Nagahama No. 1 Ramen

中上環半山一向多拉麵舖，但一般我都係去上一條街嘅歌賦街食，今次發現九如坊都有幾間食肆，就入咗去呢間唔算起眼嘅拉麵舖試試。佢比一般拉麵舖比較寬敞，雖然都有對廚房嘅吧枱位，但亦有卡位，好適合三五知己去食拉麵飲下嘢傾偈，而且餐廳應該唔會趕人走，同一般拉麵舖快食快走嘅感覺唔同。一碗拉麵大概$100-110，係中環區拉麵嚟講唔算貴，我叫咗個招牌嘅No.1拉麵，雖然係餐牌上比較貴嘅一碗拉麵，等咗5-10分鐘，見住廚師用火槍炙燒五花腩，拉麵入面仲有幾片叉燒同兩邊嘅溏心蛋，肉同蛋嘅份量可謂相當慷慨，連紫菜都有幾片。只能夠講啲叉燒真係好香又腍，豬骨湯底非常濃郁，我覺得係我喺香港食過Top 3嘅豬骨湯拉麵。No.1拉麵 ($115) ★★★★★值得一提嘅係配菜辣芽菜辣度啱啱好，放啲落本身唔辣嘅拉麵湯令換拉麵味道層次有所提升，令成碗麵更好食。辣芽菜(隨拉麵附送) ★★★★★店員服務都算親切，上拉麵時有個托盤同附送濕紙巾，亦算貼心，係間我會專程再去食嘅拉麵店。…Read More

去附近wine tasting前打打底, 揀咗呢間經過好多次都冇食過嘅拉麵店, 一係已經食飽, 一係就被鄰近200米範圍嘅多間知名拉麵店吸引走咗相比普通拉麵店, 無論食物定裝修都更傾向係居酒屋京蔥拉麵 - 喜歡京蔥嘅我就要咗呢個, 如果有埋隻蛋就更好湯夠熱, 香濃幼滑, 唔係死鹹或者好重口味, 濃郁full bodied有骨膠原, 飲哂都冇問題;麵方面夠掛湯, 要求超硬都合乎預期, 食到尾都冇變到腍; 叉燒有2款, 個人喜歡慢煮多過炙燒, 更嫩更有肉味No.1拉麵 - No.1即係包羅萬有拉麵, 性價比最高, 我試咗啖高菜同溏心蛋, 高菜幾似雪菜減鹹版, BB辣解膩一流, 不過溏心蛋味道幾好只係略為熟咗少許沙甸魚乾 - 以為係罐頭沙甸魚大小, 原來係魚毛仔煎成脆片, 幾特別下酒一流燒魚餅 (小) - 日式魚餅較多麵粉同較腍送嘅芽菜有少許辣, 但有雪味美中不足平日晚市都幾靜, 希望小店可以捱得住如果木盤冇黑邊, 就真係無得彈…Read More

好耐之前食過呢間拉麵店 印象非常深刻 因為湯底超濃郁🤤從未試過 今次經過附近 專程黎再次回味🥰🥇No.1 ラーメン🍜真系冇改錯名 系我心中真系no.1既豚骨拉麵👍🏻賣相好豐盛 有2隻開邊唐心蛋 4塊叉燒 4塊紫菜 配上木耳 蔥同自家製高菜✌🏼好多餸湯底以純豬骨熬製 所以呈奶白色 飲落非常厚身 好重骨膠原☺️feel到好足料咁去熬個湯底 而且吾油膩😍食完個麵仲飲左大半碗湯 之後都吾覺口渴 證明冇落味精🏆叉燒厚薄適中 每塊都經過炙燒 食落有啲焦香味😂木耳爽口 好fresh高菜帶微辣 將湯底帶黎更多層次 中意食辣既朋友可以加埋辣芽菜食 更惹味🤗ごちそうさま😋店內仲有好多款拉麵選擇 但我覺得no.1ラーメン最抵食 比其他大慨貴10蚊 就有曬咁多餸 而且份量多啲😂總括黎講呢間拉麵店湯底超濃 同一般鋪頭吾同 絕對值得一試😝👍🏻…Read More

