Kobekyu (Bartlock Centre) (Closed)

相識幾十年的同學聚會，一班「老人家」想試試新口味，上Open Rice搜尋，發現這間開了幾年仍人氣不減，而且好評不絕，來自韓國，主打石燒吉列牛和咖喱忌廉烏冬的專門店，所以貪新鮮決定去試試，還特地在訂枱時以八五折預先付款訂了一個十分豐富的四人餐（詳見附圖）。我們五個的其中一個因交通要遲15分鐘，但到達餐廳才知道原來每席由入座計限時用膳75分鐘，結果四個人在門口電梯前的狹小悶熱的空間等待，幸好同學很快趕到，入去就坐時發覺原來餐廳只有三兩枱食客，大家心裡狐疑為何不可彈性處理，讓客人先舒適坐下等到齊人上菜計時分別也不大吧？由於預訂了套餐，飲品和食物源源不絕的全部上枱，侍應更先放下和點著了用來燒吉列牛的石燒爐和用來熱著咖喱牛筋腩鍋的爐子，瞬間鋪滿了一整桌子，為了騰空一點位來吃飯，我們得儘快把吉列牛和芝士焗大花菇下面那塊半生未熟的牛里脊放到面前的那個熱爐燒熟（幸好那個小爐面勉強可以容納五塊牛肉），移走那個熱爐又解決掉兩盆生肉，才可以好好坐下來享受餘下的美食，可惜已經不能太講究分別小食、湯、沙律、主食和烏冬等菜式，大家只有隨意去吃順手或面前那碟，當大家一面吃一面興高采烈地互道近況，談談八卦時，侍應十分儘責地出現，並告知我們已過時15分鐘，大家唯有匆匆飲掉手上飲品。離開時望了一眼，發現餐廳仍有空座，門口也沒有等位的人，又一次狐疑為何不能彈性處理呢！可能年紀大了，未能適應時下的這套做法，就算有折扣優惠，如果事前通知有限時，得以吃快餐形式去解決掉一頓豐盛的大餐，美食當前，但吃得有壓力，聚會又未能盡歡，我們真的寧可到平日熟識的「老地方」呢！…Read More

日本過江龍就食得多，韓國首爾過江龍你又食過未？！😀🇰🇷KOBEKYU 고베규카츠 係韓國首爾弘大區人氣餐廳之一，深受年輕人歡迎。👍🏻✨連鎖式經營，韓國有不少分店。早在2017年於香港插旗開設分店，暫時有2間，分別位於🚩銅鑼灣及🚩旺角。招牌用上韓文字，英文拼字係日語「神戶吉列牛」嘅意思。即時令人聯想到係日韓Fusion餐廳。餐廳招牌主打吉列牛🥩及咖喱忌廉烏冬🍜。＊－。－。－。－。－。－。－。－。－。－＊🔘〔吉列牛定食 及 咖喱忌廉烏冬〕Combo套餐 $256🔸#吉列牛定食 定食包括麵豉湯、白飯、凍豆腐、車厘茄連同吉列牛用托盤上菜，份量豐富每張枱已準備好一個石燒爐吉列牛外面薄薄一層麵包糠炸至金黃色留在三成熟左右，呈粉紅色將牛肉放到石板上燒熟就可以，生熟程度自己控制其後沾上芥末沙律醬/Wasabi食，口感外脆內嫩由於坐正冷氣機風位，店員好細心留意到主動提供擋風板放係石燒爐旁邊擋風後石燒爐嘅火穩定咗好多，火喉方便掌控🔸#咖喱忌廉烏冬較早前已在社交平台見過呢碗「白雪雪」嘅食物當知道係「忌廉+咖喱」嘅烏冬真係隔住個MON都覺得膩，遲遲未敢挑戰今日終於鼓起勇氣嚟潮聖一下滿滿忌廉鋪滿整個碗面，真係好澎湃忌廉帶少少甜味，下層日式咖喱微辣帶甜兩者味道好夾，無想像中咁油膩當忌廉溝埋咖喱原來可以咁Creamy帶有少量日式咖喱配料：洋蔥、薯仔、豚肉粒🔘 #Kobekyu秘製蛋卷 $68長長一條玉子燒，切開六件左右，上層灑上紫菜飯素調味夾起中間有芝士拉絲，趁熱食口感鬆軟，好食🔘 #Passion Punch 跟餐+$18熱情果味梳打帶有果籽，加片檸檬，口味清爽帶甜有夏日開心又愉快嘅感覺🔘 #綠茶Latte 跟餐+$25淡淡綠茶香，奶味超重頂部加上幾圈奶油，邪惡感upup＊－。－。－。－。－。－。－。－。－。－＊…Read More

銅鑼灣耀華街百樂中心是近年其中的一幢人氣覓食商廈，每逢午餐晚飯時段例必大排長龍，內裡的餐廳選擇多樣，火鍋、西餐、日本菜和韓式炸雞均見蹤影，而其中一間以吉列牛肉忌廉烏冬為主打的小店，筆者很久之前已很想試一下，見到放滿忌廉的日式烏冬網上照片實在太過犯規和吸引誘人，可惜一直未有朋友同行，直到前陣子和友人經過銅鑼灣，終於立定心腸來到一試龍與鳳。 餐廳位於高層22/F，裝潢簡潔舒適，黑色主調加上木系傢俬，滲著淡淡的工業風，一排落地玻璃窗遠眺城市街景，感覺開揚亦有助增強空間感。 餐牌內選擇不算太多，但其實前菜主食飲品亦均有覆蓋，先點來了一些小食，蒜片牛舌芯，用上了牛舌的最中心位置，裁去了外圍粗糙較韌的部份，切成薄薄的一片輕輕燒香，所以入口份外軟嫩爽口，佐上香脆炸蒜片更顯濃郁。 Kobekyu滋味單骨雞翼，單骨雞翼算是近年有意思的新創作，皆因大家應均曾體會過在外邊食雞翼時的雞手鴨腳場面，而單骨雞翼吃起上來就簡單得多，造福了不少吃貨。這款Kobekyui滋味大致其實是較似芝士味，但偏甜有點膩的感覺，成個味道跟兒時吃過的Pizza味薯片很是相似，不算太差但亦不甚吸引。 雞軟骨餃子，雖然不算太特別，很多日本食肆都有供應，但這店的卻應該是自家製的，外皮香脆內餡鬆軟帶軟骨脆口，做得不俗，而且這道小食向來都是筆者見到必點的心頭好，所以更覺美味。 Kobekyu秘製蛋卷，雞蛋煎得滑嫩富層次，中心釀入了海量芝士，拉絲而富奶香，面頭灑上了紫菜飯素增添上日式口味，整體質素不俗，但要貫上秘製之名又好像未夠到位，雖然這樣說，但仍是道值得一試的小食。 吉列牛定食，油花分佈平均的牛肉裹上一層薄薄麵包糠，炸得金黃酥脆，內裡保持約著一成熟左右，鮮嫩光澤，隨餐跟來了一個迷你石板燒爐，客人可按自己喜好加熱，燒到合適的熟度，有夠彈性。牛肉油脂比例均勻，鬆軟粉嫩兼備，蘸上跟來的芥茉蛋黃醬和濃香燒汁，各有風味，香而不膩。而跟餐還有胡麻醬車厘茄和豆腐，熱辣辣的麵豉湯及放了紫菜飯素的日本米飯，配搭多樣亦夠飽肚，以百多元的價錢來說性價比實算高，是這店必試選項之一。 咖哩牛肉忌廉烏冬，之前是因為見到這款烏冬的吸引力才到來一試，一端上見到面層鋪滿了白雪雪的忌廉已十分吸睛震撼，記住是忌廉而不是忌廉汁，實在有創意！而原來底下藏了咖喱牛肉烏冬，烏冬煙韌彈牙，配上日式咖喱汁濃香惹味，而忌廉就發揮了像馬來咖喱加入椰奶的融和作用，多上了奶香令食落更香滑Smooth，濃香甜美。 