Q1

我同細妹一向好鍾意東南亞風味，今次聽聞天后有間越式傳統餐廳，就決定搵一晚嚟試吓有幾滋味。餐廳位置唔算係人流多嘅地方，但係正所謂地上執到寶，問天問地攞唔到，根據過去幾年覓食經驗，隱世餐廳通常先至有水準😎行到身水身汗，首先叫咗杯涼浸浸嘅牛油果沙冰！飲落有驚喜，牛油果好香甜，沙冰打到好幼滑，幾乎飲唔出係冰，每啖都係牛油果肉😍😍，$30仲平過自己買牛油果🥑認真抵飲，抵過starbucks😆食越南野少不了越式法包，配料有腩肉、扎肉、肉鬆、青瓜、酸菜、芫荽、蔥、肝醬，始終係經典味道🤩成個法包烤焗過，外皮好鬆脆，厚度適中，令到麵包同配料比例得宜！$65以一碗麵嘅價錢來講唔算平，但係分量足夠兩個人分享。上面有大大塊魚肚，吸收晒上湯好好食。自家製拉麵果然係唔同啲，質地好滑，好有煙韌嘅口感。我斑斕蛋糕食得多，但斑斕綠豆糕真係第一次食，冇估到口感咁豐富，兩層滑嘟嘟又煙韌嘅糯米層中間有綠豆蓉夾心，未放入口已經聞到陣陣椰奶香味，仲有綠豆蓉嘅甜味，雖然細細舊要$13件，但係值得嘅👍🏽…Read More

之前一直知道有呢間富有越南🇻🇳特色嘅小店—「第一郡」係深水埗， 聽聞老闆娘係越南華僑，所以煮得一手正宗越南風味～ 不過個時並無分店， 但而家港島區有分店啦！👏🏻 逢星期五都要係天后上堂嘅小編， 梗係要黎拜會下啦！😏 和深水埗店一樣， 主打越南檬粉、三文治和糕點。 之前去越南餐廳只懂吃生牛肉河， 但原來越南粉嘅款式仲有好多～ 就好似呢個Q1麵（$65）咁！ 湯底以鮮蟹🦀熬製，味道鮮甜味美～ 越南拉麵爽口帶嚼勁， 配上魚肚、蘿蔔吸晒湯嘅精華，😌 帶子鮮甜，冬菇軟腍入味，必試呀！😋 米紙蝦卷（$20/卷） 是這裏嘅招牌菜之一， 這個幾乎是每枱都係必點！😎 丄枱時蝦卷係用大塊蕉葉包着， 除左可令米紙更軟熟煙韌， 更可撕一圈才咬一口，成條拎住食超方便。😂 餡料好豐富，有鮮蝦、豬肉、檬粉、金不換和薄荷葉， 蘸上炒香嘅花生碎秘製海鮮醬，味道更香更惹味～👍🏾 呈淡綠色嘅牛油果沙冰（$30） 沙冰打得超滑身，整杯都沒有碎冰或冰粒， 每一口都好creamy， 牛油果味都幾突出， 可以說是小編飲過最好飲嘅牛油果沙冰～😎 …Read More

早前上完堂後, 去了天后的第一郡食嘢. 我選了Q1麵. 食材幾豐富, 當中包括蘿白, 魚肚, 冬菇和帶子. 個湯幾清甜, 唔會太咸. 而麵質軟硬適中, 吸收晒湯和食材的精華. 見到有滴滴咖啡, 我便點來試下. 滴滴咖啡. 慢慢一滴一滴流出來, 已聞到幾香的咖啡味. 再混入練奶, 甜度適中. 但對於我來講, 我唔太飲得好濃的咖啡, 這個稍為苦了一點. 甜品選了斑蘭綠豆糕. 入口煙煙韌韌, 加上淡淡的斑蘭香味, 非常好味, 這個真係有點驚喜.…Read More