White Goats Coffee Shop (Sun Court)

「白羊咖啡」是係一間屯門區內小而溫馨既咖啡店，我就由佢第一間，飲到佢開第2間。我好喜歡係呢到消磨時間。我最喜歡佢地既LATTE，佢地既咖啡質素高，口感順滑，味道醇厚。另外，佢地貝果同SCONE都非常好食，特別係在朝早或TEA TIME，搭配番一杯咖啡，簡直係絕配。而老闆都親切，好好禮貌去招待客人。呢到飲一杯COFFE既價格都非常合理，一杯大LATTE甚至唔馱$30，而且可以無限時咁店內享用，真係都好舒適。總體來說，我好中意「白羊咖啡」，有人情味的小店，非常值得一試。…Read More

長期work from home就會掛住返公司有得隨時去買咖啡飲. 由於太多日冇出過去,今日又唔係十分之忙,就決定放飯時間出去行個圈.前幾日已經做好資料蒐集,知道嚟間cafe係置樂同杯渡附近都有舖頭.今日就出去買埋個晏食,所以近市中心就方便啲.鋪頭充滿咖啡嘅香味.可能因為疫情同閒日關係,成間舖頭得一張枱有人坐,但係等緊外賣時都陸陸續續有人入嚟買咖啡拎走. 掙扎咗好耐飲唔飲honey latte,但係第一次飲要試就梗係試最普通嘅latte先知好唔好飲㗎嘛. 叫左大杯500ml先$28!會唔會太抵!店主見我對啲蛋糕有興趣都好有耐性介紹俾我,最後我加咗$22要多個tiramisu蛋糕. 咖啡有拉花,味道係我中意嘅,一啲都唔會酸,夠牛奶味但又唔會俾咖啡蓋過.Tiramisu就唔係正宗版,芝士味唔夠重同埋用咗咖啡蛋糕嚟代替手指餅.下次會想試啲芝士蛋糕同今日見唔到嘅sconeOverall, 嚟個價錢杯咖啡係超值!已經諗緊下次幾時再去過買~…Read More