RUE DU LIBAN

呢間黎巴嫩餐廳嘅環境真係好吸引，每個位置都係影相位，岩哂中意打卡嘅女仔～食物比我想像更易入口同埋好特別，融合了多種特色食材，製作出別具一格嘅風味，睇得出好有創意同好用心。Arabic Mint Tea（阿拉伯薄荷茶）呢個盛住薄荷茶嘅茶具真係好優雅，好似係皇宮被招待咁。薄荷茶好清新，解膩又透心涼，岩哂依家咁熱嘅天氣。CHICKEN SHISH TAWOOK（烤雞肉串）呢個係lunch set，有湯， 小食包括鷹嘴豆蓉、紅菜頭鷹嘴豆蓉、薄脆紅石榴醬沙律同炸鷹嘴豆餅，賣相同味道都好獨特。雞肉醃制入味，濃郁中東香料味完美滲透其中，孜然、肉桂等香料都營造出特別且層次豐富嘅味道。Shrimp Fatteh（金沙蝦乳酪拌飯）勁欣賞呢個，蝦肉飽滿彈牙，乳酪撈飯一齊食真係幾夾，酸酸甜甜，真心好味喎。配料有松子仁同脆片，口感層次豐富。Rice Pudding （米布甸）軟糯，入口即化，係獨特嘅口感，又唔會好甜，輕輕加左肉桂粉就令味道更昇華。…Read More

朋友係一個跳肚皮舞嘅高手，我受佢嘅影響都開始對黎巴嫩菜產生咗濃厚興趣。黎巴嫩，一個擁有復雜歷史背景而又充滿神秘色彩嘅地中海國家，雖然佢未曾在我嚮往嘅旅遊清單中出現，但佢嘅美食就因為位於尖沙咀山林道嘅黎巴嫩特色小酒館「Rue Du Liban」深深吸引咗我！呢間餐廳絕對有驚喜！埃及主廚，擅長整地中海及黎巴嫩風味菜式，餐廳裝修以黃藍色搭配，天花用色彩繽紛嘅乾花做點綴，加上節奏鮮明嘅中東音樂，好似走入阿拉伯世界，餐廳仲會不定時舉行肚皮舞表演。TRUFFLE HUMMUS💰92HKD松露鷹嘴豆蓉，其實有好多款鷹嘴豆蓉揀，我哋揀咗松露風味。佢賣相好掂，貴族藍色餐具都好適合打卡，豆蓉口感細膩柔滑，在中間加入橄欖油同黑松露，用自家製烤餅、脆片沾點豆蓉同松露同食，口腔中充滿松露香氣，口感亦十分有層次。Arabic Mint Tea💰68HKD自從之前在摩洛哥飲過，我就愛上呢種令人精神為之一振嘅薄荷茶，呢度嘅薄荷茶仲用咗金光閃閃嘅茶具，儀式感滿分，同成個環境及貴族藍色餐具極襯，快啲黎打卡！Chicken Fattah 💰169HKD好味系需要等待，當晚壞咗爐具，所以都等咗幾耐先有得食主食，不過認真講，咁好味又有特色嘅食物唔洗搭飛機走入戰區，在香港尖沙咀就可以食到，仲想點！呢個主食系必食推薦！雖然佢樣貌平平無奇，但將雞肉、乳酪醬、脆片、松子仁攪拌均勻之後，就變成極好味嘅雞肉飯，充滿乳酪嘅微酸，雞肉始終保持嫩滑，脆香中又感覺到米飯柔軟順滑，非常有特色！Signature Lamb Shank 💰248HKD佢呢度嘅羊又係一絕，羊是素食動物，而且只食乾凈青草，所以黎巴嫩人認為羊系最潔凈嘅動物。大廚將羊肉燜到軟腍，拎起骨輕輕哋就可以拆開肉，系我可以接受到嘅羊羶味，亦非常入味！溫馨提示：如果想坐色彩繽紛嘅打卡位，就要記得提前預訂啦，我當日就係冇訂位，坐響廁所附近，好在燈光夠足，雖然色彩遜色咗少少，但都可以影到金碧輝煌嘅茶壺！RUE DU LIBAN (尖沙咀)尖沙咀山林道22-26號地下A號舖…Read More

因朋友推介，來到位於尖沙咀山林道一帶的黎巴嫩餐廳晚餐。餐廳有不少的打卡位，天花板滿怖夢幻花海，彷如在黎巴嫩花園的環境用餐，梳化一列的位置都是波希米亞風的怖置。餐廳還會有不定時的肚皮舞表演，氣氛相當熱鬧。🌸🌺👯😚🍽️1️⃣ Arabic Mint Tea（$58），阿拉伯式的薄荷茶，茶底選用新鮮的薄河葉，還有一陣中東的香料味，味道清新、解油解膩。而且裝住薄荷茶的茶杯和茶壺金光閃閃，很華麗。🍻🫖✨2️⃣ Moutable（$94），傳統的豆泥蓉加入了煙燻茄子、還有粒粒的蕃茄粒和石榴籽，煙燻味濃香。在豆泥中間加入了橄欖油和芝蔴油，令口感更加順滑。另外，配上了粟米片和中東薄餅一齊食，滋味無窮。值得一提，中東薄餅食得出是新鮮製造，麵包質感很軟熟。🫓🥄😚3️⃣ Grilled Octopus（$198），八爪魚很大條又粗身，烤得很腍，很容易就可以切開，八爪魚很鮮味，而且碟上塗上了一層黑色墨魚汁，令八爪魚的咸香味十足。🐙😋🫶🏻4️⃣ Signature Lamb Shank（$248），羊腿是餐廳其中的招牌菜式，以慢煮燉的方式，使羊腿的肉質很嫩口，又不會帶有羊羶味。一枝主骨，輕易就可以將羊腿的肉輕鬆撕開，旁邊還有蔬菜和豆泥作為配菜，食落都幾飽肚。🐑🍗5️⃣ Lebanese French Toast（$98），黎巴嫩法式多士都是第一次食到，2次多士中間夾住一層乳酪，味道酸酸甜甜，感覺都幾特別。上層有一層淋上椰棗和朱古力醬及開心果果仁碎碎，層次豐富。食完這個甜品後，都有一種滿足感。🥪🍫☺️👏🏼…Read More