YAKINIKU GREAT SOHO

呢間餐廳好有格調，全黑裝修，長吧枱，每人響木質枱度有一個燒烤位。望見廚師為你請選優質食材，為你用心烹調，唔會糟蹋咗啲和牛，都算係一種享受。Shakushi廚師話將豉油加埋蛋白拌打，再將質料雪凍切粒，加埋新磨山葵，放上剛燒好嘅和牛薄片上，和牛片充滿咗雪花油脂，配埋響上面啱啱溶化嘅調味粒，成都菜入口即溶，好正。Cheteaubriand係一隻牛最中心嘅位置，最高級嘅部份，每隻牛得少少，好稀有。舊肉好厚，油脂分佈均勻。廚師將舊肉燒好後，再用錫紙焗一焗，跟手再煮埋蒜蓉牛油汁，之後再烤一次舊肉，放入醬汁裏面煮。大約煮到五成熟，將佢放入珍珠米度，再放入好多海膽，再淋上牛油蒜蓉汁。呢度牛肉海膽飯，簡直將味蕾層次提升，好食到震。素麵我素麵彈牙到你估唔到，配埋薑蓉、昆布、同蝦食，好驚喜。…Read More

三年悠長假期, 初嚐廚師發板, 期間試過唔少鮨店. 幾個月前, 暑期工 “神路” 推介食 “牛” 嘅廚師發板! “神路” 識威識食識使錢, 我梗係即刻上 “開飯嘞” 做下功課, 睇下乜料. Yakiniku 主攻牛嘅稀有部位, 即場幫你燒埋, 望落幾有趣, 決定一試.🍽 餐廳環境幽暗, 設一張L型吧枱, 大約20個座位, 另外四張私隱度高嘅四人方枱. 今日點咗 Omakase Kiwami (極), $980+10%, 包括九款肉類料理, 兩款蔬菜.🍣  牛肉他他壽司, 配甜蝦. 生牛肉本身應該係冇味嘅, 口感似吞拿魚茸, 自己加豉油, 幾得意, 可惜紫菜唔夠脆.🐂 Shakushi (杓口). 燒單面, 7秒, 配泡沫豉油 (黃色方粒), 牛肉同埋豉油粒係口裏面慢慢溶化, 有趣喎!🐂 Umawi. 五成熟, 肉身較腍, 點七味粉, 正!🍀 甜番薯, 鹿兒島. 配牛油, 正常.🐂 Misuji (三筋). 燒兩面, 各3秒, 油脂分佈平均,  點自家秘製醬油, 入口即溶, 一流! 聽講係最受歡迎嘅部位. 🐂 Dai-Sankaku (大三角). 口感幾似Misuji, 唔錯!🐖 豬腩肉, 熊本縣. 我以為全部都係牛, 原來有一件豬. 燒嘅時候灑咗浸住昆布嘅清酒. 配甜辣醬, 大菜醬. 有少少似韓式烤肉, 正!🍄 菇. 配岩鹽, 正常發揮.🐂 西京燒. 用西京麵豉醬漬咗3日. 牛嘅位置係Misuji 及 Dai-Sankaku 中間, 燒7秒. 口感略為肥膩, 好食.🐂 Misuji Briand (Center of Uwami). 配蘿蔔蓉, 土佐醋. 脂肪較少, 肉味濃郁, 出色!🐂 Tougarashi. 配鰹魚高湯加柚子汁. 湯夠熱, 好味, 可以降低牛嘅肥膩感.🐂 Uni Briand. 即係海膽牛肉飯. 牛肉位置係Chateaubriand. 牛, 海膽, 和飯嘅配合不俗. 今日海膽質素一般.🍻 點咗兩款清酒, “勝山献 純米吟釀” 及 “庭之鶯 純米大吟釀” 各一合. 我覺得甜身嘅酒配牛肉比較適合.🍨 甜品: 雪糕. Ok.🤗 總結: 晚市做兩輪, 用餐節奏略為急促. 服務員負責烤肉, 調味, 又耐心解釋牛嘅部位同埋烹調方法, 十分讚, 整體服務滿意. 我唔係牛肉專家, 食到後期, 唔同位置嘅牛味開始糢糊, 雖然好食, 難有驚喜. “牛” 嘅廚師發板非常有趣, 值得一試.…Read More

將總結寫喺第一句，Yakiniku Great真係一試難忘，值得再去。壽司嘅Omakase 就成日見，但係真係第一次食燒肉嘅Omakase！店鋪除咗會精選是日最正嘅部位之外，仲會一邊講解幫我哋燒埋，咁就唔使怕自己糟蹋咗舊和牛😋我亦到好享受知道自己食緊隻牛邊一part 再感受佢哋分別嘅嗰種感覺～今次叫咗最貴嘅"OMAKASE GREAT"前菜“和牛他他“配咗一塊法包，就咁食，同配法包食兩種食法都好正。8個cut之中，我個人印象最深嘅分別係Misuji, Tougarashi 同最後嘅ChateaubriandMisuji,入口開始融化但係又有咬落去依然係非常有質感。唔似有時食d和牛太肥，剩係食到食口油，都冇肉味。好正😋Tougarashi, 半熟嘅和牛加上木魚高湯，一濃一淡相輔相承，食到尾段來一道解膩的，非常合適～Chateaubriand, 呢個真係大開眼界，可以話係成晚入面最畫龍點晴嘅一個cut!一開始見到咁厚切嘅肉，你係真係唔會估到佢入口係可以咁柔軟，所以纖維同油脂都毫無抵抗咁接受咗命運。最過份嘅係，咁正嘅牛肉，佢仲加埋北海道海膽同Yakiniku Great嘅特製醬汁。佢地每一樣野分開都已經係一番美味，合埋一齊食意外地又唔會互搶風頭。最後一道明明已經飽飽地，但係個胃係自動製造咗空位俾個飯。真係好正。6分鐘的等待係非常值得。最後仲想提一提佢個素麵。素麵係基本食材，本身都唔expect會有d咩驚喜。但係佢呢個素麵嘅彈牙程度真係令我嚇咗一跳咁彈。彈到我對素麵又有咗新嘅認知。真心好正嘅用餐體驗！！Yakiniku GREAT!!!!!…Read More

