Teppanyaki Kaika

坐窗邊可以飽覽整個維港夜景🥰 平時食鐵板燒一定想坐席前欣賞師傅手藝，但係今次我就選擇咗坐窗邊，望住呢個景食飯，真係咩都好食啲😂❀海賀2人套餐 $2480✰無花果蟹肉沙律 ⚘蟹肉多，無花果淡淡甜香加新鮮沙律菜。✰三文魚籽伴海雲醋粒粒飽滿咸香嘅三文魚籽，配搭海雲醋嘅酸味，衝擊味蕾，好開胃。海雲醋可以美顏啊🤤✰磯煮鮑魚大大隻磯煮鮑魚配上濃郁嘅鮑魚肝汁，日本大根都煮到好入味。✰鵝肝外脆內軟嘅鵝肝，入邊仲好Juicy！第一次配黑蒜汁，都幾特別。加上水果同埋香脆嘅多士一齊食，勁正🤩✰大蝦煎香左嘅大蝦同埋蝦頭，唔使點任何醬汁已經好好味，鮮甜彈牙，蝦膏用嚟做咗汁，可以點多士食。✰A4宮崎牛 或 愛媛縣產鷄肉套餐可以揀和牛或者雞肉，我哋都揀咗和牛，5成熟。份量一啲都唔少，五成熟啱啱好入口軟嫩，成個套餐最正就係佢🤤🤤🤤✰黑松露和牛 或 樱花蝦 炒飯、漬物、味噌湯炒飯可以揀黑松露和牛或者櫻花蝦，我哋都係揀咗和牛😆 炒飯粒粒分明好香嘅黑松露味，和牛粒都好大粒！隨炒飯奉上漬物與味噌湯。✰甜品是日甜品係抹茶芝士蛋糕或者紅豆沙，抹茶芝士蛋糕唔係好甜，抹茶味香濃；紅豆沙入邊有啲蕃薯粒，都幾特別。✰咖啡或茶飲埋杯飯後餐茶，完美🫶🏻呢個2人餐好豐富，而且佢哋用嘅食材都好高質，份量唔會好少，擺盤有花過心思🥰望住個咁靚嘅夜景，一定要叫返杯酒🍸 揀咗兩杯Harlan's Gin Special Selection～✰Hendricks Gin $138⚘Cucumber ⚘ Mediterranean Tonic⚘✰Monkey 47 Gin $148⚘Rosemary ⚘ Thyme ⚘ Premium Indian Tonic⚘…Read More

工作壓力大既時候要食好西放鬆一下，我同朋友揀左一間坐擁海景嘅鐵板燒餐廳，坐係鐵板燒位一路欣賞住師傅功架，展開咗我哋嘅味蕾之旅。今次點左海賀二人套餐（HKD2480)，共7道菜+甜品、咖啡/茶。無花果蟹肉沙律蟹肉質地細嫩，無花果嘅甜美與蟹肉嘅鮮味互相襯托，口感清新。三文魚籽伴海雲醋三文魚籽鹹香味十足，海雲入口順滑，醋汁酸酸地，令人胃口大開。磯煮飽魚 磯煮方式令飽魚保持原始鮮味，肉質極為細膩，可以加埋清甜嘅日本大根一齊食，濃郁嘅鮑魚肝醬為整道菜增添奢華感。鵝肝煎至表面微焦，油脂香濃郁，入口即化，配搭多士一齊食中和油脂感，黑蒜醬微妙嘅獨特風味將鵝肝嘅味道提升到另一個層次。大蝦外層烤得恰到好處，內裡則保持著彈牙同鮮嫩，配上香濃嘅蟹膏汁，將呢道菜提升到另一個水平。A4宮崎牛大理石紋理均勻，鐵板上烹調令肉質變得柔軟而多汁，配上黑松露醬，帶有一種奢華嘅深邃香氣，夾埋蒜片一齊食，質相得益彰，增添一份獨特嘅口感。黑松露和牛/樱花蝦炒飯炒飯粒粒分明，和牛嘅鮮嫩與黑松露嘅濃郁香味在口中完美融合，櫻花蝦本身嘅鹹香與炒飯嘅香氣相結合，兩款炒飯展現出各自嘅風味。甜品焙茶奶凍質地細膩綿滑，作為飯後甜品非常滿足。Roku Gin/ Hendricks Gin我同朋友分別叫左2杯Gin cocktail，Roku Gin入面杜松子嘅微妙辛香，創造出一種獨特嘅風味；Hendricks Gin 帶有黃瓜香氣，清新而優雅。…Read More

