。由於我哋嚟到都成兩點幾，所以，食晏嘅客人漸少，隨意都搵到位，只喺近外圍熱門啲嘅「茶座」位就座無虛席。大家都知「大館」喺活化嘅古蹟，而「匡智小館」所處嘅建築本身喺作監倉之用，故內裡嘅一石一磚都滲出歷史嘅「味道」
。小弟因工作關係，對「匡智會」有少許認識，但對大部分人嚟講，只知呢度喺間社企餐廳，簡單就以佢哋嘅口號嚟描述，就喺「匡扶智障」。而為咗讓公眾對「匡知會」及「匡智小館」有更多認識，枱上就正正對此作出簡單介紹，等待食物送嚟時，就不妨花點時間認識佢哋。雖然快到2:30pm可以揀佢哋啲下午茶餐，但價錢跟午餐又唔喺差好多，選擇亦較少，故此就趁仲喺午餐時段食番午餐。一共有5款選擇，輕怡可揀沙律，重口味有咖喱雞，食肉嘅可以揀豬扒或牛肉漢堡，定價$78-$133，包餐湯及基本餐飲，另收加一服務費。
是日餐湯
白色一片以為喺一般嘅忌廉湯，飲落有微微菜味，其實小弟飲完整碗都唔喺好飲得出咩味，但質感好滑溜，唔會有粉粒，帶點薑味，最後都喺要問一問店長，原來喺椰菜花忌廉薑湯。意大利香草包配餐湯嘅唔喺求其一個餐包，而喺意大利香草包「Focaccia」，喺小弟心水包款之一，包身鬆軟帶微微香草香。馬蘇里拉芝士及車打芝士焗通心粉配慢煮牛面肉 $118其中一款主菜睇中呢個焗通心粉，皆為配上慢煮牛面肉。唔講得笑，原碟焗，所以，侍應千叮萬囑咪掂面碟。咪睇佢好似普普通通，味道超好食，老婆仲勁讚。啲通粉做到極具咬口，加入大量馬蘇里拉芝士，拉出絲絲「芝」味，卻又唔會太重，而面頭再灑上車打芝士，即喺橙橙哋嗰啲，增加芝士嘅香氣；而啲牛面肉口感非常腍滑鬆軟，又富肉香，配合啲「芝通」，真喺好夾。D倉咖喱雞 $133咖喱雞咪咖喱雞囉，何解加上「D倉」兩個字？以初時睇餐牌都不明所以，以為單純因佢座落D倉建築內，後來坐落再睇睇枱上嘅掛牌，就有詳細介紹喇。原來，呢道菜更喺廚師推介添。餐牌就無寫，店員會話你知可以配飯、意粉或印度烤餅。最抵死喺個不銹鋼托盤，仲伴埋鮮菠蘿片、提子乾、蘋果片。啲咖喱確喺幾香，混有唔同香料，有種層次感，不過，頗辣，餐牌裡只畫有一隻辣椒實在低估
。然而，好欣賞啲雞喺先炸香，再去煮，肉質保持嫩滑，不愧為廚師推介。焦糖鮮奶咖啡 +$4、熱檸水鮮奶咖啡就沖得普普通通咁啦，但還好嘅喺咖啡底幾醇香，大大杯只喺加多4蚊雞，都抵飲啦。雖然，我哋最後無食佢啲甜品，因為等陣會去食雪糕，但都貼出佢哋嘅甜點餐牌俾大家參考。此外，開放式廚房前，仲放置咗個餅櫃，望落都幾吸引架。文初都話過佢喺值得幫襯，食完之後，唔單因為佢喺一家社企，更因為佢哋做嘅菜確喺有質素，中環區而言，仲喺古蹟之內，定價唔貴囉，喺「智」佳之選。店員嘅招呼都好好，有個智障嘅妹好，都感受到佢都好用心去招呼客人！…Read More
