Read full review
2021-05-03
2223 views
灣仔嘅永豐街、星街、聖佛蘭士街一圈，向來都被喻為一個外國小社區嘅縮影，除外國人特別多之外，亦有好多富特色嘅餐飲小店。今晚趁空同老婆拍拍拖，出去撐撐枱腳，選上「Le Garçon Saigon」，一家主打越南菜，卻帶有法式風情嘅環境。其實，我哋前後到訪過越南兩次，兩次都自由行，對越感嘅感覺唔錯，疫情下無得出遠門，趁今次，食咗就當去咗！ 餐廳分兩個區域，右邊嘅「下層」喺酒吧區，明顯一列吧枱就唔使多形容，不過，亦有數張餐枱供就餐用。 而左邊嘅「上層」，就喺主用餐區，湖水綠襯白，格仔地磚，藤椅配白色雲石餐枱，無傳統越南餐廳嘅框框，反而，好有一派法國餐廳嘅風情。眾所周知，越南曾經喺法國殖民地，當地本身亦有唔少法國餐廳。整體感覺悠閒舒服，更配以大大塊透明膠樣做阻隔，既有防疫之效，又唔會太影響餐廳嘅環境觀感。 當然，佢哋都喺賣越南菜，枱上嘅餐具就放上餐碟同筷子啦，而晌昏暗嘅燈光下，枱上小小嘅蠟燭燈，就令氣氛更富情調。 食物方面（餐牌唔喺影得太清楚，見諒），亦有別一貫嘅越南菜，唔喺啲慣常所見嘅法包呀、湯檬、牛油雞翼呀……，比較有種融和法國風嘅菜式。大類可分為烤類、炒類、米紙卷類、小碟及小食類。 另一張
餐廳分兩個區域，右邊嘅「下層」喺酒吧區，明顯一列吧枱就唔使多形容，不過，亦有數張餐枱供就餐用。
而左邊嘅「上層」，就喺主用餐區，湖水綠襯白，格仔地磚，藤椅配白色雲石餐枱，無傳統越南餐廳嘅框框，反而，好有一派法國餐廳嘅風情。眾所周知，越南曾經喺法國殖民地，當地本身亦有唔少法國餐廳。整體感覺悠閒舒服，更配以大大塊透明膠樣做阻隔，既有防疫之效，又唔會太影響餐廳嘅環境觀感。
當然，佢哋都喺賣越南菜，枱上嘅餐具就放上餐碟同筷子啦，而晌昏暗嘅燈光下，枱上小小嘅蠟燭燈，就令氣氛更富情調。
食物方面（餐牌唔喺影得太清楚，見諒），亦有別一貫嘅越南菜，唔喺啲慣常所見嘅法包呀、湯檬、牛油雞翼呀……，比較有種融和法國風嘅菜式。大類可分為烤類、炒類、米紙卷類、小碟及小食類。
另一張喺飲品餐牌，底面兩頁，都喺以酒類飲品為主，亦有少少非酒類飲品供選擇。順帶一提，店內侍應全都喺外藉人士，顧客群亦以外藉人士居多，所以，氣氛比較熾熱。
Mango Juice $68、Grapefruit Juice $58我倆都揀咗果汁，果汁都喺鮮榨嘅，亦唔會溝其他嘢，所以，入口唔單止喺原汁原味，更喺超濃郁。就以小弟揀嘅芒果汁為例，雖然唔知喺用上邊一款芒果，但果香味濃，極之清甜，加一片蕃石榴片作點綴，自不然加多少少印象分啦。
Mango Juice、Grapefruit Juice
28 views
0 likes
0 comments
先登場喺一道「鰤魚他他」，咩喺鰤魚？咪即喺油甘魚囉，哈哈！咪以為就咁切碎啲魚生就喺，睇番餐牌，仲加入好多材料，包括柚子、青瓜粒、青蔥、芫荽，加上酸酸辣辣嘅蕃茄香辣醬汁，所以，無論食味，抑或口感，都豐富而有層次；再者，油甘魚本身油脂夠足，肉質帶點黏，做成他他就已經幾好食。
此外，大廚更將道他他配上黑芝麻米餅，米餅非常之脆口，並充滿芝麻香氣，放上大量他他，別有一番滋味。
Crispy Eggplant $108 第二道屬「小炒」菜式，亦喺是日最討老婆歡心嘅菜式，一來老婆偏素，呢道菜開正佢嗰瓣，二來喺食起嚟茄子嘅口感好有驚喜。其實，單睇賣相，就好似一般小炒咁，一堆雜菜炒茄子，平平無奇，但呢道菜絕對喺深藏不露。
Crispy Eggplant
$108
22 views
0 likes
0 comments
Wok-fried Clams $208 再嚟亦喺一道「小炒」菜式，店長推介我哋試試，喺因為嚟咗一批好靚嘅托托蜆，曾經都食過一次，不過，應該喺久遠嘅事。店長介紹時，話用上咖喱葉、青蔥、蒜頭、辣椒去炒，非常香口惹味，更伴有濱海墊底，喺一道幾有趣嘅菜式。
Wok-fried Clams
$208
21 views
0 likes
0 comments
Ca Phe Sua Pork Ribs $258 最後一道菜式，亦喺店長推介，甚有法國菜風情，卻加有越南菜嘅元素，因為喺以越南咖啡去烤豬肋骨，並沾滿黑白芝麻，更伴有一啲醃蘿蔔，賣相精巧，卻蘊藏心思。
Ca Phe Sua Pork Ribs
$258
21 views
0 likes
0 comments
專登配上切肉嘅餐刀，而豬肋骨烤得肉質超鬆化，輕易就切到出嚟，既有咖啡嘅醇香味，又有芝麻嘅香氣，極之有特色，更有啲燶位脆邊嘅效果；配上嘅醃蘿蔔，酸香醒神，正正平衡番豬肋骨嘅重味感。
Che $98餐廳有甜點供應，詳情可向店員查詢，佢哋建議我哋試試呢一款以西米做底，加入紅火龍果、奇異果、粟米片，再伴上一球椰子雪糕而成嘅甜點，大大碗夠晒我哋二人共享。
Che
$98
30 views
0 likes
0 comments
餐廳定位都喺中高檔之間，所以，除環境好之外，服務亦好到位、熨貼，店員除好有禮之外，對菜式都好有認識，介紹菜式時都好用心，唯小弟嘅英文喺有限公司，否則，可以同店長有更多互動、更多交流。
Post
