Windmill Restaurant & Bar

踩完單車，就一齊發掘下大圍有咩食啦！今日就帶大家食西餐～超抵嘅無限時happy hour🫡仲有波睇⚽️一於同frd飲杯啤啤佢🍻🌟三文魚凱撒沙律 $99三文魚大大嚿，好厚肉！餐廳用羅馬生菜做沙律底，再配上特製沙律醬同巴馬臣芝士，食落淡淡蒜味，沙律大份足料🫶🏻🌟芝士大蘑菇黑松露意粉 $179呢個真係誠意之作🥰面頭嘅芝士大蘑菇好juicy，配上拉到絲嘅芝士，肥但滿足❤️個意粉汁加入濃郁嘅黑松露，仲有淡淡嘅高湯味，creamy到令每一條意粉都掛滿汁！🌟西班牙脆皮脆豬配彩椒汁 $238乳豬皮好脆，仲係半肥瘦，食落軟淋，簡直係入口即溶！有兩款汁提供，一款似食tacos入邊嘅醬汁，另一款係中餐嘅乳豬醬～仲有薯仔沙律作配菜，幾特別🫶🏻🍸Apple Mojito $78frd話要揸車唔同我啤啤佢🥺就嗌咗無酒版嘅Mojito， 餐廳加入大量蘋果粒同埋果味糖漿，保留Mojito嘅清新同時帶有淡淡嘅蘋果果香❤️🥃Whiskey Sour $88竟然有呢杯！係少有唔甜嘅Cocktail~ 餐廳將酒味同酸味中和得好好🫶🏻總結嚟講，嘢食有質素同份量，樣樣都好大份！同埋仲有無限時happy hour做🤪會想返嚟飲啤酒睇波，環境好正🫶🏻…Read More

好耐無二人世界，近近地落大圍搵野食～黎度呢間風車，入到去見到大大盞水晶吊燈，室內裝修好有復古懷舊feel，仲帶點浪漫咁！非常適合撐枱腳！ 1. 德國咸豬手 $188熱騰騰咁拎出黎，見到咁大隻豬手真係呆左，真心冇諗過咁大隻！超超超抵食！ 而且表皮焦香酥脆，咸香味適中，肉質嫩滑，而且唔會太乾身！ 仲要配埋薯條，真係大件夾抵食！！2. Parma Ham Pizza $159Parma Ham 份量算多，Pizza嘅餅底好似餅乾咁非常脆口，係我最愛嘅餅底！ 3. 煙燻鴨胸沙律 $99鴨胸比我想像中油膩感唔重，而且配埋沙律菜食係好夾！ 4. Apple Mojito $78 以蘋果，青檸，薄荷葉及梳打製成～味道好fresh, 跟豬手好夾！ 5. Strawberry Colada $78以士多啤梨，椰子奶，鮮奶及菠蘿汁製成～ 好有少女感嘅飲品，而且帶有初戀嘅感覺😆 整體黎講呢間餐廳真係好抵食，而且味道唔錯，性價比高～ …Read More

今晚約左好姐妹放工後食飯談天，身住大圍既小妹，聽聞過風車既食物，飲品，環境質素都唔錯， 適合談心+食飯， 所以呢一晚辛苦工作一整天後，就book左風車 門口睇落，心估餐廳的情調也不錯。入內環境的確舒適，冷氣適中，燈光柔和好姐妹同我一樣係海鮮控，當然要試下白酒煮硯上枱熱燙燙的，硯好大隻勁鮮甜， 無沙新鮮， 配合埋香燶既白汁，夾食哂d硯後，仲有d白汁， 白汁沾埋蒜蓉包食，間直係絕配。少少汁都沒得剩。既然係海鮮控，當然要試埋佢既焗石斑2大件焗石斑柳，非常厚身， 入口完全大滿足，啖啖魚肉， 焗得非常juice , 唔乾身。 除左石斑，廚師調配左特別既醬汁配合薯蓉，令到薯蓉味道非一般平凡。 感覺到餐廳對煮食物既誠意薯蓉同石斑既味道非常夾，食得好滿足另外好姐妹同我，心思思試黑毛豬扒廚師一樣擺靚靚上枱，不禁令人相機食先大大件黑毛豬扒， 厚厚的，但肉竟然是嫩嫩的。 好姐妹同我都一樣出乎意料之外，心心眼了完全沒雪味，肉質鮮嫩有口感， 唔會太熟， very good 2道主菜都配合左醃制蕃茄仔，令到胃口大增，食得好舒服滿意。話明吹水談天夜， 當然要選擇1杯飲品，第2日仲要返工，都係揀1返杯mocktail小妹叫左apple mojito , 入口有少少薄荷，清新既青蘋果味，不太甜，完全配合今晚既主菜吹水吹左成晚，侍應由點菜，上菜，執桌都好有禮貌， 沒有催趕。 今日工作一整天雖然很累，但黎到風車舒適地吃了一餐晚餐，得到了生活既1平衡今日物超所值呢！ …Read More