Fete Up (Wyndham Street) (Closed)

辦公室長期勁凍，喺中環想食健康d大部分都係得凍冰冰嘅沙律。而呢間完全符合我嘅心水，蔬菜唔會凍冰冰，飯暖暖哋食完又飽又舒服! 椰子飯超正，比糙米出色好多。有大量5色蔬菜，少少澱粉量啱啱好，所以唔會好似食空氣咁，加左雞髀扒有足夠蛋白質，仲有少少亞麻籽，外面真係好小有，而且budget非常合適，中環黎講性價比高。行斜路上去唔容易，但係比機會你郁動下，因為好食，呢個係最大動力。網上搵到原來係星加坡大廚主理，超愛團隊們嘅可持續性發展理念，希望可以開多d分店，多d款式，以高性價比繼續行落去。…Read More

有次無意中發現 Fringe Club 對面有間抵食沙律。我次次都揀 Build Your Own Bowl ($58起)。飯底通常要 coconut rice，係落咗少少鹽嘅椰漿飯，好香。5種基本蔬菜有：羽衣甘藍，南瓜，蕃茄仔，沙葛 (jicama)，紫洋蔥我慣咗轉沙葛做酸蘿蔔，再轉紫洋蔥做紅菜頭 (beetroot)。蛋白質方面，有時有推出西蘭花同椰菜花，我特別鍾意西蘭花，烘完好香又爽脆有咬口，絕對有驚喜。如果賣晒呢個雙花素食之選，我就會揀雞肉餅 (chicken patty) 或者加$10換隻雞髀肉，雞髀皮唔知焗定係炸到好香，我平時食雞係會飛皮，但都忍唔到口要食埋佢。另外，南瓜都好推薦，又軟又甜似蕃薯——希望鋪頭入多啲貨，到時唔只有Extra Protein揀，可以有埋Extra Fibre揀就最好雖然店內有枱櫈可以堂食，不過晏晝都幾多人，所以買返office慢慢食。…Read More