Burger Joys (De Fenwick)

Open Now

Now Closed

餐廳面積唔算大，坐位數目唔多，格調好似酒吧🍻 咁，有幾部大電視比客人睇波，到夜晚仲會熄少少燈造就氣氛。.🍔 我地分別叫咗兩個芝士牛肉漢堡，另加Blue Cheese🧀。包身非常出色—外帶微脆，內裡鬆軟兼帶牛油香，絕對值得一讚👍🏻。漢堡配料充足，蕃茄、生菜、芝士、洋蔥、酸瓜樣樣齊，Blue Cheese份量亦非常豐盛，但相對味道亦過於濃烈，遮蓋咗漢堡肉味😫。如果喺英國食過GBK的話就會覺得呢個漢堡冇太大驚喜感，而且GBK比例亦拿挰得更好💔.🍟 薯條係幼薯，但可能因為炸得太耐，質感偏乾硬😖。.🍗 水牛雞翼味道帶酸辣🌶️，的確惹味。但係又係因為煮得太耐，收緊曬肉汁，肉質唔夠鮮嫩，略為難咬😔。.🥛 奶昔分別叫咗曲奇🍪同士多啤梨🍓，疑似過度打發，質感偏水狀，士多啤梨奶昔甜度過甜。.💬 總結：對呢間號稱入選「全球50間最佳漢堡店」實在係過份期待，有啲失望😿，完全係名過於實呢💔。因為佢Blue Cheese比例實在拿捏唔夠好，令到整體味道失準，如果想去嘅朋友仔叫返佢主打嘅Double Cheese Burger可能會比較好，另外可能我地唔好彩，兩款小食都煮得太耐，影響質感😅。我地因為咩都想試下所以兩個

適逢Burger Joys 搞Giveaway，只要身分證有1或5就可以得到6隻雞翼。有齊1同5仲可以得到漢堡！我就中得1個字，就趁今朝係灣仔，11點鐘就過去食。三款雞翼，我揀左Buffalo Wings，原價都要$59六隻架。落左單都等左15分鐘先有，睇得出係即叫即整。期間就係梳化位睇下波先。Buffalo汁酸酸辣辣，幾似魚蛋燒賣檔啲辣醬，超啱我心水！雞翼好厚肉，啖啖肉！旁邊仲有紅蘿蔔同西芹條，配sour cream，平衡番咁多肉類。

今晚特登返灣仔搵舊同事食飯。之前返lee邊一直都未試過，今次一於齊齊去酒吧街尋「堡」啦喂～雖然門面唔算好大，但唔難搵。鋪面都唔算好大，但好骨子，而且都係高腳凳同吧檯，感覺好relax～ 附近好多鬼收工都會過來飲返杯。點餐可以選擇自助形式，行出cashier又或者舉舉手，侍應就會行埋來為你落單。今晚唔飲得酒，揀咗lee杯mocktail，好fruity。舊同事都揀咗無酒精飲品，朱古力味香濃，d cream多到滿瀉😂侍應奉上嘅時候，迎面撲來誘人嘅黑松露味，眞係口水都流😋。沾上黑松露嘅熱辣辣脆薯條，越食越開胃。麵包厚身但非常鬆軟！食得出雞肉煎香過，我好鍾意食雞皮，d雞皮好香脆。配上醬汁，生菜青瓜，每一啖都係享受。話明來尋堡，又點可以唔試signature嘅double cheese! 眞係不負眾望，double嘅唔單止係cheese，仲有juicy嘅牛肉。要輕輕平壓一下，大大啖先可以一次過食到全部食材。要開，見到微紅嘅肉，就知道烹煮時間啱啱好。酸瓜好醒胃！食完burger，雙手都沾有醬汁，侍應見到我咁論盡，主動送上濕紙巾。眞係好貼心吖～一人一個大大隻burger之後我哋再追加咗一份buffa

Burger joys不嬲都係我最鍾意既burger。今次新出左和牛漢堡，一定要試下。Hiro burger ($188)呢個日本風既和牛漢堡，包身超厚份量十足。包身軟熟，搽上牛油烘得香口。中間夾上沙律醬拌上椰菜絲，仲有一層酸瓜同焗得半溶既芝士。重點和牛漢堡，肉質超滑嫩，口感唔鞋口。肉質好加上大量椰菜絲，令到厚厚既漢堡食落一啲都唔膩。好好食，不愧係我最愛既burger店。Fish Burger ($88)呢個fish burger係食過最正的。包身烘得香脆，豐牛油香。炸魚柳外面超香脆，唔會好過平時咁炸得過硬。但魚肉超嫩滑，一硬一嫩口感一流。中間夾上半溶芝士、蕃茄，但醬汁略為太少乾身左少少。整體雖然簡單但質素高。Classic Buffalo Wings ($58 for 6 pieces)食burger之餘都想食啲小食，水牛城雞翼就岩哂。雞翼新鮮熱辣整起，肉質嫩滑。加上外面香辣既醬汁，惹味香口。如果醬汁再香甜啲就食唔停啦。Onion Rings 洋蔥圈表皮好脆口，裡面洋蔥好林身。但略為有少少油膩。