系香港食過咁多野 唯獨未試過鐵板燒 見到鐵板燒海賀幾多人講 而且個景又幾靚😍咁就岩曬啦👫🏻海賀二人套餐 $2,480總共9道菜 由前菜到甜品都有 好豐富丫🦀無花果蟹肉沙律無花果肉清甜👏🏼蟹肉系新鮮拆出黎 幾彈牙 帶點鹹鮮☁️三文魚籽伴海雲醋海雲醋原來系啲醃製過既海藻 幾爽口 而且味道酸甜 🐚磯煮飽魚慢煮南非鮑魚 肉質偏腍身 鮮嫩度十足 有驚喜🤪下面既日本大根煮得又入面加埋個自家製海鮮醬 用上鮑魚干同魚干製成 味道更有層次🦢鵝肝超肥美 油脂滲曬出黎 而且煎得好香 流曬口水🤤🦐大蝦好大隻 質地結實爽口💪🏼配上蟹膏醬 冇得輸🐮A4宮崎牛真.入口即融👍🏻除左原味 仲可以點黑松露醬🐥愛媛縣産鶏肉煎得非常好 肉質嫩滑得黎充滿彈性 估吾到雞肉都可以整得咁出色 好難忘☺️🍚黑松露和牛炒飯和牛油同白飯融合 香噴噴 又有黑松露 味覺衝擊丫🌸櫻花蝦炒飯 幾多蝦又大隻 炒得干身 所以食落脆脆🥣味噌湯味道甜甜地 吾算鹹🍰甜品今日系焙茶奶凍＆抹茶芝士蛋糕焙茶果凍食落清新 令整餐飯既尾升都吾膩 奶凍又幾棉滑 芝士蛋糕味道幾濃🍷Fruit Berry Punch $108🍹Refreshing Lychee $108💭餐廳環境固然優雅 風景開陽 服務同食物都非常好 開心既晚上😊…Read More

元宵佳節，慶祝指定動作梗係食餐好的，有埋靚景有情調嘅環境相伴就正到痺！呢間鐵板燒餐廳符合曬以上條件，不論日夜呢度望出去個維港景都勁迷人。餐廳設有不同用餐區，坐bar枱望住師傅表演廚藝滿足視覺效果，亦有靠近落地玻璃位置讓客人邊食邊欣賞無敵view，想同伴侶老友傾密偈可以包房或在私隱度高的位置享受美食暢飲一番。職員們普遍很有禮貌Kaika Special Set for Two People海賀二人套餐Crab Meat and Fig Salad 無花果蟹肉沙律> 淋上黑醋汁的沙律食味清新、洗滌味蕾Salmon Roe with Mozuku三文魚籽伴海雲醋> 一向很喜歡海雲那種爽脆颯颯聲的口感，呢個前菜非常開胃Sous Vide Grilled Abalone 磯煮鮑魚> 鮑魚賣相很有氣勢，底部墊著高湯煮大根軟腍清甜，拌入鮑肝醬幾有風味Foie Gras 鵝肝> 全餐飯最欣賞鵝肝，中間熟度剛好入口即化甘香肥腴，配橘子和小梨片伴以黑蒜汁食更為清爽，小多士也很鬆脆Prawn 大蝦> 蝦燒得焦香蝦頭有滿滿蝦膏，蝦肉亦較爽脆，點蟹膏醬味道濃上加濃A4 Miyazaki WagyuA4宮崎牛> 和牛脂肪異常濃厚，蒜片香酥鬆脆配松露醬伴牛肉食係不敗之選Wagyu with Black Truffle Sauce Fried Rice, Pickles, Miso Soup黑松露和牛炒飯、漬物、味噌湯> 黑松露和牛炒飯炒得乾身甚具鑊氣Dessert 焙茶奶凍> 細細杯食落唔錯有淡淡焙茶香奶凍口感滑Serrento Limited Edition> Prosecco、法國果酒 St. Germain加金柑、蜜糖檸檬汁混合製成，入口清甜順喉無藥水味、幾好飲…Read More

