Australia Dairy Company

相信澳牛呢個名對香港人嚟講，一啲都唔陌生，因為出咗名快！唔單止餐廳上菜速度快，而且係要求食客都點菜、食嘢要快，因為餐廳十分忙碌，你一坐下來已經感受到城市人既急速節奏，大家都係食完就急急腳走，感受到當中的氣氛壓力，而更加令人聞風喪膽的是他們的服務態度，被譽為態度惡劣。不過我食完之後發覺又唔係咁喎，服務態度正正常常。今日作為勇者既我就去嘗試咗啦，由於講到節奏咁急速，我都唔敢怠慢我係門口睇好曬餐牌先入去點菜，一坐低已經有員工問我食咩，我就講好曬，落完單眼仔碌碌周圍望先發現有Set嗌，有早餐、茶餐、快餐，不過唔緊要散叫都可以接受因為不是太貴。火腿奄列，很大份！還配搭三文治和幾片番茄，來到的時候我嚇到了，分量怎麼這麼多，果然這就是散叫的力量。牛奶麥皮，也是很大碗，早餐吃一碗這個已經飽了。蛋白燉鮮奶，我覺得是他們的招牌菜之一，這個甜品真的必點，口感很好很順滑，奶味很重。凍奶茶，標準的港式奶茶，順滑奶茶味夠重。總括來說，沒有網絡上傳聞的那麼恐怖，但是裡面的客人真的快來快去，吃完很快就起身走了繼續去忙，不介意搭檯的話我覺得值得一試，他們的食物都很好。…Read More

之前一直好好奇點解呢間茶餐廳咁多人排隊，所以出開佐敦就決定同屋企人去體驗一下佢哋嘅服務同上餐速度茶餐$58(牛油方飽，火腿炒蛋，叉燒湯通粉，熱奶茶)個方飽烘到好香，表面有輕微脆脆哋，而且方飽係厚切個種，所以更加突出到外脆內軟嘅口感，牛油溶入咗個方飽令到成個飽更香更好味另外個炒蛋真係名不虛傳，非常嫩滑，仲好香好水潤，唔會一舊舊個通粉就正常，熱奶茶都好香濃炒蛋多士$28炒蛋配多士唔洗講一定好夾，值得一提係蛋嘅分量幾多，配同樣厚切嘅多士真係幾正經歷呢一次”體驗”之後發現呢間茶餐廳上餐速度真係好快今次同屋企人等咗幾分鐘就有位，入到去仲考慮緊食咩，好彩無侍應催我哋，一入去個侍應哥哥仲讚我⋯⋯個史迪仔掛飾好得意所以成個體驗都幾好不過温馨提示呢到只收現金…Read More

香港餐廳代表 不得不提澳牛!!!今日經過一如以往 大排長龍,但澳牛出名 快! 狠!! 準!!! 所以其實排到轉埋彎都只係3個字內既事入到去當然馬上感受到香港既節奏~快 落單唔駛2分鐘 ~全部野已經都上齊(野飲要後嗌)多士半燶 ,有咬口 好味炒蛋唔知點解得佢做到咁滑 果然係招牌奶茶有用碎冰 值得加分 ...奶同茶夾得好好 好順口 唔澀 總結:話澳牛係香港最強早餐一D都唔失禮,除左環境 同要食得快 點會唔推介哩 …Read More

係佐敦做完嘢，加上依幾日好熱，淨係想搵個地方坐低涼下冷氣😩咁最好又有杯凍奶茶飲下喇😂所以行下行下又去左澳牛囉😆下午時間唔算好多人，係門口等左幾個人就入得😏主要係為左杯凍奶茶以嚟嘅我🤤由於未係好肚餓，所以只係叫左個快餐、食個炒蛋多就算😂“炒蛋多士”炒蛋依然出色👍🏻炒蛋香滑、蛋香飽滿🤤多士香脆軟熟👏🏻不過今次牛油就小左d🙉“凍奶茶”茶味夠濃奶都夠滑🤤甜度真係剛剛好👏🏻加上隻不鏽鋼杯儲溫一流👍🏻令到碎冰唔會咁快溶😌由頭到尾成杯野都仲係咁濃香同咁凍🥰🥰🥰問心講~以澳牛每日咁嘅客流量，要keep住水準一d都唔係易事☺️加上良心經營，一定要支持呀💪🏻🌈…Read More