至於飲品方面，筆者和朋友分別點來了紫薯和綠茶latte，見到賣相起初滿有期待，唯當品嚐完第一口之後就感到不是味兒，雖然仍有淡淡的紫薯或綠茶香，奶味仍算突出，但就完全嚐不到甜味，跟想像中有很大出入，可能較合適不愛甜的朋友吧？！ 整晚出品的質素十分不俗，尤其吉列牛和咖喱牛肉忌廉烏冬，更是十分有驚喜，讓人即時想Encore，而且上菜速度快捷，招待亦算到位，完全沒有失望！價格屬中檔定位，在銅鑼灣區實算抵食，實在值得推介一下。…Read More

本人係幾鍾意食牛肉同烏冬既，今次同媽媽過海黎到銅鑼灣食間人氣性價比高既餐廳，又有忌廉烏冬又有吉列牛食，正呀！今次叫左個二人餐再加兩個小食，二人餐包左吉列牛定食同咖哩忌廉烏冬再加兩個汽水。一開始黎左烏冬，成個面都係忌廉見到既時候有少少不知所措，但入面其實係咖哩牛飲烏冬。麵質係我最愛既彈牙感，咖哩加上忌廉唔會太膩。另一個重點係牛肉質地好好，開頭有諗過跟麵食既牛肉未必好食但呢到個牛肉有肉汁又好淋滑。另一個定食係呢個吉列牛定食，係呢到另一主家，肉質同油香都十足，上枱時肉係大概medium熟道，用上石板加熱可以係食個時都熱辣辣，醬汁有一個加左wasabi既沙津醬食落幾夾牛肉。另外今日仲叫左兩個小食，分別係kobekyu秘製蛋卷同蒜片牛舌芯。蛋卷中間有芝士卷心，食落有層次。牛舌芯相對一般，可能係太薄同我地冇即刻食佢，有啲乾身，比起印象中彈牙既口感欠奉。總結我覺得餐廳性價比真係好高，同時好多款食物水準都有中上水平，值得回頭黎多幾次。…Read More

近來少了打食評，因工作實在有點忙到喘不過氣來，連好好享受食物的心情也忘記了，男子看我無精打采的，就趁我下星期到泰國出差之前，帶我去銅鑼灣吃吉列牛忌廉烏冬。上次來應該是8月份吧，是我們第一次來，這家一直都是在TO EAT LIST裡頭，就是一直忘記它的存在。上次吃了招牌吉列牛和忌廉烏冬，雖然這樣說有點「大鄉里」，但當時真覺得驚為天人(哈哈)，吃下去就是幸福的味道。*Kobekyu秘製蛋卷 $68我和男子都是愛吃蛋的人，這個蛋卷裡面有半溶的芝士，又肥又好吃，唯一一個小缺點是蛋皮老了一些，但幸好裡面還是半熟的狀態，這道菜我們是秒清！*吉列牛定食 $148因為想吃吃新的食物，在吉列牛和忌廉烏冬之間，終究也是選了吉列牛！定食除了主角吉列牛，還有飯和湯，冷豆腐和蕃茄，醬汁也有兩款可以選。我個人覺得跟朋友可以點兩款分著吃，一人吃一份吉列牛定食可能有點「漏」，不過如果是男的又不一定啦。*上桌的時候外層是吉列，裡面是完全生的。*吃之前就放上去預先加熱的陶瓷小爐上面燒，燒多久多熟就自己喜歡，我是2-3秒就轉另一面燒。*我喜歡的是外面看起來是熟的，但裡面還是有一點點生這個狀態。*醬燒黑豚肉釜飯 $88除了吉列牛這個主食，我們另點了這個OPENRICE很多人吃過又讚好的醬燒黑豚肉釜飯，果真沒讓我們失望！來的時候樣子就是普通的豬肉釜飯，下面有一層薄薄的蛋絲。黑豚肉很大一塊，厚度適中，吃下去去軟綿綿的，很舒服的口感，當然啦，豬的肉味很濃很香，配飯是一流！*Passion Punch $38本想點可樂的但還是點了這杯Passion Punch，這杯Passion Punch最重要的功能是可以解膩，而且重點是他的甜味一點也不假，很自然的感覺。特飲還有一系列其他的味道，大家可以點點看。*…Read More