慶祝生日🎂或紀念日🎉搵餐廳嘅話，當然要搵間食物有質素，有景，先有vibes啦！😏今次就同小妹去左The One嘅「鐵板燒海賀」～我地預早book左靠窗座位，咁就可以飽覽維港醉人海景，用餐體驗無懈可擊！😎如果唔洗睇景，都可以坐吧檯，可以欣賞師傅為你即席烹調～☺️我地叫左個二人套餐（$2480/2位），有8個course。因為「鐵板燒海賀」和「Harlan’s」係姐妹店，所以都可以order到「Harlan’s」嘅cocktail！🍸The Oriental Pearl（$138）‼️推薦‼以東方之珠命名的雞尾酒，以Gin作基酒，加上西柚及檸檬🍋，味道清新，加上面頭用蛋白打成的泡沫，飲落香滑refreshing～🥂The “HK”（$138）雖有係sake base，不過味道有啲似Prosecco…🤔🦀蟹肉無花果沙律沙律菜和無花果，加上一絲絲嘅新鮮蟹肉，鮮甜開胃🤤～🐟三文魚籽伴海雲醋海雲入口滑溜，有點爽口，連醋一起吃下口感清涼，酸醋汁酸得開胃，加上晶瑩剔透嘅三文魚籽，味道更鮮香。💕磯煮鮑魚‼️推薦‼原隻新鮮鮑魚，口感細嫩彈牙，配上煮至清甜軟腍嘅日本大根，蘸上紫菜蠔汁，味道👅更鮮味！鵝肝‼️推薦‼兩邊煎至金黃色，配上旁邊嘅脆多士一齊食，唔洗蘸醬汁都已經好味🤤🦐大蝦都幾新鮮，口感爽口彈牙配上🦀蟹羔醬一齊食，味道更提鮮！肉類可以二揀一～分別有A4宮崎牛或愛媛縣產鷄肉。🥩A4宮崎牛‼️推薦‼和牛肉質柔軟細膩，油脂均勻分佈，咬下去滿滿肉汁，油脂香散佈整個口腔，肉香味美～☺️可以蘸上旁邊嘅松露醬，或夾上蒜片一齊食，味道會更有層次～😏🍚炒飯炒飯飯粒炒至乾身，粒粒分明，沒有半點油膩感兩種味道都唔錯～黑松露和牛炒飯散發淡淡牛肉和菇菌香～櫻花蝦味口感則比較突出，個人比較喜歡櫻花蝦～☺️🍨甜品可以揀 抹茶芝士蛋糕 或 南瓜紅豆沙🎃南瓜紅豆沙紅豆沙添加了南瓜，更有口感～咖啡或茶…Read More

- 尖沙咀｜鐵板燒海賀 -「海賀二人套餐」▪️無花果蟹肉沙律🦀🥗有好多蟹肉喺面，好足料，好鮮味▪️三文魚籽伴海雲醋海雲好滑溜，食落酸酸哋，幾開胃，配埋三文魚籽，口感更有層次▪️磯煮鮑魚鮑魚煮得好易咬開，但又唔會太過軟腍，保留口感。另外下面仲有大根，好清甜，冇渣▪️鵝肝煎到外面少少焦，好香口，配上多士一齊食，可以減少油膩感▪️大蝦🦐蝦身肉質爽口彈牙，蝦頭味道香濃▪️A4宮崎牛🐮一入口充滿油脂感，肉汁爆晒出嚟，肉味濃厚。伴碟有炸蒜片，好香脆▪️黑松露和牛炒飯🐮🍚▪️櫻花蝦炒飯🦐🍚▪️味噌湯🥣、漬物炒飯可以揀黑松露和牛，或者櫻花蝦。黑松露香氣突出，配埋和牛好香濃，而櫻花蝦味道冇咁濃郁，但脆脆哋，口感豐富，各有特色。另外仲有味噌湯，同埋漬物，唔錯▪️南瓜紅豆湯🎃🫘▪️抹茶芝士蛋糕🍵🧀南瓜紅豆湯熱熱哋，好暖胃，啱晒冬天，而芝士蛋糕就好順滑▪️Honey Moon (Guava, Honey🍯, Pineapple Juice🍍)▪️Shirley Temple (Grenadine, Lime🍋, Soda Water)兩杯飲品都幾有特色，飲落好fresh鐵板燒海賀📍尖沙咀彌敦道100號The ONE 19樓…Read More

