閒日的lunch set分一人餐(每位$98)和二人餐(每位$68)。二人lunch set，包兩個前菜(湯/沙律)，一個主菜，兩杯汽水(加$10可轉果汁、無限添飲檸茶等等)首先來的是餐湯 - 西蘭花忌廉湯西蘭花接近完全溶到湯裡，只看到一點點綠色。pizza hut的高水準是由餐湯開始，口感好滑，而配的餐包也十分軟身，可以沾上湯一起吃。二人餐我們選了辣肉腸pizza做主菜。嗯......我本人雖然會食下辣野，但接受到的辣度其實算低。呢個辣肉腸pizza我覺得大概係1.5隻辣椒咁辣，會辣到我要係咁飲水。pizza express用得pizza做店名，pizza當然是他們的拿手好戲，薄餅餅身薄得黎又脆又有咬口。最重要係食完兩件，都唔會飽到食唔落其他野!其實大家睇下張相，都知佢地用料好足，去到個薄餅邊都鋪滿左配料。
散叫的意粉 - Carbonara除了pizza, 意粉亦是很高水準。麵條的軟硬度適中，醬汁夠多，個意粉唔會越食越乾身。Carbonara的配料不難處理，所以主要好食同唔好食，好多時都取決於個汁。有些太濕有些太乾，今次呢個我就覺得剛剛好
閒日的lunch，主要客人都是附近的上班族，大概都是維持半滿的狀態，不會覺得擠迫。本身餐廳樓底高，增加了空間感，整個用餐時間都感覺到一份優閒。 而pizza express一向的食物水準和服務都十分高，這間分店即使才開張不久，但絕對維持到集團的一貫質素，值得一讚 不論lunch或dinner，pizza express絕對是食物和環境都屬中高質素的好選擇 …Read More