已經想食試下這間餐廳好耐，見次次都好多人排隊，一定好好味好吸引，但又唔想等咁耐所以無食，今日唔洗返工，同老公拍拖經過開，又見唔洗等，所以試下。店舖食物款式唔多，早餐只見得一個選擇，不過食過就知，一間食店不用太多款，只要做得夠精，就真係會有好多回頭客。點了火腿通粉，炒蛋，凍奶茶落單後唔洗1分鐘，即刻有碟腿通，超高速度，而湯底超正，飲晒。多士炒蛋更加一絕。我喜歡牛油，呢份炒蛋有很香濃牛油味，除了牛油外可能還加上雞湯似的，炒得很滑很Juicy。除此之外，多士外面脆身，內裏軟綿綿，整份早餐炒蛋是最正的。凍奶茶都調配得很好，香滑而甜度很啱口味最後點了蛋白椰汁鮮奶，一流…Read More

#港式eatcovery💡有水準嘅香港人快餐朝早返工趕時間，諗都唔洗諗，一定要食澳牛，快靚正❤️🍽腿蛋三文治包裝好靚，一打開三文治排得好整齊，唔會壓偏，又唔會俾三文治嘅熱氣整到腍曬，未食就已經心花怒放！烘底夠脆，澳牛炒蛋不嬲都係招牌貨，食落唔會濟、唔油，仲好滑、蛋味十足！加埋火腿多一層口感。好大份，女仔未必食得曬兩份，值咁好味，女小編就點都要食曬😂😂🍽 牛肉三文治牛肉偏咸，食落比較「寡」。烘底包都keep到個水準。相信牛肉加蛋會好味啲🤣🍽 凍奶茶澳牛嘅奶茶都唔洗講都知出色！茶同奶嘅比例啱啱好，夠曬滑，少甜茶味更出！ps/澳牛哥哥好好人，做野快手，令小編唔洗遲到又食到靚早餐💛推介度：⭐️⭐️⭐️⭐️⭐️📍澳洲牛奶公司佐敦白加士街47-49號地下…Read More

澳牛都算係局長最愛既飯堂之一d人成日都會話澳牛態度好差 d伙記好惡 但局長又唔係好覺 所以一直都有keep住幫襯一坐低就叫我最鐘意食既叉燒意炒蛋多士先講下個叉燒意 其實都係普通茶記食到既水準叉燒唔係特別好食 意粉唔係特別好食 個湯都只係味精水但哩d就係老香港既情懷 第二度食唔到同埋係d成日食都唔厭既野黎！因為飯堂最緊要就係食唔厭 你先可以keep住黎食架嘛然後就到左黎澳牛不得不食既炒蛋 大家都知道一份常餐好唔好食 就係睇佢份炒蛋炒蛋炒得老 話知你其他野食曉飛呀 都無用但澳牛隻炒蛋就好似曼聯博格巴咁 如果博格巴係曼聯最頂級既球員 係漆黑中既螢火蟲咁哩份炒蛋就係澳牛既博格巴其實而家越黎越多冰室都食到哩隻味道同質地既炒蛋所以你話係唔係仲係好似以前咁特別好食呢又唔會 但局長我就係食慣左澳牛既炒蛋夠滑 蛋味香濃又唔會太過多油 絕對係炒蛋界既曼聯最後想特別講下澳牛既奶茶 雖然個個吹奏澳牛既人都會講佢既炒蛋但其實局長認為佢杯奶茶都係好尾機 茶味夠 奶味夠 又滑香港黎講都算係top 10或者你地會問局長同澳牛係乜野關係澳牛同我係互相支撐既關係 唔係普通既客人同鋪頭可能我唔真正認識澳牛個老闆 入面d伙計都唔認得我但我地永遠係對方心目中佔據左一個無可取代既位置可能你覺得誇張左 但局長我剩係諗到哩d野你問我點解會鐘意食澳牛 我只可以答你因為佢係澳洲牛奶公司（但唔係賣澳洲牛奶）…Read More

