Tajimaya (Millennium City 5 (apm))

作為蕃茄愛好者，見到但馬屋最新推出嘅夏日蕃茄壽喜燒限定MENU，即刻約埋同樣愛好蕃茄嘅朋友仔黎食下😆今次揀左北海道夢之大地豚放題套餐($299/位)，任飲任食90分鐘，有主打嘅北海道夢之大地豚梅肉/西冷之外，仲有澳洲產長期穀飼牛😎裝修環境日式風格，以木系為主，呢到係一人一鍋設計，咁就唔怕同朋友口味不夾嘅問題👍🏻主要掃QR落單叫肉之外，另外出面自助區有好多野可以拎，有蔬菜、丸類、烏冬麵類等等，種類選擇都唔少，而且見D食材都幾新鮮😄調味醬料區同樣地多選擇，見到有冰青金桔，18禁辣醬等，都幾得意😆飲品有唔同嘅罐裝飲品，汽水、茶類都有，見到仲有自家製蘋果汁，味道清新😋先送上蕃茄壽喜燒鍋，見到滿滿嘅野菜放喺個鍋入面，然後職員會好細心幫手將D肉類沿住鍋圈鋪喺野菜上面，再倒入以新鮮蕃茄熬成嘅自家製壽喜燒汁，味道濃郁而唔會過鹹，酸酸甜甜，好開胃😍簡簡單單嘅蕃茄、冬瓜、秋葵、蟹味菇、蓮藕、洋蔥等吸收左醬汁嘅精華後，勁惹味🤤北海道夢之大地豚梅肉、北海道夢之大地豚西冷：呢到因為係用北海道豚肉，所以質素非常高😍切得薄身，肥瘦比例剛剛好，油花均勻，入口即溶而且唔會有油膩感。豚味香兼帶點甜味😋澳洲產長期穀飼牛：雖然佢係蕃茄壽喜燒裡面最平嘅套餐肉類，但質素都已經好好，除左因為係澳洲產之外，再加上用長期穀飼嘅方法飼養出黎，所以牛肉品質更為穩定，彈牙而且有D油花分佈，入口多汁而且唔會有筋，牛味濃郁再配合埋蕃茄壽喜燒汁黎食相當一流🤤就算叫多幾ROUND D肉依然高質👍🏻補張合照🤩最後當然出面拎Haagen-Dazs雪糕慢慢嘆😎一共有4款口味，分別為焦糖脆餅、芒果、夏威夷果仁、藍莓撻、可以一次過食晒咁多款口味，非常滿足🥰食完埋單之後仲有個千本引嘅拉繩遊戲，喺抽獎箱上面拎住一條繩，職員就會打開箱睇下中咩禮品，為客人帶來多一份樂趣，幾有心思🥰蕃茄壽喜燒質素非常高🤩用上優質靚牛肉豚肉同配料，再加上Haagen-Dazs雪糕任食，呢個價錢相當超值，值得推薦😋留意返都幾多人食，所以最好記得訂定位拎定飛，如果唔係有排先有得食😂補MENU…Read More

今晚去咗觀塘APM商場4樓嘅「但馬屋」食放題，為咗唔想等太耐位，所以未夠6:00PM，已經到咗餐廳，用餐時間(依入坐時間計) 90分鐘這間放題提供一人一鍋，有5款湯底供客人選擇，我今次揀咗「美肌鍋」；放題則揀咗「澳洲產長期穀飼牛放題套餐 $199」，任食肉類有以下3款1️⃣ 澳洲產長期穀飼牛2️⃣ 嚴選牛肉3️⃣ 丹麥皇冠豚肉另外，火鍋配料及Häagen-Dazs雪糕可於自助吧自取任食總結：一人一鍋的確係一個賣點，讓食客可以放心享用美食，又可以揀自己鍾意嘅湯底價格💰：每位平均 $219 ($199 + 服務費$19.9)味道😋：OK…Read More

平時一人一鍋多數只出現在連鎖式快餐店，不過上星期到觀塘apm 時，見到但馬屋日式火鍋都有供應一人一鍋打邊爐任食放題。店內環境光猛整潔，不過面積不大，座位略為淺窄，幸好早來了，過了七時都已經滿座，就連平日的晚飯時段也需要等位。放題限時90分鐘，這次我就選了有牛又有豬的日本產和牛及黑豚放題套餐 $299。一人一鍋的好處就是可隨自己喜好選擇湯底，毋須刻意遷就而叫鴛鴦湯底，也不用擔心別人灼煮自己不喜愛的食品而破壞了整鍋湯的味道。醬料自助櫃亦可方便人客自行混醬，混出最適合自己的口味。我自選了美肌鍋，其實就是雞湯湯底，鮮甜香濃，湯頭的濃厚度，感覺就像喝了一整碗的膠原蛋白。家人選了意式蕃茄芝士鍋，番茄湯底味道酸酸甜甜，不過芝士味偏淡。日本產和牛色澤嫩紅，切得大小均一，一碟份量亦不少，脂肪比例平均，肥瘦勻稱。平時我都不算特別喜歡吃牛肉，但難得今次的和牛算是高質，肉質細嫩富油香，肉味濃郁，就算不小心放在鍋內過久，也不會令牛肉變得過韌。不過之後再追加多一盤和牛，質素開始走樣，肉質相對較韌，只是一般的火鍋肥牛貨色。黑豚肉切得薄片，肥瘦適中，口感柔嫩。黑豚肉肉汁香甜，絕非普通豬肉可相比。自助吧有多種丸類及蔬菜自由選擇。丸類質素不俗，口感彈性爽口，魚柳雪白滑嫩。芝心丸內裡盡是香滑濃郁的流心芝士，各位芝士控不要錯過。雞肉滑嫩不鞋口，沒有絲毫雪味。打邊爐的其中一個好處就是可以比平時出街食飯，食到更多蔬菜類，很難得打邊爐提供superfood 羽衣甘藍及蟲草花。飲品可於自助吧自斟自飲，有雜果賓治、橙汁，竹蔗汁和蘋果汁。打邊爐就最適合來一杯清熱的竹蔗汁。不想喝凍飲的話，也可選擇綠茶或玄米茶。任食Häagen-Dazs雪糕更是邪惡誘惑，這晚還有我最愛的焦糖脆餅味，超滿足 ^o^…Read More

星期五嘅晚上，預先打電話訂咗枱，訂枱嘅時候話要準時否則會被取消，提早左5分鐘到但係唔係準時入席，兩人座位好似吉野家咁迫，仲不過吉野家添，咁一開始叫咗澳洲本地牛嘅套餐，未入座之前已經被問預先叫左個湯底，分別叫咗甘露鍋同埋蕃茄芝士鍋，5分鐘後就上左兩碟牛同一碟豚肉，兩碟牛都係瘦牛，之後叫多兩碟牛依然都係好瘦嘅牛，再叫多一碟牛叫佢要肥啲嘅終於變返正常嘅肥牛⋯⋯佢嘅菜種類都幾多，嘢飲都好多選擇，仲有Haagen-Dazs雪糕添，見到隔離枱90分鐘即刻有店員提醒話夠鐘，最後仲收埋未食嘅牛添，總括而言個人應為食得有啲趕同埋牛唔係太好味，雖然飲品同菜種類多但應該試一次就夠，主要因為太快餐店形式，見到有人食日本嘅和牛但係張枱咁細就算係90分鐘放題都食得唔舒服啦我寧願食吉野家…Read More