高質和牛omakase😍平時omakase就食得多啦 今次試下和牛版嘅🙈坐起bar枱睇住師傅幫我地燒 正呀！今次嗌嘅係 Omakase Kiwami $880共有七款肉 限定10 set喳😛馬上介紹下嚕🥩 Negitoro Sushi第一道係Negitoro壽司 用紫菜包住壽司飯同和牛茸感覺好似食緊吞拿魚茸壽司甘 牛肉脂肪肥美🤤加埋洋蔥、蔥粒 成件食 好味喔🥩 Shakushi🥩 Misuji第二道一齊上嘅有shakushi & misujiShakushi 比較肥啲 見到脂肪分布比較多每邊燒3秒呢就可以食得㗎啦加埋bubble soy sauce 同即磨Wasabi減低左油膩感 不過依然非常邪惡啊！而misuji 就厚切嘅 燒得好淋呀 牛肉味較重 起口腔裏久久不散💓🥩 Misuji 薄片🥩 Daisankaku第三道就係misuji同daisankaku今次嘅misuji係薄片入口即溶Daisankaku就係赤身肉 油花無甘多勝在牛肉味重🥩 Sirloin第四道係厚切西冷 有厚度 牛味又重燒得半生熟 一咬肉汁唧唒岀黎啦☺️🥩 Kuri呢款kuri係配湯食嘅 木魚湯幫手清清味蕾🥩 Chateaubriand最後呢道Chateaubriand 係西冷裏面最中心最高級嘅部份 一隻牛得少少架喳!師傅幫手燒好後 就用錫紙包住焗一焗之後再放埋新鮮嘅北海道海膽加埋煮牛肉嘅醬汁 你碗飯真係超級好食呀💓🍽 YAKINIKU GREAT SOHO🔎 中環砵甸乍街45號The Steps ‧ H Code 1樓…Read More

生活每天也有大大小小值得感恩的事，今天感恩，發掘到一間高質有品味的和牛燒肉店。和牛Omakase，顧名思義就是讓廚師為你精挑細選今天最優質上乘的肉。每道菜都是驚喜。我與同行牛魔王點了包括了七款牛肉部的「極」$880套餐。這裡的貼心之處是店員會為你燒烤，可以坐定定與朋友邊聊天邊吃。但如果你想自己享受燒烤樂趣的話，將桌上牌子反過來”No, Thank you”這邊就可以了。‧第1道‧Negitoro Sushi首先上陣的是生牛肉他他壽司，生牛肉味道與吞拿魚蓉相似，肉的黏性較高、質感較為實在。以手握著紫菜便可以吃了。師傅於每次燒肉前均會以牛油脂來塗抹鐵板。‧第2.1道‧Shakushi薄切拌以鮮磨山葵和Bubble soy sauce，這是店家自製的「份子」調味，將醬油加入蛋白發打，再冰鎮後切成粒狀。放到牛肉上以牛的熱力將它熔化，這樣味道調較得精準，而且很特別。滿佈雪花油脂的牛肉入口即化。‧第2.2道‧Misuji骰子切的口感較豐富，完全不會韌，我喜歡這種帶點嚼徑而又不用與它「角力」的肉。鬆化程度剛剛好，加入七味粉辣辣的很惹味。這裡的牛肉方了M->Marbled和L->Lean兩款，方便客人選擇。因有人喜歡豐腴油脂的；有人喜歡肉味濃的。這套餐可讓你試試兩者的皇者。‧第3道‧Misuji – Marble系列的number 1兩者放在一起分別就很明顯了，前方的Misuji明顯比較白，因油花多。‧第4道‧Daisankaku – Lean系列的number 1這是後方的Daisankaku，配以店家秘方燒汁來吃，兩者我比較喜歡Daisankaku，這樣對比的方法讓我找到我喜歡的類型了~‧第5道‧Thick Sirloin這肉味是越吃越重的，和牛西冷顛覆了我對「西冷」的認知，平時我不愛吃西冷因嫌它很多「渣」，但這塊西冷是入.口.即.化.的！配以土佐醋吃，讓味道更多變化。‧第6道‧KuriKuri燒好後放到湯中吃，可以連湯一氣喝掉。讓食客於品嚐多道牛肉後過場一下。‧第7道‧Chateaubriand這是整頭牛最最最中心的位置，每頭牛只能出3-4塊這區域的肉，非常矜貴。師傅先將牛肉烤好，隨後放到錫紙內做Resting，同步烹煮蒜蓉牛油汁。待牛肉Resting完畢後，再烤一次，切開，放到醬汁內煮。煮至五成熟後放到香噴噴的珍珠米上，豪邁的撥入海膽，再淋上蒜蓉牛油汁。這又香又軟熟的牛肉海膽飯簡直是極緻享受。品味到生活了~這款White Ale充滿花果香味，是比較溫和的啤酒，適合女士飲用，清新的味道又不會搶去和牛風頭。能有福享受，偶爾放縱一下，便是最值得感恩的事。店外滿滿的明星簽名，認得這些簽名屬於誰嗎？有伴著我成長的阿Sa和阿嬌；張智霖和靚靚；JW；伊健與Yoyo等等。粒粒巨星阿~…Read More