<鐵板燒海賀> 📍尖沙咀🔸令人垂涎欲滴嘅Medium rare A4和肉 🤤🤤🤤 🔸尖沙咀海景鐵板燒 🍾 大時大節慶祝好去處朋友仔生日特意帶佢去Book mark以久嘅<海賀> 賀壽 💛💛💛 生日快樂喔～ 祝你食極唔肥、龍年好運行到尾！！！是日Menu係 $2,480一共8個item的海陸二人餐單，其中就以大蝦 & A4和牛最為出色 🤤🤤🤤<前菜>無花果蟹肉沙律、三文魚籽伴海雲醋，以清新開胃嘅前菜為主調 🍋 海雲醋酸咪咪十分醒胃。<主菜>磯煮鮑魚 — 鮑魚係磯煮的過程中，依然保持鮮嫩的口感，食落厚肉 💓💓💓 鐵板燒鵝肝 — 準備中嘅香氣飄過嚟，已經令我倆流晒口水 🤤🤤🤤 鵝肝質地柔軟、口感濃郁、豐富 💕 每一啖都充滿了奢華和滋味。鐵板燒大蝦 — 大蝦鮮嫩Q彈，口感令人滿足。大廚特別處理過嘅蝦頭，海鮮味極重、食落口感卜卜脆！！！最後連蝦頭都食埋，認真好野！A4宮崎牛 — ✨✨✨表現出色，出類拔萃✨✨✨ 和牛肉質鮮嫩多汁，脂肪分佈均勻，如同相片一般晶瑩效果 🤩 宮崎牛肉質獨特嘅口感和濃郁的風味，用鐵板處理，簡直一絕！！！入口脂肪逐漸溶化，釋放出牛脂芳香，令人垂涎欲滴！！！<配菜 及 甜品>櫻花蝦炒飯 — 炒飯粒粒分明 🧡🧡🧡 櫻花蝦咬落脆口，口感特別。最後仲有甜品同餐茶，不過去到最尾已經飽飽，有啲食唔落 🤣🤣🤣 餐廳位於The One高層 🌃 完全飽覽維港海景，格局清幽，岩晒朋友傾計或二人慶祝 🥂…Read More

📍 鐵板燒海賀 Teppanyaki Kaika📍 尖沙咀 𝗧𝘀𝗶𝗺 𝗦𝗵𝗮 𝗧𝘀𝘂𝗶 • The ONE 19樓〔 Follow me! ♥︎ 〕-一向喜歡吃鐵板燒料理，因為可以以相對划算的價錢享受到多項菜式，而且還能坐在料理桌前，欣賞師傅的功架但這間《鐵板燒海賀》，就令喜歡看著師傅烹調的我，都選擇放棄料理桌座位，因為一般餐桌旁的景觀實在是一流！-《鐵板燒海賀》位於尖沙咀The ONE高層，店面滿大，除了有數個吧檯空間，還有靠著落地玻璃的一般用餐區位置雖然前面有幾座高樓大廈，但還是能看到絕美的維港景色，由西環至北角的180度海景盡收眼底🥺-是日享受了【海賀二人套餐 ($2,480)】，由前菜到甜品，共八道菜每樣食材都十分新鮮高質，單吃已很好吃，但也可以蘸上特配的醬汁一同享用侍應服務跟服務態度都不錯，有留意食客進食節奏，配合上菜速度；添茶也很密-The “HK” (cocktail) ($138)Fruit berry punch (mocktail) ($108)鐵板燒海賀與同層的Harlan‘s屬同一集團，所以在這邊也可以點到Harlan’s的飲料我們就點了一杯以清酒為基底的【The “HK”】cocktail和一杯【Fruit Berry Punch】mocktail，與二人套餐一同享用-海賀コース 二人前 ($2,480)海賀二人套餐 Kaika Special Set for