Stone Houses Cafe

石屋環境舒適，地方闊落，室內冷氣充足，室外有十多張枱，pet friendly 餐廳員工有禮，餐點主食種類多，Egg Benedict, 牛油果蘑菇奄烈和意粉，tiramisu 👍👍👍。亦有輕食和素食提供，飲品也多樣化，食物有水準，性價比高，打咭一流。手冲咖啡超正，與奶啡難分高下 :)…Read More

今日去石屋行下，見附近有間社企餐廳就支持下。叫左個set lunch，55蚊，唔貴，輕食。服務員態度好好，一見到我就問有位未，仲主動俾餐牌我，親切友善。有户外位，鐘意親親大自然或者帶寵物既朋友可以坐户外。室內環境偏工業風，裝修簡潔，有2張大枱，不過唔好expect坐得超舒服。薯餅即炸香脆，豬柳包，蛋滑流心，芝士有2款，車打芝士同mozzarella，豬柳鬆軟，好食過老麥。沙律就正正常常，冇乜特別。Latte係好靚既豬仔拉花，不過咖啡味偏深炒，唔算好多複雜既味道。見到佢地有nitro cold brew 部機，同會用酒杯裝俾你，下次有機會可以試下。…Read More

呢個石屋咖啡冰室, 原來係保育而改造成為冰室的, 有露天及室內, 露天唔怕曬因為有太陽遮, 天氣唔熱的話坐出面慢慢嘆杯咖啡都幾好嘅, 但因為我第一次來，見到裏面嘅裝修好懷舊, 一磚一瓦都好特別, 仲有好多舊式嘅海報poster , 而且仲有冷氣, 於是決定坐裏面。要咗一份全日早餐， 水煮蛋煙三文魚配英式鬆餅， 加多10蚊要咗杯latte。水煮蛋煙三文魚英式鬆餅配咗沙律, 不過個人就唔鍾意佢啲千島沙律醬, 因為我鍾意食黑醋橄欖油。煙三文魚好大塊, 水煮蛋都有流心, 但上枱就一啲都唔熱。其實成件事喺呢個咁舒服咁有特色嘅環境慢慢食早餐係好寫意嘅，所以個人覺得呢度係慢活嘅好地方，食物ok啦 ! 但主打係呢度嘅環境同氣氛。會latte可能因為復活節嘅關係, 拉花拉咗隻兔仔畀我, 咖啡都香且易入口。…Read More