自從喺九龍區工作, 好耐無到港島區食飯啦今日約咗個灣仔返工的朋友. 所以揀咗附近一間open rice評語都幾好的bar由於今日星期五～Happy Friday~好多人第二日唔洗返工，成條街的bar都好多客人，亦都有好多人行出條行人路飲野食野, 氣氛都幾好. 但就無LKF/諾士佛臺咁擠湧。Burger Joys鋪面比較細, 我地同隔離枱距離都幾近, 不過就唔會好聽到隔離枱啲人講乜野嘅。我地兩個人就各自點咗個signature double cheese burger. 再點左碟buffalo wings, 一杯cookies & cream milk shake同一杯virgin sex on the beach。個burger一上枱就聞到好香。兩塊漢堡都好juicy, 加埋兩塊溶溶地嘅芝士，口感一流，超邪惡但又好香好正。用黎盛托burger嘅紙盒仔嘅設計都幾貼心，無咁易整污糟隻手。食得好似無咁狼狽。又甜又辣的Buffalo wings係我至愛。一個人食六隻都得。我覺得佢呢個buffalo wings優勝嘅地方係佢夠多汁。放咗上枱依然見到雞翼表面好多汁，所以食嘅時候會連埋好多汁一齊食到

今晚，老公話帶我食好野，初頭以為佢想飲啤酒，點知入到店內，原來佢想食burger。老公首先點了一客buffalo wing, 一黎既時候見到雞翼面上浸滿了一浸橙色的醬汁，食落起初酸酸辣辣，非常醒胃，後來得知係用上辣椒仔來做醬汁，加上雞翼烤得非常金黃香脆，食落非常香脆惹味。之後，我就叫了一個cheese burger, 個包皮不但香軟爽滑，而且那塊3吋厚的牛肉漢堡扒，不但燒得非常合時，而且肉汁非常juicy, 有別一般店鋪的漢堡包，加上新鮮的酸青瓜，生菜，蕃咖，同大大塊芝士，令到口感非常可口，肥而不膩。而老公就點了fish burger, 那塊魚柳非常大，不但用上深海魚柳製成，加上千島沙津醬汁，酸酸甜甜，入口香脆無比，確是值得一食的burger。總括來說，這間burger店係24小時營業，如果開OT的話，來到這裡確實可以放鬆心情，因為激烈的音樂可以令腦部休息。

沿途經過酒吧街大多都係外藉人士走入burger joys 好感受到外國風情👱店面唔大 但食物仍有唔少選擇 首先係主菜 signature double cheese burger由於見係signature 所以就試下burger皮好鬆軟 唔會好乾牛肉都比較軟 唔會好韌肉汁都唔錯 再配上醬汁再加啲令人感到清新返啲嘅蕃茄酸瓜同生菜唔會令人感到太濟 但好夠飽依個雞翼搽滿醬醬個味有啲似辣椒醬 再刺鼻啲所以鍾意食酸辣嘅人會啱食我個人嚟講就覺得個味道太刺激幼身薯條 再加芝士醬burger店嘅常見菜式奶味好夠 非常creamy飲落好滑 對於愛甜愛草莓嘅人 應該會好鍾意依個milkshake有時大家放工之後或者係happy Friday依度都係比大家輕鬆下 飲杯酒 唔錯嘅地方

這天放工後又要來到灣仔上課，對於新舊對立感強的灣仔區，特別鍾愛這條小小的酒吧街，不像中環蘭桂坊般熱鬧，卻深受附近上班的外藉人士歡迎。 典型的酒吧間隔，面向商廈林立的駱克道，下午happy hour時光，有一份說不出的恬靜。礙於待會兒要上課，不可以沾上酒精，來杯咖啡也不錯。 凱薩沙律盒很大，用上可循環再用的膠盒盛載，適合上班族外帶下午茶。沙律菜不會切得太碎，有很豐富的芝士和面包粒。附上沙律醬，不過略嫌稠身。 炸洋蔥圈，炸得有點燶，不過咬開是新鮮洋蔥圈，而且吃落爽脆，值得一讚。buffalo wings 面頭沾滿了酸辣醬汁，酸味很重，味蕾衝擊很大，吃落非常開胃。雞肉嫰滑，旁邊亦附上蔬菜條，可以讓人紓緩一下舌頭的感覺。 點來這裡的招牌雙層芝士漢堡，最吸引人注目的漠過於那兩塊漢堡扒。漢堡扒煎得薄薄的，邊邊位煎得特別香脆。芝士近乎半溶化狀態，與千島醬巧妙地融合一起。飽身是牛油味很重，格外鬆軟素食漢堡，上檯時看到飽內的餡料有些凌亂，拿上手吃時還得小心翼翼。素漢堡內有茄子，翠玉瓜，蕃茄，甜洋蔥，全部蔬菜都經過炒香或是烤香，帶少許油份，脆脆口不會乾。Happy Ho