Two•無花果蟹肉沙律Crab meat and fig salad無花果、絲絲蟹肉、爽脆沙律菜，十分清新開胃，當前菜一流～•三文魚籽伴海雲醋Salmon roe with mozuku第二道亦是開胃的前菜，水雲海藻配上三文魚籽水雲吃上去口感爽滑，好像在吃粉絲一樣味道帶微酸，很開胃•磯煮鮑魚Sous vide grilled abalone鮑魚採用「磯煮」的烹調方法，以慢火炆煮，令醬汁的精華滲透鮑魚裡邊，而且還能保留鮑魚的鮮嫩肉質鮑魚採用南非鮑魚，厚肉、彈牙旁邊的鮑魚肝醬更能提鮮；而底下還伴有軟腍入味的蘿蔔•鵝肝Foie gras法國鵝肝表面煎得焦脆，內裡油脂豐盈、質感綿密，相當肥美！🥰旁邊有水蜜桃跟蜜柑作伴碟，酸甜的味道可以平衡一下鵝肝的油膩感另外也有黑蒜醬、多士作配搭•大蝦Prawn大蝦吃上去十分新鮮，口感爽口彈牙份量十足，相當厚肉可以與旁邊的蟹膏醬、脆多士一同享用•A4宮崎牛A4 Miyazaki Wagyu牛肉選了五成熟；師傅燒得剛剛好是我喜歡的熟度，顏色粉嫩粉嫩的肉質柔嫩多汁、牛味濃郁，脂肪感很重旁邊配了黑松露醬，更添層次除了A4牛外，還可選擇愛媛縣產雞肉•黑松露和牛/櫻花蝦炒飯、漬物、味噌湯Fried rice, Pickles, miso soup炒飯有兩款口味：櫻花蝦／黑松露配和牛粒炒飯炒得夠乾身、粒粒分明兩款口味都好好吃，而且份量很慷慨，給得很足，三四個人分享都可以吧🤣除了炒飯，亦可以加$30改配烏冬•甜品 Dessert咖啡或茶 Coffee or Tea最後還有甜品和飲品是日甜品可選【抹茶芝士蛋糕】或【南瓜紅豆沙】，份量小小的，剛好完滿了這頓令人滿足的一餐❤️…Read More

咁啱見到係銀座既代表就試下😂 呢到既樓底夠高，地方開揚闊落，亦有好正既海景🌊 裝修風格摩登時尚，以深灰同木系🪵為主～ 座位有好多選擇，可以揀睇廚師表演🎭、睇海景🌊、或者私人空間包場都得，而且野食既配搭有心思又好食😋 係值得回頭既鐵板燒🔥😜(5 😍 係滿分，🤩係半分）海賀二人套餐 - $2480無花果蟹肉沙律 🦀🥗 (好味指數：😍😍😍😍)上面拆左好多梳完整既蟹肉🦀，唔會散開或者好碎，味道鮮甜多汁，質感綿密，配埋清香既無花果、新鮮爽脆既沙律菜🥗，同埋酸酸甜甜既沙律醋汁🥗幾清新，用黎做開胃冷盤幾好～三文魚籽伴海雲醋 🍣🟠 (好味指數：😍😍😍😍)啲三文魚籽🟠粒粒飽滿，晶瑩剔透，卜卜脆咁，一咬落去感受到鮮香四溢、充滿魚脂香👍🏻 而下面就配左海雲同醋好特別～ 海雲其實係一種海藻，平時會加埋日本醬油、味淋、醋等等去醃制，質感爽口滑溜，好似幼細既粉絲咁，加上酸酸地咁咁晒開胃🤤磯燒鮑魚 🔥 (好味指數：😍😍😍😍😍)呢個鮑魚超大隻同厚肉，有𠝹左花刀，所以醃得更加入味，有鹹香又鮮味十足～ 口感亦都爽口彈牙，一啲都唔韌，配埋旁邊濃郁醇厚既鮑魚肝醬同清甜多汁既蘿蔔，感覺意想不到咁夾，相得益彰～ 個蘿蔔好甜，又煮到軟腍入味，成個組合都好好食😋鵝肝 🦢 (好味指數：😍😍😍😍🤩)鵝肝🦢真係幾時食都正🤤 今次幾厚身，表面煎得酥脆，入面口感豐腴肥美，軟滑綿密，味道香濃醇厚，油香幾出～ 