自從新年復工之後，我幾乎每一日都要OT，日日都好大壓力🥲，真係唯有放工去食返啲好嘢，叫做搵返生活中的小確幸🥹 之前已經bookmark定呢間餐廳，因為見佢個炸魚薯條真係超級大條，想試吓味道如何😜 我當日大概8:30左右到餐廳，除咗我哋之外，只有另外兩台客。其實餐廳環境唔錯，啲裝修都幾雅致、幾有英國風，而且聲稱所有食材都係英國空運到港，有啲唔明點解得咁少客人🤔Signature cod (12oz) + chips ($198)佢有得揀6oz 定係12oz既炸魚，不過佢哋價錢只係相差$50，但係份量爭一倍，所以我都係建議叫大份😆 個炸魚真係超級大條，基本上有我既前臂咁長，真係超誇張。不過我有個英國朋友同我講，當地既fish and chips真係有咁大條🤪 跟餐本身已經配咗牛肉醬，不過我個人覺得同個炸魚薯條唔太夾，我都係鍾意點茄汁多啲😆 炸魚外皮簿得黎又幾挺身，食落脆口。而魚肉份量好多，雖然說不上好嫩滑，但有魚味得黎又唔會腥。而薯條🍟係粗身既薯條，攤咗一陣都唔會好快變淋👍🏻Beef + onion ($78)本身冇打算叫批，但係店員好熱情咁推薦呢個Beef and onion，我就即管試吓啦。點知有幾有驚喜喎。用刀切落去就發現佢個外皮幾酥脆，即使入邊有肉醬都唔會淋咗。而內餡入邊嘅牛肉同洋蔥嘅味道好夾，推薦👍🏻Asahi pint ($58)食Fish and Chips又點可以冇啤酒？🤪 於是我叫咗杯Asahi 黎啤啤佢😆 相信有飲過呢款啤酒嘅朋友都知佢既苦味冇咁重，容易入口，所以我差唔多飲晒成杯🤭 (醉)Guinness pint ($88)男朋友叫咗呢杯黑啤，佢話飲落冇咁易肥喎😆 同我個杯對比，呢杯的確冇咁甜，而且麥味重啲🤏🏻…查看更多
門面寫住"GOD SAVE THE QUEEN"同埋"IN GOD WE TRUST"，而且店鋪內嘅裝飾都好有英倫特色，更加加強英倫風，好似置身英國一樣。
Guinness Pint ($75)我作為黑啤嘅忠實fans，梗是要幫襯下啦，即叫即斟，黑啤夠晒凍又夠順滑，好正﹗