雖然呢日落大雨，但係冇損我要食美食既決心。其實銅鑼灣真係有好多美食！單單係百樂中心都已經層層有野食咁制。今次決定去22樓食韓國吉列牛忌廉烏冬。坐低就二話不說立即點份吉列牛定食，話哂都係呢到既名物，一定要試下。一份定食有一份吉列牛、一碗飯、昆布湯，仲有麻醬豆腐、車厘茄作為小食。食吉列牛既精髓就係食之前先要動手將內裏仍未熟既吉列牛放係爐上燒，爐仔十分的骰，啱哂一個人自助咁燒。燒之前細看吉列牛，估計係先上炸粉炸好外皮，再切開一塊塊整齊排列好。薄薄既炸皮包住仍帶著粉嫩色的牛肉，望見都口水直流。用筷子夾起吉列牛放係爐上燒，聽住從爐上傳來既滋滋聲，已經聞到令人垂涎欲滴既油脂因加熱而產生既香氣。燒咗陣之後，夾起吉列牛翻到另一面，立即見到熱力令原來的粉嫩色變得更淺色。要燒到幾成熟，完全係任由你控制。我個人就喜歡燒到表面有微微金黃色，但內裏仍保持粉嫩。放入口咀嚼，吉列皮一D都唔厚，而且變得更香脆，牛肉夠嫩夠鮮甜，油香立即充滿口腔，特別喜愛外脆內軟既感覺。食野點可以冇碗白飯？所以一份定食會有上面鋪有飯素既白飯，軟糯帶甜，配埋吉列牛食好夾。見到咖喱配忌廉，心裏面都覺得兩者「大纜都扯唔埋」，但係身為呢到既名物之一，肯定有其出色既地方，所以叫咗碗黎試下。咖喱忌廉烏冬可以揀雞或者牛，因為食咗吉列牛，所以今次揀雞。一上枱就見到一碗忌廉上面有少許蔥花。咖喱烏冬呢？用筷子係入面一夾起，就見到咖喱烏冬啦！烏冬徹底被染成咖喱色，每條都剛好食到均勻既香甜咖喱味，再混合忌廉一齊食，為咖喱烏冬添上軟滑香甜，原來兩者係如此配合，好味到停唔到口！見雞同埋牛都食咗，所以要試埋豬。於是乎再叫多一個醬燒黑豚肉釜飯，一如想像，鍋上面蓋了木蓋，只看外表就已經風味十足。一打開木蓋，就見到黑豚肉塗了醬料，再灑上白芝麻，用咗木勺子攪拌好釜飯之後，就可以享用啦！黑豚肉肉質嫩滑，被醬料醃過後顯得份外香甜，而粒粒飯粒經攪拌後都沾上醬料，啖啖滋味！小食方面就點咗南瓜薯餅。南瓜薯餅份量有兩件，係上枱前已被切開兩份。外面既炸皮薄而香脆，內裏既南瓜蓉香甜軟滑，兩者特質雖然不同，但非常match！Kobekyu秘製蛋卷講到秘製非常吸引，所以點黎試下。蛋卷入面有芝士，係我最愛既配料啊！蛋同芝士又係perfect match，濃郁既蛋香同埋軟滑既芝士，好味到令人一食再食！作為mochi控既我對年糕同樣係失去咗防禦能力，所以點咗炸芝士薯仔年糕呢個小食。薯仔年糕煙韌軟糯，入面包裹住軟滑芝士，食咗不禁有幸福既感覺從心底裏浮現出來。年糕外面用紫菜包裹，增添了不少日式的感覺。食飽飽見到餐廳已經滿座，出面仲有人等待入座，所以都趕快埋單走人。食到如此美食，真係好幸福！MENU︰…Read More