旁邊配左酸酸地既莓汁同埋酸酸甜甜既蜜桃🍑，特別過經典配搭蘋果🍎，又有消膩既效果～ 另外仲可以配埋金黃香脆既多士🍞大蝦🦐 (好味指數：😍😍😍😍🤩)啲大蝦🦐好大隻同飽滿🤤 全部都剝左殼，啖啖肉咁食好正🤤 啲蝦🦐煎到帶啲焦香，肉質爽脆，蝦味濃郁唔會有雪味❄️，味道鮮甜，煎過之後更加香口同有油香～ 蝦頭亦有啲豐腴肥美既蝦膏，連埋一齊食仲正🤤A4宮崎牛 🐮 (好味指數：😍😍😍😍🤩)個A4宮崎和牛肉好正😋 小編叫左5成熟，上枱既時候已經切好，所以見到裡面係粉嫩既粉紅色，煎得啱啱好～ 口感緊緻順滑， 肉質鮮嫩同埋牛味🐮幾重，油花分佈均勻，紋理清晰，煎過之後油香更加出，入口即溶但又唔覺得油膩～ 旁邊仲配左蒜片🧄松露和牛炒飯 ⚫️🐮🔥🍚 (好味指數：😍😍😍😍)日本既炒飯🔥🍚相對上無咁油膩，今次既炒得幾乾身同有穫氣，粒粒分明，落左芳香馥郁既黑松露⚫️、肥瘦適中既和牛粒🐮同香口既蛋絲🥚就更加香，啲和牛粒🐮既牛味幾濃郁同埋油香幾出，感覺幾好食🤤櫻花蝦炒飯 🌸🦐🔥🍚 (好味指數：😍😍😍🤩)小編就鍾意上面個和牛炒飯🐮🔥🍚多啲，呢個炒飯🔥🍚一樣夠乾身同有穫氣，粒粒分明，我亦有有鹹香既櫻花蝦🌸🦐同埋香口既蛋絲🥚，不過如果個蝦味🦐再出啲就更加惹味漬物 (好味指數：😍😍😍😍)上左啲醃蘿蔔，酸酸地同爽口，可以清一清味蕾先食甜品～味噌湯 🥣 (好味指數：😍😍😍😍)味噌湯 🥣係日本既國湯🥣，質地清澈，味道濃厚，鹹中帶甜，亦有少少鰹魚🐟風味既餘韻，有海帶同豆腐都唔錯～甜品 - 抹茶芝士蛋糕🍵🧀🍰 (好味指數：😍😍😍😍🤩)原本以為個芝士餡🧀係抹茶味🍵，原來個底照係原味芝士蛋糕🧀🍰，上面再加抹茶🍵mousse～ 個蛋糕🍰質感濕潤厚實，芝士🧀既鹹香味幾出同口感夠rich，抹茶🍵mousse就口感綿密幼滑，帶有少少抹茶🍵特有沙沙地既感覺，亦有清新既海苔香味～ 咁樣夾埋一齊食感覺個層次更加出，亦唔會話好甜，啱晒抹茶🍵fans😍“Sorrento” Limited Edition - $138 (好味指數：😍😍😍😍🤩)特登揀左杯特別既cocktail, 係由Prosecco、St. Germain、柑橘🍊同自家製蜂蜜檸檬汁🍯🍋調製而成既，味道輕盈清爽見稱，有幽香又有活力既果香，酸酸甜甜咁，氣泡質地軟綿，充滿青蘋果🍏、檸檬🍋、柚子🍊、蜜桃🍑同花香🌸氣息，感覺refreshing又易入口～Honey Moon (好味指數：😍😍😍😍)另一杯就係mocktail黎既，用左番石榴、蜂蜜🍯同菠蘿汁🍍調整而成，一樣酸酸甜甜咁，清新又帶有少少氣泡🫧既刺激感，可以開胃解膩，亦都好似個名咁味道偏香甜啲～好味指數：😍😍😍😍🤩推介指數：😍😍😍😍🤩…Read More