終於都輪到寫一寫澳洲牛奶公司。其實係冇嘢好寫, 因為無論係好嘅食評或唔好嘅食評, 佢門口都係一樣大排長龍, 問你怕未!?唔經唔覺, 茶餐已經加到46蚊。但係如果你發現佢旁邊個啲「二打六」茶餐廳都係賣緊呢啲價錢, 你就會覺得澳洲牛奶公司一啲都唔貴。我哋嗌咗兩份: 茶餐, 多士, 轉炒蛋, 轉叉燒通粉, 一個熱奶茶, 另一個叫凍檸茶。(以上係落單嘅「急口令」, 要練熟咗先至好入去澳洲牛奶公司 落oreder, 否則會被「伙記哥哥」嘴藐藐。真係唔講啲嘢好唔好食喇, 再講都嘥氣啦~~~ 只講一句啦: 「澳牛炒蛋, 香港 No.1; 奶茶香濃幼滑; 通粉湯底濃、厚、味鮮。」- - - 佢哋收晚上11點。由於我哋10點30分嚟食宵夜, 人流唔算繁忙, 伙記哥哥們地都好友善, 有講有笑, 氣氛輕鬆。我哋亦都唔需要以光速嘅速度去完成。去到10點50分嘅時候, 伙記哥哥跟前面有一檯嘅客人講: 「Last Order, 仲有冇嘢叫?」, 客人唔識死, 回答:「遲啲先, 等我睇睇……」, 呢個時候, 我見到伙記哥哥嘅嘴巴已在微微郁動, 看似是用無聲嘅咀咒緊依這位客人。 客人都知道瀨咗嘢, 隨即 order 多兩個個燉奶(外賣攞走)!…Read More

早幾年因為係佐敦返工，基本上每日嘅早餐都係喺澳牛攪掂但自從轉左工之後，已經好耐冇黎依度食過喇，不過間唔中都有聽到人講，澳牛已經變左旅遊景點、遊客飯堂、甚至話已經唔係做香港人嘅生意咁難得今日工作路經佐敦，咁就當然要嚟探下老朋友啦因為一個人關係好快就有位，快速坐低落單叫左個"茶餐"，轉個頭"牛通"就嚟啦因爲已經好肚餓，攞起隻羹諗都冇諗一啖就放入口，個種感覺即時返晒嚟濃濃嘅雞湯加上原全冇根位嘅靚牛肉依舊係絕配當然最緊要係個通心粉喇，通心粉中間全部充滿晒湯汁，令到每咬一口都有湯汁滲出嚟，感覺勁滿足"茶餐"嘅第2號主角緊係唔小得"炒蛋多士"啦，一攞件多士上手，確係同以前牛油多到滴出嚟嘅畫面有D分別，依家牛油大概只有以前一半到，但係都足夠鋪滿多士面，食落仲係咁香，麵包口感依然咁軟熟，真係冇得頂炒蛋都係以前一貫高水準，蛋味香濃口感綿滑，不過就比以前細份咗少少至於火腿，個人覺得就不嬲冇咩特別喇最後就係"凍奶茶"喇，一直都覺得澳牛嘅奶茶真係好唔錯，茶夠好，奶夠滑尤其是凍奶茶用冰份量真係好量要，太多冰會令奶茶味道變淡，太小冰又會好快融晒，令到奶茶面出水而攪到變晒味，澳牛嘅凍奶茶就唔會有以上問題，真心推介其實今次再嚟澳牛，又唔覺佢有咩大退步以$50唔洗嘅茶餐嚟計，其實澳牛真係好過好多所謂嘅大集團，你話佢服務態度唔好？但對比個D集團式嘅語音化：歡迎光臨、下次再見我更鍾意依種粗聲粗氣可能呢啲就係港式茶餐廳獨有嘅人情味喇問心講~澳牛絕對值得一試再試…Read More