長浜直頭係我飯堂第一次食其實係我行錯路，點知變左我最愛個湯底一流個面都係最中意近排連塊肉都好似又好食左宜家食肆生意咁差我就愈食愈多真心怕佢會執笠香港日本我都試好多間拉面始終都係呢間令我最滿足飲得出個湯係好足料仲有少少骨膠原口感湯都要飲清光香港食到呢個質素真係算抵食小食都好食，魚餅同雞翼都正不過重點都係個拉麵次次去都見到日本老細煮香港人煮同日本人煮始終有唔同對於拉麵，佢地點都講究好多公眾假期中環都特別少人希望過左呢關啦…Read More

上環有間位置偏僻但長期滿座既人氣日本拉麵店，裝修非常日式，乾淨俐落既感覺仲會見到非常多日文字，真係好似去左日本咁，坐吧枱仲可以親眼睇住日本師傅整拉麵，仲親手遞上，非常有禮貌！忍唔住會想講日文！No.1拉麵 $105材料豐富既拉麵，有叉燒、紫菜、溏心蛋、高菜、木耳、蔥⋯⋯食一個都非常滿足！拉麵粗幼適中，而且有得揀硬度，我地揀咗正常，仲有極硬可以揀添！叉燒用左豬腩肉，肥美既口感帶出叉燒既香，食落肉味香又有口感，非常正！溏心蛋非常出色，蛋味非常香濃，而溏心既蛋黃時間做得剛好，剛剛好流心而且有黏性，值得一讚！湯底用心熬製，豬骨味濃，唔會太咸口味適中，配上高菜同蔥，令到湯底更添風味！非常出色，難怪咁受歡迎！炸雞翼$58賣相金黃色既雞翼十分吸引，份量十足，每隻雞翼都大大隻，唔會瘦骨仙咁款又無肉食，呢個大小剛好肉夠又嫩滑～雞翼炸到兩邊都均勻地金黃，火喉十足，外皮脆卜卜，脆到格離枱都聽到！一咬落去雞翼汁爆出黎，配埋脆卜卜既雞皮，簡直一流！雜錦關東煮（中）$64非常入味既關東煮，份量不少，材料豐盛，而且個汁係精華，唔會太甜又唔會太咸，食完會想繼續食，最後仲飲埋個湯添！味醂河豚乾$65甜甜既河豚乾非常入味，烤得剛好一啲都唔乾，非常有口感又有少少煙韌，魚味十足，配上沙律醬更惹味！正！呢度既拉麵非常出色，人氣拉麵店絕對係有原因嘅！日本師傅製作拉麵既過稍非常快，可見真係工多藝熟，望住師傅整拉麵可說係一種享受！正！…Read More

早排聽到有間拉麵自稱長浜No.1拉麵，等我呢個拉麵達人去鑒定佢係咪No.1！長浜No.1拉麵位於上環，所以裝潢比一般拉麵店更有格調，磚牆更顯韻味。今次座位能夠近距離欣賞師傅製作拉麵嘅過程。拉麵總共有七款，大多數都係$100樓下，對比上環其他拉麵店算便宜。我同女友每人一碗拉麵，客人可以選擇麵條嘅軟硬程度，亦可以加配材。叫拉麵會送埋辣芽菜。女友叫咗No.1拉麵，湯底值得一讚，豬骨味非常香濃，唔油膩亦唔會鹹，食完成碗拉麵都唔駛飲水解鹹。另外加咗醃製高菜令湯底唔會太淡。除咗湯底，另一主角就係叉燒。我同女友一致認為肥瘦適中，肉質幾軟稔。流心蛋就不過不失。至於我叫左麻油京蔥拉麵。湯底一樣充滿濃郁既豬骨味，麻油香唔會太搶。麵條方面屬於幼身，掛湯能力一般。湯底的確俾到我驚喜，拉麵既分量已經多，飲埋可樂真係飽到上心口。…Read More

