Coti (京瑞廣場2期)

其實都食過好多次，食物質素好，價錢合理，坐得都算舒服，而且格調有文青feel，食得開心，幾乎每星期都會幫襯一次。年尾假期出外旅遊，有一排冇過嚟食。今日如常叫咗all day Breakfast。食物冇乜問題，但冇嚟一排，間餐廳嘅格調就cheap晒。首先係個背景音樂，唔知點解，平時係播啲英文歌，或者純音樂，感覺休閒。但係今日轉左啲抖音feel嘅普通話歌，唱來唱去都係嗰兩句，好洗腦嗰種。我以為自己去錯咗深圳嘅茶餐廳。然後就係啲客人。平時去親嗰啲都斯斯文文。但今日就坐咗兩台怪人喺附近。佢哋應該係一行四人，因為間餐廳細，佢哋要分開咗坐。但係佢哋就隔住幾張枱咁樣，大大聲咁同對方傾偈。加埋啲背景音樂，真係去咗茶餐廳咁！希望只係咁啱得咁蹺，下次唔會再有啲奇怪嘅背景音樂，同埋奇怪嘅食客吧！…Read More

Love their twist to traditional all-day breakfast and turns it to a healthier version wifh melon, pan-fried chicken breast and so many vegetables! Feel very refreshed instead of too greasy after having this all-day breakfast😄 Their coffee is also very rich and nice!Nice little cafe with good value for money!!…Read More

與好友行山前，先去醫肚，我倆都係咖啡人，揀左呢間咖啡店，去到要等位，因為店面細，座位不多，等了半小時才有位，坐在最外圍高腳櫈位置，店家是工業風，餐點選擇不多，先去櫃檯落單，攞號碼，出菜叫號碼，因只有兩名店員廚房一腳踢，出菜都有點亂，佢哋都再問我落左乜嘢飲品，無比收據全日早餐（$74）很豐富的一個全日早餐，哈密瓜是亮點，已切件很爽甜，煎雞扒多肉汁肉嫩好味，滑蛋嫩滑，茄汁豆、煙三文魚正常，醋汁沙律菜新鮮爽脆，麵包我走牛油，外脆內軟夠麥香，好味美式咖啡（$34）喜歡瓷杯，存熱又唔辣手，咖啡夠熱，濃黑甘苦，解膩一流朋友飲：Flat white($38)食物好味，店員有禮斯文，店員只負責廚房，店面都是客人自助服務，唔會催客，食完我與朋友執好啲餐具交去櫃檯，店員笑笑講唔該價錢合理，悠閑感受咖啡店…Read More

難得星期五有半天假，同仔仔食番個 late lunch 先 ，要嘆番杯咖啡，享受一個悠閒的下午。吾想去太遠，最後近近地去咗沙田石門。呢間 cafe 係京瑞廣場二期二樓，好易搵到。坐位不多，之前幾次經過都冇位，所以冇機會試。今日好好彩，等了一會就有位了。難得放假吾趕時間，當然要來一份All day breakfast 先 啦。介绍番呢份ADB 真係正，$74 分量十足，仲要包一杯飲品。如果加$24 可升级選 Signature Coffee 。先數下份ADB 有啲乜先，有一大條水果哈密瓜、牛油麵包、沙律菜、三文魚、炒蛋、2條腸仔、雞扒同埋茄汁焗豆共八款食物，雖然冇我最愛大啡菇，但真係相當不錯。飲品我最後決定試吓杯 Tiramisu Coffee ， 因為見到隔離枱點了，望落去好鬼靚，心思思要試下。其實我本身都好鍾意食Tiramisu ，至於Tiramisu Coffee 係第一次飲，入口香滑不算太甜，低層係咖啡，咖啡味不算大濃郁，大家值得一試。不過我本人較喜歡濃味咖啡，如果咖啡味更濃就更啱我了。另外，我們再加多份蕃茄醬蝦肉意粉，有五、六隻大蝦咁多。至於意粉比較粗身，食落幾得意。蕃茄醬甜酸味道調配得剛剛好，分量十足而且好味。仔仔選配咗果皮冰糖檸檬冷泡茶，少少甜甜酸酸，感覺十分消暑解渴，仔仔表示很美味。Cafe 由於坐位有限，目測大概14個左右，加上食物都是即叫即造，所以大家要預留充足時間。臨走發現店舖有多款咖啡豆可供外賣:)，啱晒我會係屋企冲下啡嘅人，下次屋企冇豆，可以嚟揀番隻豆返屋企試吓先。…Read More

今天同媽媽去石門，因為我知道有間文青 feel 的 咖啡店，好想帶媽媽去吃。餐廳名好特別，Coti = Coffee Time。 咖啡店位於京瑞廣場2期，半開放式的設計，有1張高枱，2張矮的長枱，大約共15人左右，應該是小本經營的咖啡店。還有可以包場，學拉花🥰。我叫了一份 All Day Breakfast 同一份原條鰻魚滑蛋配日本飯，一杯野莓西柚特飲，一杯招牌玫瑰咖啡。餐廳是屬於自助式付款同取餐，所以客人自己找位置坐，看餐牌，再到收銀位付款，再回位坐坐，之後等職員出食物和飲品。我覺得呢個方式非常之好，等餐時，又可以取餐廳提供的日本雜誌看看，一路看雜誌，一路等。All Day Breakfast, 其實有香煎雞扒，炒滑蛋，田園沙律，還有吐司。看到食物後，你都會嘩一聲，因為食物很大，份量非常足夠。👍🏽 廚師又好有心機去煮每一碟的食物，所以好好吃。滑蛋又煮得很滑，又香。雞扒煎得很香，又不會太油膩，又香又滑。😄原條鰻魚滑蛋配日本飯，原條鰻魚很大條，又煎得香，原汁原味👍🏽。滑蛋大大份，又滑又香，日本飯都唔算少，份量超級夠。😄野莓西柚特飲，用了新鮮的野莓去製作，非常用心。😋非常好飲玫瑰咖啡，非常香，玫瑰花味濃郁，咖啡又醇，拉花好靚。👍🏽又有咖啡蛋糕又到評分時間💯💯💯💯💯: 味道💯: 9.5/10價錢💯: 9/10環境💯: 9/10服務💯: 9/10回頭率💯: 10/10地址🏣: 石門安群街1號京瑞廣場2期2樓228A號鋪交通🚇: 石門站…Read More