澳牛對我有種莫名的魅力，明知入面會千軍萬馬、很緊張，但它的炒蛋和奶茶總叫我回來再吃或許有人會因為這裏的光速卻步，但我覺得這裏的快是下單必須要快、狠、準起碼我這吃飯吃很慢的人未試過因為吃得慢而被罵(當然也不要慢得離譜啦！)早餐、炒蛋、多士，就這讓完成了下單的程序，接下來就是等食物送上，通常1-2分鐘就有炒蛋多士：這𥚃的炒蛋一直是我心中的no. 1又嫩又滑又香我知它的熱量很好，但我總是無法抗拒呀～一旁的多士用了厚方包，表面烤得脆脆的，中間鬆軟配搭炒蛋食火腿通粉：就是正常茶餐廳的火腿通粉，沒有特別好吃，但也沒有特別難吃奶茶：來澳牛的另一重點，奶茶又香又滑，也是我的最愛…Read More

從國外回來就立刻慕名而來，東西ok啦，真是覺得「澳牛光速餐」不負盛名，上單不足1分鐘就上桌，吃完一盤不足1分鐘就收盤，吃完第二盤不足1分鐘就收盤，讓我第一次感覺到「嚇？你嚇我噶咩？點解可以咁快窩」……Read More

蛋治烘底、火腿蛋治烘底：炒蛋富牛油香，厚厚的堆在同樣夠分量的厚三文治麵包，一大口咬下去，豐富的口感和味道令人十分滿足。說它是香港最好吃的炒蛋絕對不為過，黃澄澄的炒蛋吃下富香味但是不油膩，還有讓我們大飽眼福的層次！據聞澳洲牛奶公司是第一家用忌廉炒蛋的香港茶餐廳，關於炒蛋的食譜來歷、傳人等各有傳奇的都市傳說，一邊吃一遍就覺得好有趣。燉奶：有冷熱的選擇，如果只吃炒蛋三文治不飽的話，絕對推薦吃這個飯後甜品。口感比一般甜品店的要厚實一點，但是滑溜不減，吃下就像喝了濃厚的牛奶，如果喜歡杏仁味的話可以嚐嚐另一款！凍奶茶：妹妹說這是她喝過最好喝等等凍奶茶！和台式奶茶不同，港式奶茶茶味濃，這一杯的碎冰令奶茶的味道不會被稀釋掉，在炎熱的天氣異常的清爽！味道也剛好不甜。茶餐廳受歡迎的，就莫非是「光速餐」和早餐這些超值組合,由早上六時開始人龍就魚貫出現，餐廳的各人各司其職，像一部一直運轉的機器！我看過很多關於澳牛的有趣故事，例如說大家由年資分階級的潛規則，有機會可以跟大家分享一下哈哈！許多第一次來訪的客人都一早聽過澳牛的「黑社會氛圍」，其實...他們不是蠻友善的嗎？還一點都不假惺惺呢哈哈。大家要有心理準備，想好吃什麼要預先想好啊!…Read More

應該冇乜香港人未食過澳牛,前幾年我去開附近一諗唔到食乜都會去食,不過近年就少咗好多.嚟呢度都係食火腿通,火腿絲份量同我之前嚟嗰陣冇大分別,味道鹹鹹哋咁,通粉亦冇煮到好腍,簡簡單單已經好惹味.炒蛋多士,炒蛋仍然滑溜,搽咗牛油嘅厚身白麵包烘到有少少燶燶哋,食落香口.最後就快快手飲埋杯熱奶茶就走喇.呢次再去,門口仍然有好長嘅人龍,座位仍然都係背對背咁坐,啲侍應哥哥仍然都係咁快手快腳,唯一唔同嘅係,前幾年好有霸氣嘅侍應哥哥好似收歛咗,以前係你叫嘢食嗰陣諗多一秒都會催你,而家就溫柔咗好多,嗰日仲見到佢哋會同啲旅客傾下偈呢.…Read More