星期五晚去開上環探朋友，朋友介紹左佢屋企樓下既拉麵店。一去到，岩岩有人走，所以可以直接入去坐。呢到拉麵有幾款，其實睇清d，係一樣，只係配料唔同，要唔要玉子，要咩肉，要咩配料，懶得選擇，就決定左要No.1拉麵，咩都有齊。呢款有肥瘦叉共4塊，有糖心蛋同3種配菜：木耳，蔥同酸菜（唔知係咩，因為其實無咩味）呢個湯底好濃味，食得出得煮出黎，唔係溝唔黎。個拉麵係白白地色個隻，比較林身，無咩口感。呢到既叉燒好好食，肥叉燒一層肥一層瘦甘，食落唔會好油，同埋肥叉有用火燒過，所以特別香口，唔肥膩。瘦叉都唔錯，唔會好乾身。一肥一瘦甘間住食，岩岩好。隻糖心蛋就普通d，個蛋黃唔夠流心，同埋唔太夠甜，好彩仲好滑。有3種配料令到食拉麵個時無甘齋，木耳切到細細條，可以增加食拉麵時既口感。唔夠配料，仲可以有任食既辣豆芽。好爽口，不過有少少辣，個辣味會影響個湯底，所以千其唔好直接加落碗麵到。雖然拉麵既質地我唔係特別鍾意，不過個湯底同配料都好正，朋友果然無介紹錯。（一路食既時候都見到好多人排隊等位，質素真係有番甘上下）…Read More

同事很想食拉麵，我隨口講了中環5間我食過的，然後佢揀了這間位置相當遠、位於九如坊的這間長浜No.1拉麵這間我之前吃過一次但沒有寫過食評，也好！就讓我補回來吧！店子小小，烈日當空迫於無奈在門口等了又等等了約莫15分鐘，可以入內全店有4個店員，其中一個是日本人師傅，一個是其助手，男店員有點笨手笨腳，不過態度不錯女店員就頗為能幹餐牌上拉麵選擇只有6款我選了冠名之作「No.1拉麵」全部揀了普通，乜都要。No.1拉麵($98)有紫菜和叉燒各4塊，附有木耳，溏心蛋和一些高菜。其實叉燒面頭兩塊和下面兩塊是有分別的，底的兩塊明顯較瘦。它最令人印象深刻的還是其湯底，非常的濃厚，色澤雪白在香港我吃過的拉麵當中，長浜No.1拉麵的湯底是Top5之內。口感飽滿，沒有溝粉之感。完全豬骨的精華都滲入其中。其麵底則屬於幼細款，我自己會覺得佢麵底的蛋香稍為不足不過吸收湯底方面就相當不錯另外美中不足的我會覺得反而是它的溏心蛋過份凝固了沒有半融的狀態已大為扣分而且吃下去味道亦沒有甜而不膩的感覺是為敗筆另有免費的芽菜(辣)配料可添加來吃不過我覺得既然湯底已這麼濃，再添芽菜就顯得太咸了如果不計湯底，長浜No.1拉麵由拉麵以至配料都未算最出色不過湯底是拉麵之魂，所以還是好評一個！…Read More

本人就起中環工作開，而且是返中班時候，中段食飯就係晚飯，而今晚突如其來有衝動想食拉麵下就去了這間長浜No. 1拉麵幫襯，夜晚唔算多人，因為我係一個人去所以就唔駛等位，入到去環境舒適，餐單上有七款拉麵選擇，而我嘗試左No.1拉麵，還可以選擇要否多蔥花，麵條軟或硬等等，選擇交單比職員，送上速度也好快，味道偏濃味，麵條口感也唔錯，份量唔少而且味道唔錯，可以再次幫襯…Read More