咬口之餘🤤燒賣豬肉餡同樣肉質鮮嫩Juicy😆😋配合原隻鮮蝦及蟹籽更帶出所在鮮味🤤XO醬炒腸粉嫩滑口感既腸粉🤤配合濃郁XO醬香以及銀芽蔥段拌炒更具風味😆🦐脆香牛油白飯魚白飯魚喺炸之前微微搽上牛油再酥炸🤤炸至金黃酥脆既白飯魚更帶出啖啖牛油香🤤🐟邪惡又叫好😈鳳爪排骨飯配白酌時蔬呢個係飲茶醫肚必點既盅飯🤤經醃製既半肥瘦排骨肉及鳳爪🤤經過慢火細蒸其肉汁完全滲透至飯裡🤤🍚每一啖飯都啖啖肉香😋雖然價錢稍為偏貴🙇🏻‍♂️但味道仍不錯吃的😋…Read More

有66年歷史楓林小館，是著名的老牌酒樓，在銅鑼灣重開。酒家走中高價路線，點心食物質素高。XO醬炒腸粉 $49腸粉每一層都十分薄，表皮炒至金黃色，XO醬調味令腸粉帶有一點點辣味。楓林蝦餃皇 $49一籠三隻蝦餃，皮夠薄，蝦夠大粒。蝦仁燒賣皇 $49不同於其他酒樓的魚肉燒賣，呢到用上蝦仁整成。豉汁蒸鳳爪 $36 （午市優惠$18）豉汁帶有甜味及少許辣味，鳳爪吸收所有醬汁，下面是豆卜。松露素鵝 $59粉皮包著菇菌及黑松露醬炸成，沒有油膩感，剛炸起十分脆口。免費贈送的喳喳糖水雖然是免費，但非常多料，加上不太甜。…Read More

今日同朋友黎飲茶食點心，這間在銅鑼灣灣仔附近的小館在地下見有優惠半價點心，就來嘆一下。這裡的服務好好，服務們都好有禮貌，好細心介紹一些出名菜色點心，更主動添茶及換碟子星期一至五中午有優惠，因應客人人數提供半價點心！環境好舒適乾淨，用的餐具都好中式好別緻又清潔，地方都幾大，以中式設計風格，好型！先來了熱茶，我們點了香片，茶好清香撲鼻！1. 蝦仁燒賣皇爽口大蝦圓粒的燒賣上，燒賣好彈牙豬肉又香滑、賣相好靚又好味，必點推介！2. 虎皮釀尖椒尖椒好爽脆好翠綠釀上滿滿魚肉，煎得剛剛好，唔會好油膩，好野味！3. 椒鹽海中蝦(半份）香脆野味的新鮮海中蝦、有蝦膏在中央好香濃、大大隻又脆卜卜又熱辣辣、爽口美味、必點之選！4. XO醬炒腸粉配上爽口芽菜，腸粉炒得唔油、入味香口又上色！5. 黑芝麻卷6卷小小軟軟又有口感的香濃黑芝麻卷，上面有白芝麻點綴、更香口更濃郁芝麻感！…Read More