每次路過澳牛，一定會大排長龍至少都有二三十人一直排，排到街尾，旅客又有，上班族又有，所以澳牛從來都不是我食lunch的選擇，因為食飯時間有限，排完好耐隊，入去食又要倒水咁倒落口😅不過有次好難得地見到澳牛竟然無人排隊，入面仲要有空位😳（可能因為黃雨，天雨路滑的關係🤔），所以同事就捉住我入去食😂由於事出突然，所以我和同事入到去的時候，都真係要諗下食咩先🙈雖然澳牛出名快、靚、正，但也因為要快，伙記都出名「惡」，據聞落單要快，食要快，食完就會收晒你d野，想你快d走😂我地口窒窒地落單，因為太少黎食，不過好彩個日幫我落單的伙記心情好，所以即使佢企左係到等我地諗好食咩的時候，都無催我地，可能「惡」伙記只是個別事件👻澳牛有早餐（7:00-12:00）和茶餐（12:00-23:00），和全日供應的快餐我地去個陣係12點，伙記就叫我地叫茶餐啦😂茶餐有牛油餐包、火腿煎雙蛋、叉燒湯意粉、咖啡或茶（凍飲要加$2）原本以為叉燒湯意粉可轉別的餸，如沙嗲牛肉，但原來叉燒係無得轉 只可以轉麵😟所以我就轉左叉燒湯通粉火腿煎雙蛋可轉炒蛋眾所週知澳牛炒蛋出晒名，識食一定係食炒蛋🙈叉燒湯通粉一睇就知湯底都唔簡單，呈金黃色，可能係雞湯？🤔不過味道不重，但都比無味清湯好🙈😂但有點兒失望的是通粉煮得太腍，完全無嚼勁👎🏻只能說店家很貼心地考慮到無牙力的阿婆阿伯都可以食到👏🏻😅可惜我唔係叉燒是半肥瘦，燒得都算入味，但不是蜜味的那種牛油餐包、火腿炒蛋牛油餐包烘得微熱香口，薄薄一層牛油卻散發出香滑的牛油味萬眾期待的火腿炒蛋，果然名不虛傳！雖然火腿只是輕輕汆一汆水但炒蛋確實炒得不錯👍🏻香滑柔軟的口感，蛋味十足😋唯份量不多，只能淺嚐把炒蛋配餐包一起食，也是一種相當搭配的食法呢！餐茶我自己就叫了一杯熱奶茶茶味不濃，奶味比較重，但都算香滑值得一提的是朋友叫了一杯凍檸茶和一杯凍奶茶凍飲要加$2都正常 不過原來size同熱飲差唔多😟仲要有半杯冰😮不過好在凍檸茶檸檬片無偷工減料，都有4塊🙈整體來說，澳牛炒蛋確實值得一試！不過價錢略貴，但唔洗排隊都食得過既🤔但排隊食我就覺得太誇張啦…Read More

澳牛嘅朝早總係人滿為患嘅，11點前都是一條大長龍，到咗下午會好好多，不過排長隆都唔驚吖，因為呢°真係幾快下嘅，排個5分鐘一般都有位坐喇，點好單之後再等個五分鐘D嘢就上曬來喇，可能大部分嘢都係現成嘅，所以速度真係坐火箭咁快吖。澳牛不愧係做奶加，呢度奶茶真係滑一滑嘅，都幾好飲，炒蛋多士，炒蛋好食，好嫩滑，用咗D奶油同牛油來抄，味道好特別！火腿通粉，味道唔錯，湯都幾鮮，我成碗都食光光吖！蛋白燉奶，望落去就滑溜溜嘅仲好有彈性添，哈哈，燉奶有D蛋味但係唔會有腥味，口感真係好好，不過好可惜食到最後決定有D膩，可能是甜味問題，唔應該咁甜嘅。厚多士，多士煎咗下，好香氣，味道都幾好，可以成日來食。…Read More