呢間餐廳曾獲2014年米芝蓮餐廳指南推介，提供唔同價位嘅日式鐵板燒👨🏻‍🍳🥢海賀季節精選二人套餐 ($2980)💗無花果蟹肉沙律香醋沙律加入清甜嘅新鮮無花果同一絲絲鮮蟹肉，清新開胃🥗💗特上刺身三點1️⃣帆立貝：帆立貝肉厚鮮甜，以檸檬激發鮮味2️⃣油甘魚：油甘魚厚身滑嫩，但3️⃣赤身：赤身腍滑纖細，魚肉味濃💗鵝肝鵝肝香溢肥美，油脂齒頰留香，入口即化，以黑醋中和油膩感，搭配酥脆多士🦆💗西澳洲龍蝦龍蝦肉厚爽彈，以海膽牛油醬汁炒成，特別濃郁甘香🦞💗鮑魚鮑魚肉厚鮮爽，加入海苔清湯提升鮮味🐚💗A4宮崎牛 厚切宮崎牛軟腍充滿油脂香，肉汁滿滿 ，配上炸蒜片、岩鹽、柚子胡椒或蜜糖芥末籽增加風味🥩💗黑松露和牛炒飯炒飯加入黑松露、和牛碎同蛋花，飯粒炒得粒粒分明，松露香充斥整個口腔🍳💗漬物.味噌湯漬物方面分別有千本漬同紅酒蕎頭漬🥙；味噌湯簡單加入油揚同海帶煮成🍲💗稻庭烏冬(+$30)稻庭鳥冬順滑煙韌，加上油揚同海帶令清淡嘅木魚湯更鮮味🍜💗甜品1️⃣南瓜紅豆湯：紅豆湯香甜暖胃，南瓜接近融化成蓉，粒粒紅豆煮至軟綿🫘2️⃣抺茶Tiramisu：提拉米蘇幼滑細膩，以蛋糕層相間帶淡淡抺茶幽香，豐富奶香🍵💗Honeymoon ($108)以菠蘿、番石榴等打成沙冰，味道酸甜清新🍹💗Serrento Limited Edition ($138)以Prosecco為基底，加入St. Germain接骨木花酒、柑桔、蜜糖檸檬汁，甜味重易入口🍸…Read More

想與伴侶摯友一邊享受無敵維港景緻，一邊欣賞鐵板師傅精心為自己準備佳餚美食，位於尖沙咀大型商場The One 高層的海賀鐵板燒會是聚會的一個很好選擇。最近跟朋友聚會，挑選了坐擁醉人維港美景的高級鐵板燒餐廳。餐廳的樓底極高，環境雅致，全場劃分了數個不同的鐵板燒專區，由不同的鐵板師燒傅為食客服務。.本以為在高級鐵板燒餐廳用餐一定所費不菲，但看餐牌後發現豐儉由人、各適其適。晚市套餐由數百元一位起，最豐盛的時令套餐千多元也有交易，保證能找到心水的美食配搭。.➰海賀季節精選二人套餐➰ 💲2980難得到訪想一口氣試齊所有招牌款式，所以選了餐廳時令的季節精選二人套餐。.✿ 無花果蟹肉沙津前菜是足料的蟹肉沙津，清爽一清味蕾。.✿ 特上刺身三點刺身部份有北海道帆立貝、拖羅和赤身，每款兩片，作為前菜份量很足。.✿ 鵝肝正式進入主題的香煎鵝肝部份。看着鐵板師傅處理超厚超肥美的鵝肝，加上香煎多士，令人食指大動。.✿ 鮑魚南非活鮑魚，有足手掌大的尺寸，非常誇張。處理前，師傅把還在扭動的鮑魚呈上給我們看，表示非常新鮮。非常新鮮。燒過的鮑魚不需經過太多調味，肉質帶膠質充滿彈性，軟硬適中有嚼勁。.✿ 西澳洲龍蝦餐廳的招牌作，龍蝦大大隻，爽口彈牙。特別喜歡師傅已龍蝦膏製作醬汁，大大提升了龍蝦的鮮味。龍蝦頭還保留很多龍蝦膏，海鮮控表示大滿足。.✿ A4宮崎牛重頭戲三當然少不了鐵板和牛柳。A4和牛的油脂感和牛味平均，超喜歡配搭那自家製的炸蒜片，還有配搭玫瑰鹽、芥末籽和黑胡椒，增添層次。.✿ 黑松露和牛 / 櫻花蝦炒飯鐵板燒當然少不了鐵板炒飯，跟一般鐵板燒餐廳有點不同，這裏可供食客選擇自己喜歡的口味。有黑松露和牛炒飯和櫻花蝦選擇，個人覺得櫻花蝦的味道更夾、更突出。.✿ 漬物✿ 味噌湯.✿ 甜品 - 抹茶提拉米蘇甜品環節也不欺場，新抹茶版本的提拉米蘇口感非常軟綿，份量不多但令人回味。.✿ 咖啡或茶.➿ ᴍᴏᴄᴋᴛᴀɪʟ❀ ʀᴇꜰʀᴇꜱʜɪɴɢ ʟʏᴄʜᴇᴇ 💲108.❀ ʜᴏɴᴇʏ ᴍᴏᴏɴ 💲108…Read More