吉列是日本的美食，韓國版吉列牛又有沒有吃過呢？今日，相約男朋友吃晚飯，選了這間韓國的過江龍—吉列牛忌廉烏冬專門店(銅鑼灣)。吉列牛忌廉烏冬專門店(銅鑼灣分店)位於百樂中心22樓，百樂中心就像旺角的兆萬，一整棟大樓都充滿美食，所以吃飯時間排隊等升降機可能也要花上十多分鐘，還要大廈保安維持秩序，相當誇張，建議早少少，避開人潮:)。儘管是平日晚上，吉列牛忌廉烏冬專門店仍是人山人海，座無虛席，可見其魅力，幸好一早訂位，不用排隊。裝潢以黑色和木材為主，簡單不花巧:)。每張枱上都放置了一個預先塗滿油的小爐，似乎預計每位客人都會點吉列牛一樣。結果，我們如它所料，點了一客吉列牛定食，一份咖哩忌廉烏冬，都是它的招牌菜，另外點了兩份小食。吉列牛定食我們為左這個吉列牛定食而來，果然不負所望。吉列牛以黑陶板盛載，以少量沙律菜伴碟。定食還包括一碗煙韌香口的日本飯，昆布湯，胡麻豆腐和小蕃茄。吉列牛鮮嫩多汁，外面一層薄薄的蛋漿麵粉，提供香脆的口感，又不會搶去牛肉的鮮味。至於牛肉幾成熟，完全掌握在客人手裏，而無論半熟還是全熟，吉列牛仍然十分美味，肉質仍然不會韌，甚至聽說吉列牛要燒至外面少少焦，才是最美味。吉列牛本身已經腌制過，但我更愛沾芥末醬吃，減低油膩，而且甜甜的更開胃。吉列牛一份要價$148，與同類餐廳比價算便宜，牛肉份量多且美味，食得過！咖喱忌廉烏冬吉列牛忌廉烏冬專門店，除了吉列牛，另一樣招牌菜當然是忌廉烏冬。上菜時只見雪白的忌廉和上面幾粒的香葱，原來下面別有洞天，夾起全是冒煙的咖喱烏冬，香氣十足，馬上刺激食慾。咖喱烏冬吃落也很香，帶點甜，不會辣，烏冬麵質軟滑，忌廉本身沒有味道，但令烏冬更滑更美味。kobekyu秘製蛋卷我很愛吃蛋卷， kobekyu秘製蛋卷更是無法抗拒。秘製蛋卷一客份量不少，切成六件，表面煎成金黃，內𥚃滿是邪惡的流心芝士，拉起芝士拉絲的時候，實在令人興奮。卷蛋外面煎得金香，內𥚃口感嫩滑，配上啖啖的芝士，趁熱吃最美味。kobekyu滋味單骨雞翼最後是kobekyu滋味單骨雞翼，一客起碼有4至5隻雞翼，炸至金黃色，再沾上味粉。單骨雞翼因為是單骨，食用較方便，味道方面，蜜糖芥末味最突出，似乎又有孜然粉的味道，十分惹味，男朋友十分喜愛。吃完感覺好抵吃和很美味，吃過翻尋味！值得推薦！Menu…Read More

之前小編黎過「吉列牛忌廉烏冬專門店 」食晚市套餐，覺得幾抵食， 所以今次就帶小妹黎試下佢嘅午餐～😏 食物種類多左好多， 除左主打吉列牛定食和忌廉烏冬外， 仲有茶漬飯、釜飯、涮涮鍋和小食。 上次食過咖哩忌廉烏冬（$78）咁好食， 梗係要食過返尋味啦！😏 白雪雪好似一嚿雲☁️嘅忌廉包住烏冬， 面層係特製薯蓉忌廉，重奶香，厚又滑， 底層係咖喱烏冬， 食前先將忌廉和咖喱烏冬拌勻， 忌廉沾上每條烏冬， 香甜嘅日式咖喱，配上厚滑忌廉， 口感比一般忌廉creamy得多！😚 裏面仲有幾件煮至七成熟嘅牛肩脊，肉香軟腍。😋 原條鰻魚蟹籽釜飯（$128） 原條鰻魚外皮烤得香脆可口， 塗上香甜鰻魚汁，好滋味呀！ 