餐廳：The Corner Coffee地點：灣仔駱克道（到樓下先按門鐘1A ，等服務員開門比你。）菜式：樓上咖啡室，好似一個共享工作間餐牌：多款咖啡，茶，奶，梳打，主食（飯，漢堡，比薩，全日早餐），健康食品（Bagel，麵包，小食），同甜品。蒲燒鰻魚飯定食 $118呢個蒲燒鰻魚飯定食係期間限定。用一個金屬飯盒裝住上枱，好有帶飯返工既感覺。鰻魚一開6片，熱辣辣，好淋而鰻魚汁豐富，面頭灑上紫菜粉同白芝麻粒，伴有滑溜糖心蛋一開二。飯面有紫菜絲，飯量唔會太多或者太少。配日式味噌昆布湯同沙律。日式味噌昆布湯好大碗，有不少昆布同豆腐粒。沙律係沙律雜菜加車厘茄同胡麻醬。Cheesy Beef Burger with Truffle Sauce French Fries $98漢堡包用紙半包住，面頭塊包滿佈白芝麻粒，又香又鬆軟而皮脆，下底搽滿牛油。下面係一大塊厚身漢堡扒，加上芝士同辣汁，下底墊有番茄片同生菜片。漢堡扒好多汁，唔會一味死實，味道好好。成個漢堡夠汁，完全唔乾，好味道。伴有好多薯條，係粗身既，估唔到都熱辣辣，好有澱粉感覺，面頭灑上少少鹽花，配另上既滑溜香香松露醬好好味。Hong Kong Egg Waffle with Vegan Ice-cream $78一底14粒港式雞蛋仔中間有一大杯純素雪糕。雪糕我揀左焙茶，另外仲有豆腐同抹茶口味可選。雞蛋仔放耐左都好脆，配滑溜雪糕食好正。雪糕味道唔錯，份量剛好餸嗮所有雞蛋仔。面頭灑上腰果碎同酸甜莓乾，更加添口感味道。呢個甜品必試。Peanut Butter Latte $57Peanut Butter Latte色水呈淺啡色，質感好滑溜而帶少少花生幼細粒，味道好正，絕對係花生醬味，不過唔會太膩。下底仲有少少花生碎。Yuzu Soda $50Yuzu Soda大大杯，有好多柚子皮係底，杯邊有一片西柚，可以食埋。飲落氣量適中，唔會太甜。真係好驚喜呢度既食物質素咁高。餐枱座位以木造，感覺舒服，隔離就係賣野既貨架，等食既時候仲可以shopping。#The Corner Coffee#灣仔駱克道150-158號祥友大廈1樓#灣仔cafe#灣仔美食#香港cafe…Read More