蟹籽份量超多，多到好似唔洗錢咁，😍😂 和其他配料如紫菜和蛋絲一起吃， 味道和口感更為豐富！👍🏾 小編和小妹就最愛蛋卷啦！ 逢蛋卷必叫嘅我地就點左Kobekyu秘製蛋卷（$68）， 唔好睇佢外表平平無奇，其實暗藏玄機！ 裏面有超多芝士，超拉絲derrr！😍 外皮煎得香口，內裏保持嫩滑， 好邪悪嘅蛋卷呀！😋 Kobekyu滋味單骨雞翼（$65） 雞翼新鮮炸起，熱辣辣，🔥 外皮炸脆，中間肉質鮮嫩多汁， 上面沾上大量芝士粉和自家調味粉， 微辣惹味！ 加上單骨雞翼食起嚟超方便， 啱晒小妹夠懶！🙊😂 跟餐仲可以升級轉特飲！ 蜂蜜菊花蜜 菊花蜜清甜， 蜂蜜更能帶出菊花香， 值得一試！😏 …Read More

吉列豬扒食得多，但依家連吉列牛都有～同埋係來自韓國，唔係日本，期待！每一枱都已經放左小火爐鐵板係到吉列牛定食 $148吉列牛上枱見到每塊仲係紅當當，想要幾多成熟自己話事，我就中意食生啲，兩邊各燒3-5秒就食，炸粉勁薄但又唔會唔夠香口！牛肉嫩滑！食完一舊接一舊咖哩忌廉烏冬(牛/雞)   $78個賣相好似好一般，唔吸引咁，但一撈，入面烏冬已經有滿滿咖喱，好creamy，咖哩唔辣但不失其香，烏冬彈牙，一個人食可能有啲膩，同朋友share就岩岩好Kobekyu秘製蛋卷　$68個人覺得正常芝士蛋卷都會整得好食，因為芝士，而呢間都唔例外，芝士就係算多，不斷拉到絲紫薯Latte $45呢個就好一般，有紫薯味但好淡……而且都比較稀、比較水，可以不用點平心而論野食係唔錯，由其係個吉列牛，可惜一點既係，店員態度好一般，廁所好似蒸爐咁焗………Read More

上星期到銅鑼灣看戲前，來到吉列牛忌廉烏冬專門店吃日韓fusion晚餐。裝潢簡潔明亮，格調舒服，不過因為枱面要放烤爐，所以放滿食物之後，就顯得略為淺窄。餐牌主打吉列牛定食及忌廉烏冬，套餐會比散叫抵食。小食款式不算少。Kobekyu秘製蛋卷 $68將熱騰騰的蛋漿層層捲起，內層入口吃起來柔嫩濕潤，每一口裹滿濃郁蛋香。一咬開流心芝士就會緩緩流出，芝味無窮，不過記得要趁熱食，否則芝士就會開始凝固，就沒有流心效果的了。南瓜薯餅 $38薯餅外層炸得金黃酥脆，不過略嫌炸漿厚了點。即叫即炸，非常熱辣辣，內裡的南瓜餡料入口軟綿，充滿粉糯甜香。咖喱忌廉烏冬 (小辣) 表面舖滿白皚皚的忌廉，猶如一片萬里雪飄的雪地，質地有別於平時吃甜品上的忌廉，相對比較稀身。裡面藏著咖哩烏冬，吃前先把兩者拌勻，讓每條口感彈牙的烏冬都沾上忌廉，入口份外香滑，也可中和咖喱的辣度，不過吃到尾時就會覺得有少許膩。吉列牛定食這份定食十分豐富，包括吉列牛、前菜、味噌湯和一大碗飯，我自己就覺得飯量太多而吃不完，幸好這天有人為我包底 吉列牛表面塗上薄薄的炸漿，一上枱時就是外面脆皮而中間保持生的狀態。然後可根據自己喜好再烤多幾分鐘，決定生熟程度。其實平時我都不太喜歡吃牛肉，不過難得這個皮脆肉熟的吉列牛肉質夠腍沒渣，不會過韌，就算煮久了口感仍然細嫩，肉汁豐腴，用來拌飯吃極之開胃。套餐附上兩罐汽水，另加 $8 就可轉韓國蜂蜜紅棗茶。…Read More